Hijfuzsoj Saw 5:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Hoeng, doenghgij ndaengndwet, doenghgij hawj vunz roxnginh saetnaj saetnyaenq, damsim hih, faenhsou cungj mbouj ndaej guh; mbouj danhcij naeuz mbouj ndaej guh, daiqlienz gij saeh hawj vunz ngeiz he faenhsou cungj mbouj ndaej guh. Yienghneix cij hab ndaej guh gij vunz Cangqdiq.

Hijfuzsoj Saw 5:3 ပူးပေါင်းရင်းမြစ်များ

Gohlozsih Saw 3:5

Sojhij, faenhsou bietdingh ij cawz youq gwnz ndang faenhsou haeuj aen seiqgyaiq neix hih guh ndaeng guh ndwet, yalw, siengj gij doegsieb he, caeuq damsim he (damsim couh dangq dwg baiq you),

Hijfuzsoj Saw 5:5

aenvih faenhsou cingqcaen rox, guh doenghgij ndaengndwet, doenghgij hawj vunz roxnginh saetnaj saetnyaenq, damsim he (damsim couh dangq dwg baiq you) gaengjdingq mbouj ndaej guh gij vunz Gihduz caeuq guh gij vunz Cangqdiq.

Dezsajloznizgyah It 4:3

Gij neix dwg Cangqdiq dih cawjeiq hih, dwg ij hawj faenhsou caensim caen'eiq gaen de hwj guh gij vunz de, mbouj cimyex haeuj doenghgij ndaengndaeng ndwetndwet he bae,

Gohlimzdoh It 6:18

Sojhij faenhsou mbouj ndaej cimyex haeuj doenghheij ndaengndwet yalw he bae. Vunz mboujguenj famh gijmaz coih cungj mbouj caeuq aen ndangdaej miz gvanhaeh, caenhgag doenghheij guh ndaengndwet yalw he cij daekcoih daengz aen ndangdaej bonjfaenh.

Dezsajloznizgyah It 4:7

Cangqdiq senj gyoengqraeuz mbouj dwg ij hawj raeuz goq cungj saenghhoz yalw neix law, dauq dwg ij hawj raeuz guh boux hab'eiq habhoz de hih lah.

Gohlimzdoh It 6:13

Yiengq caemh aiq ij miz vunz naeuz: “Gij gw dwg vih aen dungx; aen dungx caemh dwg vih gij gw,” yienghneix. (Yiengq, ciuq gou ma yawj hax, cungj dwg deng hih, hoeng cungj ij miz ngoenz he, Cangqdiq gaengjdingq ij hawj song yiengh neix bienqbaenz mij'z yungh.) Fanjgoqma, aen ndangdaej mbouj dwg vih guh ndaengndwet, dauq dwg ij vih bouxcawj raeuz hwj guh saeh hih; de dwg bouxcawj aen ndangdaej gyoengqraeuz hih.

Hijfuzsoj Saw 5:12

aenvih gyoengqde youq boihlaeng soj guh hih, daiqlienz dwen daengz cungj raen roxnginh saetnyaenq.

Majdaiq Saw 15:19

Aenvih daj ndaw sim ok daeuj hih cij miz doenghgij siengjfap yalw he. Doenghgij yalw neix couh dwg hawj vunz doxgaj hah, guhyoux hah, ndaengndwet hah, guxcaeg hah, guh gyaj cingqgiq hah, bangjlaih vunz hah.

Gihduz Hawj Vunz Rox 2:21

Gou hawj de gihveiq nginh loek gaijgoq hwj, hoeng, de cungj mbouj haenj gaij gij ndaengndwet guhyoux de.

Gohlimzdoh It 10:8

Faenhsou caemh mbouj ndaej luj gyoengqde miz hih vunz guh gij ndaengndwet he, aenvih gyoengqde guh gij ya'mboujlw he famh coih, guh hwj ngoenz he miz songfanh samcien vunz ngaiz satsoq.

Gihduz Hawj Vunz Rox 22:15

Hoeng, doenghheij vunz vaih, mageq he, mehsien, guhyoux he, gaj vunz he, baiq duz you he, haenj gangj gyajvah he, coemx vunz he, cungj mbouj ndaej haeuj singz bae.

Gihduz Hawj Vunz Rox 21:8

Hoeng, doenghheij mbeiiq, mbouj sinq, yalw, gaj vunz, guh ndaeng guh ndwet, doeng loengh sae loengh coengqfap, baiq duz you caeuq gangj gyajvah hih vunz, cungj ij ngaiz gveng haeuj mwnq liuzvangz dawz feiz yiegyieg he bae. Gij neix couh dwg daixngeih mbat rai lo.”

Gihduz Hawj Vunz Rox 2:14

Hoeng gou miz geij gienh saeh ij naeuz mwngz, couh dwg youq mwngz mwnq miz vunz dingq Bahlanz soj son hih; boux Bahlanz neix aux Bahlwz goq, aux de hawj de bae yungx gij vunz Hijswzlez famh coih, yungx gyoengqde bae gw doenghgij bwiz goq duz you he, aux gyoengqde guh ndwet guh youx.

Gohlimzdoh It 5:1

Gou dingq naeuz faenhsou mwnq gingqyienz miz vunz caeuq daxmehlaeng de guhyoux. Cungj ya'mboujlw neix daiqlienz doenghheij aen seiqgyaiq neix hih vunz cungj mbouj miz cungj saeh neix hwx.

Ok Ngaihgiz 20:17

Mbouj ndaej dam aeu gij gyadangq vunz, caemh mbouj ndaej loeglienh mehyah vunz hah, bouxhoiq vunz hah, cwz hah, lawz hah, caeuq gak cungj doxgaiq.”

Gihduz Hawj Vunz Rox 9:21

Gyoengqde caemh mbouj vih bonjfaenh gaj vunz hah, coengqfap hah, ndaengndwet hah, guxcaeg hah hwj nginh loek gaijgoq.

Bijdwz Ngeih 2:3

Aenvih gyoengqde damsim, sojhij couh gag cauh ndaek cungj goqsaeh he hwj yaeuh faenhsou, coemx faenhsou aeu cienzcaiz. Doengh cungj vunz neix Cangqdiq senqsi cix dingh ij saemjbuenq gyoengqde lo, gyoengqde caemh gaengjdingq ij satsoq vaiq.

Hihbwzlaiz Saw 12:16

Caemh ijaeu siujsim, mienxndaej miz vunz guh gij ndaengndwet he, cixnaeuz guh gij luj Hijsauj yienghmwnq mbouj yawjnaek Cangqdiq he, vih ij gw donq haeux he hwj daiqlienz gij gienz lwgdaeuz de cungj hai bae he.

Gohlimzdoh Ngeih 12:21

Gou caemh you gou bae faenhsou mwnq, gou sinq dih Cangqdiq hawj gou youq dangqnaj faenhsou saetnaj, couh vih gou yawjraen doenghheij famh coih goq hih, vanzlij guh doenghgij yalw hih, guhyoux hih, guh doeg guh sieb hih, vanzlij mboujyaengz gaijgoq hih hwj siengsim.

Dizdoh Saw 2:3

Mwngz caemh naeuz doenghheij vunz laux vunzbaz he guh gijmaz ij hab'eiq habhoz Cangqdiq he, mbouj ndaej doeng gangj sae gangj vunz vaihvah, mbouj ndaej yinx gw laeuj, ij son vunz gij ndei he.

Dizmohdaiq Ngeih 3:2

Daengz mwhmwnq, gij vunz cij rox guq bonjfaenh, dam cienzcaiz, gag haenh bonjfaenh, naemqnaeuz bonjfaenh cungj rem raixcaix, gangj gij vah daekcoih vunz he, ngig bohmeh, mbouj rox docih vunz, guh gij saeh mbouj hab'eiq habhoz Cangqdiq he,

Geiq Dwzbaijyienz 15:20

caenhgag sij saenq raengq gyoengqde soenhsouj geij diuz Mohsih dih fazliz, couh dwg naeuz: mbouj ndaej gw gij doxgaiq bwiz goq duz you he, mbouj ndaej guhyoux, mbouj ndaej gw doengh duz nap hoz rai he, caeuq mbouj ndaej gw lwed couh ndaej lo,

Ok Ngaihgiz 18:21

Cawz yienghneix, mwngz caemh ij dajlaeng gyoengq vunz ndaw de genj aeu doengh boux coengjmingz caemh caixhangz he, caemh dwg yawjnaek Cangqdiq, lauxsaed, vunz oet cienz caemh mbouj aeu he hih vunz ma guenj gij vunz Hijswzlez; moix it cien vunz ij miz boux he dungjguenj, cien vunz ndaw de caemh faen bak boux, hajcib boux, cib boux, caemh miz vunz guenj.

Bijdwz Ngeih 2:14

Cehra gyoengqde cenmonz yawj haeuj laeng lauxgawj bae, ndaengndwet siengjmuengh, siengzseiz famh coih mbouj dingz goq. Gyoengqde yaeuh longx doenghgij vunz sim fouz mbouj dingh he; gyoengqde damsim gvenq lo. Doengh cungj vunz neix cungj dwg ngaiz Cangqdiq mang he.

Bijdwz Ngeih 2:10

Dwzbez dwg doiq doenghheij ciuq ndangnoh bonjfaenh hwj siengjmuengh ndaengndwet yalw hih, mbouj dawz haeuj rwz doenghheij miz gienz he, engqgya yienghneix. Doenghheij vunz neix mbeihung raixcaix, cungj naemqnaeuz bonjfaenh rem raixcaix, gingqyienz gamj bangjlaih doengh boux youq gwnzmbwn ndaej najrongh he.

Bijdwz It 5:2

faenhsou ij ciengx ndei gyoengq yiengz Cangqdiq gyau hawj faenhsou he, ij ciuq Cangqdiq dih cawjeiq guenj ndei gyoengqde; mbouj ndaej hozgwg, cix mbouj ndaej vih cienzcaiz, dauq ij dwg nyienh'eiq caensim hwj ciengx he cij deng.

Dizdoh Saw 1:11

Mwngz bietdingh ij sujcij doenghheij vunz neix, mbouj hawj gyoengqde gangj rumz gangj rengx. Gyoengqde vih dam cienzcaiz hwj son doenghgij mbouj wnggai son he, guh hwj miz haujlai gya sim cungj mbouj dingh lo.

Dizdoh Saw 1:7

Aenvih gyoengqde dwg bouxhoiq Cangqdiq, dwg gyenhduz gyauqveiq he, yiengq couh bietdingh ij dwg boux mij'z maz diudik he, mbouj gyauhngauq, mbouj yungzheih aeuqheiq, mbouj yinx gw laeuj, dwgcaengz doxdub, mbouj dam cienzcaiz,

Dizmohdaiq It 3:3

mbouj gw laeuj fiz he, mbouj haenj doxdub doxceng he, soh semxsemh he, mbouj dam cienzcaiz he,

Dizmohdaiq It 2:10

Cijaeu guh saeh ndei, bonjfaenh couh boiqndaej gag naeuz: “Gou dwg hab'eiq habhoz Cangqdiq hih vunzbaz” lo.

Feihlizbij Saw 1:27

Hoeng, gizsaed mboujguenj gou baenzlawz, cijaeu faenhsou guh saeh doiq vunz hab Gihduz dih ndei siuhsiz, luj boux sinq Gihduz hih vunz he, yienghneix, mboujguenj gou ndaej mbouj ndaej bae faenhsou mwnq yawj faenhsou cungj mbouj youqgaenj. Cijaeu gou ndaej dingq daengz faenhsou sinqsim gyenhdingq mbouj doeknaiq, [28a]it di cungj mbouj lau dizyinz fanjdeiq, [27b]cungj ndaej caezsim hwj vih sinq Gihduz dih ndei siuhsiz hwj roengzrengz, couh ndaej lo. [28b]Yienghneix couh cingqmingz faenhsou dwg Cangqdiq gouq hih, caemh yienh ok dizyinz gaengjdingq ngaiz satsoq lo.

Lozmaj Saw 16:2

Gou cingj faenhsou ciuq gij vunz Cangqdiq wnggai guh hih yienghmwnq bae sou de; mboujguenj de ij aeu gijmaz cungj ij bang de, aenvih de bang goq haujlai vunz, caemh bang goq gou.

Lozmaj Saw 6:13

Caemh gaej gien aen ndang faenhsou hawj coih, hawj coih ndaej aeu ma guh vaihsaeh. Fanjgoqma, dauq ij dawz aen ndang faenhsou gien hawj Cangqdiq, hawj de ndaej aeu ma guh ndeisaeh. Yienghneix guh cij mbouj vuengj Cangqdiq gouq lix vunzrai.

Lozmaj Saw 1:29

Ndaw sim gyoengqde cungj dwg doegdoeg siebsieb, damsim, sim yalw, cungj dwg rahoengz rahwngq, doxhangz doxgaj, yaeuhyaeuh coemxcoemx, haemzhaemz haenqhaenq, haenj gangj vunz hih saeh,

Geiq Dwzbaijyienz 20:33

“Gou coengzlaiz mbouj muengh ndaej gij cienzcaiz caeuq gij doxgaiq vunz goq.

Luqgyah Saw 16:14

Yiengq, doengh boux raen ngaenz mbouj ndaej ok ra hih doengh boux gaep haeuj Fazliqcaiq baij he dingqri le, couh aeu ndaeng ma riu Yehsuh.

Ok Ngaihgiz 23:13

“Famzsoj dwg gou caeuq faenhsou gangj hih vah, faenhsou cungj ijaeu ndaejgeiq. Mbouj ndaej baiq gizdah cwnz, daiqlienz doenghgij coh de cungj mbouj ndaej dwen.

Dizmohdaiq It 6:10

Sojhij, miz haujlai mbouj ndei hih saeh cungj dwg coengz damsim iujdaeuz ciuyinx he. Miz hih vunz aenvih daiq dam cienzcaiz lai, guh hwj saet sinqyangj, mbouj caiq sinq gij saedsaeh Cangqdiq haem lo, caemh vih yienghneix hwj doenghgij vunz neix simnyap ij rai, luj miz cax ndaemq youq ndaw sim nwih.

Luqgyah Saw 12:15

De yienghneix han boux de le, couh doiq gyoengq vunz naeuz: “Faenhsou ij siujsim, mbouj wnggai damsim, aenvih mboujguenj guxmaz vunz, cungjsuenq naeuz boux de cienfanh fouq cienfanh miz he, hoeng caemh mbouj ndaej aeu gij saizcanj de ma rau diuz mingh bonjfaenh.”