Lizsij dih Gaihcij 12:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Bouxlawz hoh fuk hawj mwngz hih, gou caemh hoh fuk hawj bouxlawz; bouxlawz mang mwngz hih, gou caemh mang bouxlawz. Lajmbwn sojmiz hih minzcuz cungj dwg dajlaeng mwngz ndaej miz fuk.”

Lizsij dih Gaihcij 12:3 ပူးပေါင်းရင်းမြစ်များ

Gyahlahdaiq Saw 3:8

Mbouj danhcij yienghneix, geijcaeux gaxgonq youq ndaw Singqgingh sij naeuz linghvaih minzcuz hih vunz vih sinq Cangqdiq hwj couh ndaej youq ndaw lwgra Cangqdiq suenq dwg mij'z coih he. Sojhij, geijcaeux Cangqdiq cix cenz gij ndei siuhsiz neix naeuz Yaqbwzlahhanj ni, naeuz: Lajmbwn sojmiz hih minzcuz, cungj dwg dajlaeng mwngz ndaej miz fuk.

Lizsij dih Gaihcij 22:18

Lajmbwn sojmiz hih minzcuz cungj dwg dajlaeng doengh daih gajlaeng mwngz hih boux he ndaej miz fuk, aenvih mwngz dingq gij vah gou.’”

Lizsij dih Gaihcij 27:29

Muengh ciencien fanhfanh minzcuz swqhaeuh mwngz, Ciencien fanhfanh guekgya cungj daeuj baiq mwngz sax mwngz. Mwngz ndaej guenjciq beixnuengx mwngz; Doengh daih gajlaeng daxmeh mwngz cungj daeuj baiqbaiq saxsax doengh daih gajlaeng mwngz. Bouxlawz mang mwngz hih, bouxlawz caemh ngaiz mang; Bouxlawz hoh fuk hawj mwngz hih, bouxlawz caemh ndaej miz fuk.”

Lizsij dih Gaihcij 26:4

hawj doengh daih gajlaeng mwngz fat ndaej lai luj gij ndaundeiq gwnzmbwn, caemh dawz mwnqneix sojmiz dih dieg soengq hawj gyoengqde. Lajmbwn gak aen minzcuz dih vunz cungj dwg dajlaeng doengh daih gajlaeng mwngz hih boux he ndaej miz fuk,

Lizsij dih Gaihcij 28:14

Doengh daih gajlaeng mwngz fatdad hwj doeng sae namz baek dauqcawq cungj miz, ij lai luj boenqcingh bae. Baezneix lajmbwn sojmiz dih minzcuz cungj dwg youz mwngz caeuq doengh daih gajlaeng mwngz ndaej miz fuk.

Gyahlahdaiq Saw 3:16

Caemh doxdoengz, Cangqdiq gaenq doiq Yaqbwzlahhanj caeuq gij lwglan de baujcingq lo. Yiengq wnggai cuqhiq, Singqgingh ndaw de gaenhbaenj mij sij naeuz: “Doiq gyoengq lwglan de”—mbouj dwg ceij haujlai, ceij baenx gyoengq—dauq dwg naeuz doiq boux lwglan he lah. Couh dwg Gihduz lo.

Lizsij dih Gaihcij 18:18

aenvih gou ij hawj Yaqbwzlahhanj hih doengh daih gajlaeng de bienqbaenz aen minzcuz youh hung youh giengz he; gou caemh sawjhawj lajmbwn aen'aen minzcuz cungj dwg dajlaeng de ndaej miz fuk.

Lozmaj Saw 4:11

Aenvih de sinq Cangqdiq, Cangqdiq cij yawj de dangq boux mij'z coih he. Gajlaeng de gozlij cijmboujgoq dwg it cungj geiqhauh hwj mah, dwg geiqhauh vunz youq ndaw lwgra Cangqdiq dwg mij'z coih he. Sojhij Yaqbwzlahhanj dwg doenghheij vunz gannaeuz mij gozlij hoeng Cangqdiq vih gyoengqde sinq hwj couh yawj gyoengqde suenq dwg mij'z coih hih doenghheij vunz neix dih cojgoeng.

Ok Ngaihgiz 23:22

Hauhnaeuz mwngz saedsaeh dingq gij vah de, ciuq gou soj gangj hih vah bae guh nex, gou caemh yawj boux caeuq mwngz miz caeuz he caemhdangq boux caeuz gou.

Gyahlahdaiq Saw 3:28

Yiengq, giqyienz dwg yienghneix lo, couh mboujguenj Youzdaiq vunz haj cixnaeuz linghvaih minzcuz hih vunz, mboujguenj guh hoiq haj cixnaeuz swqyouz vunz, mboujguenj dwg vunzsai haj cixnaeuz dwg vunzbaz, cungj dwg doxdoengz, aenvih faenhsou dunghgoq Yehsuh Gihduz hwj doxgaep guhbaenz aen ndang he lo.

Gihduz Hawj Vunz Rox 7:9

Gajlaeng gou caiq yawjraen miz baenxbienh vunz, geq cungj hoj geq ndaej liux he, daj ciqgyaiq gak guek, gak cuz, gak minzcuz, gak mwnq vunz gangj mbouj doengz hih vah daeuj. Gyoengqde daenj buh bieg, fawz caemh dawz mbaw faex luj mbaw bingqbeiz he hwj ndwn youq dangqnaj aen lungzeij caeuq duz yiengzlwg

Hijfuzsoj Saw 1:3

Docih bouxcawj raeuz Yehsuh Gihduz dih Cangqdiq daxboh; de dunghgoq Yehsuh Gihduz hwj dawz gwnzmbwn gak yiengh hih fuk nyok hawj gyoengqraeuz.

Majdaiq Saw 25:40

“Yiengq, goengjvuengz gaengjdingq han doengh boux de naeuz: ‘Gou saedsaeh naeuz sou ni, mboujguenj seizlaw, cijaeu faenhsou bang doenghheij beixnuengx gou ndaw de hih boux he, cungjsuenq naeuz boux de dwg boux ceiq yaez he, couh suenq dwg faenhsou bang gou lo.’

Lizsij dih Gaihcij 30:27

Yiengq Lahbanh han naeuz: “Muengh mwngz vanzlij giqcuz youq mwnqneix youq! Gou suenqmingh goq lo, rox dwg vihliux mwngz Yehhozvaz cij soengq fuk hawj gou.”

Gohlozsih Saw 3:11

Ndaej guh boux vunz moq ndaej miz saen hih mingh hih gaenhbaenj mbouj faen Hihlaz vunz haj Youzdaiq vunz, gozlij vunz haj mbouj gozlij vunz, nga'ngangq mbouj miz vaenzvaq haj miz vaenzvaq vunz, bouxhoiq haj boux swqyouz vunz, aenvih Gihduz cauhgoq sojmiz hih; gyoengqde cungj dwg doxdoengz miz Gihduz, Gihduz cungj dwg caeuq gyoengqde youq.

Lizsij dih Gaihcij 39:5

Dajlwh Yozswz daeuj guenj le, Yehhozvaz vihliux Yozswz dih yienzyouz caemh soengq fuk hawj bouxcawj de Bohdizfaz. Ndaw ranz de caeuq sojmiz dih reihnaz, Yehhozvaz caemh soengq fuk hawj.

Lizsij dih Gaihcij 30:30

Mwh gou mijyaengz daeuj dineix mwhde, mwngz sojmiz hih cungj gig noix; seizneix nej, cwz hah, yiengz hah, baenx gyoengq baenx gyoengq. Mboujguenj gou bang mwngz guh gijmaz, Cangqdiq cungj soengq fuk hawj mwngz. Nanzdauh gou ij daengz seizlawz bae cij ndaej gag laeb aen gya bonjfaenh gou nex?”

Gohlimzdoh It 1:30

Hoeng, gyoengqraeuz ndaej baengh Cangqdiq hwj ndaej caeuq Yehsuh Gihduz doxhuz. Gyoengqraeuz caemh rox Cangqdiq baij Gihduz daeuj gouq vunz dwg coengjmingz raixcaix, gyoengqraeuz dunghgoq de hwj hawj gyoengqraeuz ndaej youq ndaw lwgra Cangqdiq suenq dwg boux mij'z coih he, ndaej guh boux hab'eiq habhoz Cangqdiq he, caemh dunghgoq de hwj gyoengqraeuz ndaej cueg ma lo.

Majdaiq Saw 25:45

“Yiengq goengjvuengz gaengjdingq han gyoengqde naeuz: ‘Gou saedsaeh naeuz sou ni, cijaeu faenhsou doi mbouj bang gyoengq beixnuengx gou ndaw de dih boux he, cungjsuenq naeuz boux de dwg boux ceiq yaez he, yiengq, couh suenq dwg mbouj bang gou lo.’

Luqgyah Saw 24:27

Gajlaeng de vanzlij gaijyiz naeuz song boux de ni daj Mohsih itcig daengz doengh boux cenz gij vah Cangqdiq youq ndaw Singqgingh soj sij hih gvanhhih de dih saeh, cungj gaijyiz naeuz song boux de ni cingsuj.

Lizsij dih Gaihcij 18:19

Gou senj de, dwg ij hawj de songyauq gij lwglan doengh daih gajlaeng de, hawj gyoengqde dingq gij vah gou, guh vunz ndei vunz soh; yienghneix gou couh ndaej hengz gou caeuq Yaqbwzlahhanj soj dingh he lo.”

Lizsij dih Gaihcij 24:35

Yehhozvaz soengq fuk hawj bouxcawj gou lai hux lai, sawjhawj de bienqbaenz boux fouqfouq mizmiz he, caemh soengq hawj baenx gyoengq yiengz, baenx gyoengq cwz, lozdoz caeuq lawz, gimngaenz caeuq hoiq vunzsai vunzbaz.

Lizsij dih Gaihcij 25:11

Yaqbwzlahhanj rai le, Cangqdiq soengq fuk hawj daeglwg de Hijsaj. Hijsaj youq mwnq gaenh Biqwj-Lahhaijlaiz mwnq youq.

Lizsij dih Gaihcij 26:29

baujcingq mwngz mbouj haih gyoengqraeuz, caemh luj raeuz mij haih goq mwngz ityiengh, cungj dwg doiq mwngz ndei, vanzlij hawj mwngz bingzan ok ma. Hawjm'z yawj hux, Yehhozvaz soengq fuk hawj mwngz baenx lai!”