Hijfuzsoj Saw 5:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Doiq vunz guh saeh caemh ij miz aen sim aiq vunz he, cingq luj Gihduz aiq raeuz yienghmwnq; de sijndaej diuz mingh bonjfaenh, aeu ma guh gij rang fwtfwt he hwj bwiz Cangqdiq.

Hijfuzsoj Saw 5:2 ပူးပေါင်းရင်းမြစ်များ

Yozhanq Saw 13:34

“Gou caemh miz gij mingqlingq moq he hawj faenhsou, couh dwg naeuz faenhsou ij doxaiq; gou baenzlawz aiq faenhsou, faenhsou caemh ij baenzlawz doxaiq.

Gyahlahdaiq Saw 2:20

Ciuq yienghneix ma gangj, gou gaenq caeuq Gihduz caez ding youq gwnz gyaq cixcib rai lo; seizneix hih gou gaenq mij dwg yienzlaiz hih gou lo, dauq dwg dauqlix dih Gihduz doz youq gwnz ndang gou lah. Sojhij gou seizneix dwg baengh sinq daeglwg Cangqdiq hwj saenghhoz he, aenvih de aiq gou, simqciq sijndaej diuz mingh bonjfaenh de.

Gohlozsih Saw 3:14

Cawzok doenghgij neix, ceiq cungqyauq hih vanzlij dwg faenhsou ij miz aen sim aiq vunz he, aenvih aiq ndaej hawj vunz doxhuz doxndei raixcaix.

Gohlimzdoh Ngeih 2:15

aenvih gyoengqraeuz luj Gihduz nyok hawj Cangqdiq hih gij rang fwtfwt he; gij rang fwtfwt neix cenz bae daengz doenghheij ndaej gouq he caeuq doenghheij mbouj ndaej gouq ngaiz rai he.

Dizdoh Saw 2:14

De vih ij cueg raeuz, hawj raeuz ndaej duet ok sojmiz hih doenghgij doegdoeg siebsieb he hwj sijndaej diuz mingh bonjfaenh, hawj raeuz ndaej guh boux youq ndaw lwgra Cangqdiq suenq dwg boux mij'z coih he, hawj raeuz ndaej gvi haeuj de, hawj gyoengqraeuz ndaej bienqbaenz boux haenj guh ndeisaeh he.

Gohlimzdoh It 16:14

Mboujguenj guh gijmaz saeh, cungj ijaeu miz aiqsim cij ndaej.

Majdaiq Saw 20:28

Caemh luj Vunz dih Daiqbiuj daeuj ityiengh; de mbouj dwg daeuj hawj vunz swqhaeuh de nej, dauq dwg daeuj swqhaeuh vunz lah. Mbouj danhcij naeuz dwg yienghneix, vanzlij dwg bang vunz cueg coih hwj ngaiz vwt mingh lah.”

Bijdwz It 4:8

Ceiq cungqyauq hih dwg faenhsou ij caensim doxaiq, aenvih aiq ndaej nyiuz haujlai coih.

Gohlimzdoh Ngeih 8:9

Faenhsou caemh rox, bouxcawj raeuz Yehsuh Gihduz, de aiq vunz raixcaix. Baenjlaiz de youq mijyaengz roengz daeuj lajmbwn guh vunz cihsenz dwg fouqfouq mizmiz hih, hoeng, vih faenhsou hwj de nyienh'eiq roengz daeuj lajmbwn guh vunz hwj bienqbaenz boux gungzgungz ndangjndangj he. Aenvih de bienqbaenz gungzgungz ndangjndangj, couh ndaej hawj faenhsou ndaej bienqbaenz fouqfouq mizmiz lo.

Yozhanq It 3:16

Yehsuh Gihduz vih gyoengqraeuz rai. Aeu gij neix ma yawj, gyoengqraeuz couh rox gijmaz dwg aiq. Yiengq gyoengqraeuz caemh wnggai vih beixnuengx hwj sijndaej diuz mingh bonjfaenh.

Lizsij dih Gaihcij 8:21

Gajlaeng Yehhozvaz mupraen gij heiq rang coemh hwj dajbwiz mwnq le, ndaw sim de gag naemj: “Gou gan rox, gij vunz daj lij iq, ndaw sim cix miz cungj doegdoeg siebsieb he lo, hoeng gou mbouj caiq vih gij vunz hwj mang gij dieg haem lo, mbouj caiq luj mbat neix cawz lajmbwn sojmiz miz mingh hih lo.

Gihduz Hawj Vunz Rox 1:5

caeuq boux lauxsaed sinq ndaej goq dih cingqyinz, daixit boux daj rai ndaej dauqlix, guh lajmbwn sojmiz vuengz hih vuengz dih Yehsuh Gihduz doiq faenhsou haijliengh, hawj faenhsou bingzan. De aiq gyoengqraeuz, vih ij hawj gyoengqraeuz ndaej duet ok coih hwj ngaiz riuz lwed vwt mingh;

Hihbwzlaiz Saw 9:26

Sojhij, hauhnaeuz dwg yienghneix hih nex, Gihduz de daj gaihcij cauh mbwn cauh deih doxdaeuj couh gaengjdingq ij ngaiz souh daengz haujlai mbat nanh lo. Hoeng, seizneix de youq ciqgyaiq dih duenh gatsat he, de cijngamq mbat dog couh dawz bonjfaenh de ma dangq guh gij dajbwiz hwj ndaej cawz coih lo.

Hihbwzlaiz Saw 9:14

yiengq, ciuq luj yienghneix ma gangj, gij lwed Gihduz mbouj engqgya haz? De dunghgoq seiqseiz lix dih Hoenzsaenz Cangqdiq, dawz bonjfaenh de ma dangq guh gij dajbwiz mij maz ndaej diudik he hwj bwiz hawj Cangqdiq. Gij lwed de ndaej hawj raeuz mbouj caiq guh gij mij'z yungh he, hawj raeuz mbouj caiq saetnaj saetnyaenq hwj ndaej swqhaeuh seiqseiz lix dih Cangqdiq.

Dizmohdaiq It 2:6

De youq hab hih mwhde aeu rai ma cueg coih vunz lajmbwn, hawj vunz lajmbwn mbouj ngaiz souh daengz fad; de yienghneix guh dwg ndaej cingqmingz Cangqdiq gaengjdingq nyienh'eiq gouq vunz he.

Hijfuzsoj Saw 4:15

Dauqfanj, gyoengqraeuz ij wnggai miz aen sim aiq vunz he hwj gangj lauxsaed vah he; mboujguenj guh gijmaz, cungj ij yied guh yied ndei hwj ndaej luj Gihduz, gyauqveiq dih daeuzdaeuz.

Yozhanq It 3:23

Gij vah de couh dwg hawj gyoengqraeuz sinq daeglwg de Yehsuh Gihduz, ciuq de raengq hih yienghmwnq bae doxaiq.

Dizmohdaiq It 4:12

Mbouj ndaej hawj vunz yawj mwngz dwg hauxseng hwj yawj mbouj hwnj mwngz; mboujguenj mwngz gangj vah cixnaeuz guh gijmaz, aiqsim cixnaeuz sinq Yehsuh dih sim, cixnaeuz laux mbouj lauxsaed, caep mbouj caepcingq, gak yiengh cungj ij laeb ndei bangjyangq hawj gij vunz sinq Yehsuh he.

Dezsajloznizgyah It 4:9

Yiengq gangj daengz ij luj beixnuengx doxaiq hih gij saeh neix, gou mbouj caiq sij saenq naeuz sou luh, aenvih Cangqdiq gaenq son faenhsou goq lo.

Hijfuzsoj Saw 4:2

Mbouj ndaej gag naemqnaeuz bonjfaenh ak raixcaix he, ij soh semxsemh, ij naenxsim, ij rox doxnyiengh doxaiq,

Hijfuzsoj Saw 3:17

Gou muengh Gihduz vih faenhsou sinq de hwj caeuq faenhsou youq, hawj faenhsou miz aiq luj miz rag yienghmwnq youq ndaw sim faenhsou gaenj dwtdwt,

Gyahlahdaiq Saw 1:4

Bouxcawj raeuz Yehsuh Gihduz ciuq Cangqdiq Bohmbwn raeuz dih cawjeiq vih ij gouq gyoengqraeuz ndaej duet ok aen seiqgyaiq doegsieb neix hwj ngaiz vwt diuz mingh bonjfaenh de, hawj gyoengqraeuz ndaej cueg coih.

Gihduz Hawj Vunz Rox 5:9

Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Hihbwzlaiz Saw 9:23

Gwnz neix daez daengz dih cangqbungz caeuq soj yungh hih doxgaiq, cungj dwg ciuq youq gwnzmbwn hih yienghceij ma guh hih; sojmiz ciuq guh hih bietdingh ij yungh cungj fap neix ma cij ndaej hawj doenghgij de suenq dwg gancengh he. Hoeng, baenjcinh doenghgij youq gwnzmbwn he, engqgya bietdingh ij yungh gij dajbwiz engqgya ndei he bae hawj doenghgij de gancengh.

Hijfuzsoj Saw 3:19

hawj faenhsou ndaej rox Gihduz dih aiq cauhgoq vunz ndaej rox hih vanzlij veijdaq, yienghneix couh ndaej hawj gij singqheiq faenhsou ndaej luj gij singqheiq Cangqdiq liuxliux.

Lozmaj Saw 8:3

Mohsih dih fazliz mij ndaej ak goq coih caeuq rai, aenvih vunz dih baenjsingq daiq ya lai. Hoeng, Cangqdiq dauq ndaej ak goq. De baij daeglwg dog de daeuj, hawj de bienqbaenz vunz, caeuq boux miz coih hih vunz doxdoengz miz lwed miz noh. Cangqdiq yienghneix guh dwg vih ij ak goq coih hwj hawj Yehsuh bienqbaenz gij dajbwiz cueg coih, hawj coih mbouj caiq ndaej guenjciq vunz haem lo.

Hijfuzsoj Saw 5:25

Gangj daengz guh goengjgvan hih, faenhsou caemh ij wnggai aiq mehyah bonjfaenh, caemh ij luj Gihduz aiq gyauqveiq yienghmwnq sijndaej diuz mingh bonjfaenh.

Gohlimzdoh It 5:7

Faenhsou vaiqdi dawz boux mwnq boenq ok gyauqveiq bae; boux de couh dangq luj gij yauqmuj gaeuq he, wnggai gveng deuz, aenvih aen ciet Bienqgoqbae dih yiengzlwg, Gihduz, vih ij guh gij dajbwiz hwj gaenq ngaiz gaj lo. Yienghneix faenhsou couh baenx gyoengq cungj ndaej bienqbaenz mij gijmaz uekcueg yalw he youq gwnz ndang faenhsou lo; gizsaed faenhsou couh dwg luj ngauq mbamienh moq mij yauqmuj fat goq he.

Lozmaj Saw 4:25

Yehsuh vih ij cueg gij coih gyoengqraeuz hwj ngaiz rai, hoeng, Cangqdiq hawj de dauqlix dwg vih ij hawj raeuz youq ndaw lwgra Cangqdiq suenq dwg boux mij'z coih he dih vunz.

Yozhanq Saw 6:51

Gou couh dwg daj gwnzmbwn roengz daeuj hih gij gw miz mingh; vunz gw gij gw neix couh ndaej seiqseiz lix. Gou hawj hih gij gw couh dwg gij noh gou, muzdiz dwg ij hawj vunz ndaej miz mingh hih.”

Lozmaj Saw 8:37

lah, hoeng, cungj mbouj ndaej laengz; gyoengqraeuz baengh Gihduz, boux aiq raeuz neix, sojmiz hih cungj ndaej giengz goq.

Ok Ngaihgiz 29:18

coengq haeuj ndaw luz dajbwiz bae, coemh hwj bwiz gou, Yehhozvaz; gij heiq rang de hawj gou roxnginh haenjheiq.

Ok Ngaihgiz 29:25

Gajlaeng, mwngz couh dajlaeng gyoengqde ciep aeu doenghgij neix ma coengq haeuj aen luz dajbwiz bae coemh, coemh hwj bwiz gou. Gij heiq rang coemh hwj dajbwiz neix hawj gou roxnginh haenjheiq.

Lozmaj Saw 15:16

hawj gou ndaej youq ndaw linghvaih minzcuz ndaw de guh boux cenzgangj gvanhhih Yehsuh Gihduz dih ndei siuhsiz he, couh dwg naeuz ndaej guh luj boux bang vunz guh dajbwiz he, yienghneix haemq ndei ndaej hawj gij vunz linghvaih minzcuz he dunghgoq Hoenzsaenz Cangqdiq hwj ndaej bienqbaenz gij dajbwiz hab'eiq habhoz Cangqdiq, Cangqdiq haenjheiq he.

Gohlimzdoh Ngeih 2:14

Hoeng, docih Cangqdiq! De siengzseiz daiq gyoengqraeuz hawj gyoengqraeuz baengh Gihduz hwj ndaej hingz goq sojmiz hih, caiq hawj gyoengqraeuz ndaej dawz gvanhhih Yehsuh Gihduz dih siuhsiz cenz naeuz vunz ni. Gij siuhsiz neix couh luj gij heiq rang fwtfwt he cenz bae daengz gak dieg,

Hijfuzsoj Saw 1:4

De simqciq youq mijyaengz cauh mbwn cauh deih cihsenz cix aiq gyoengqraeuz cix dunghgoq Yehsuh Gihduz hwj senj gyoengqraeuz, hawj gyoengqraeuz ndaej youq ndaw lwgra de bienqbaenz boux mij'z coih he, mij gijmaz ndaej diudik he.

Hijfuzsoj Saw 5:15

Sojhij faenhsou doiq vunz guh saeh cungj ijaeu siujsim; mbouj ndaej luj vunz ngawz yienghmwnq, dauq ij luj vunz coengjmingz yienghmwnq,

Feihlizbij Saw 4:18

Seizneix gou gaenq miz gou soj ij yungh hih lo; mbouj danhcij naeuz yienghneix, vanzlij miz daiq lai lai lo, aenvih gou daj ndaw fawz Hijbahfuzdiz ciep ndaej daengz faenhsou baij de soengq daeuj hawj gou hih, luj gij dajbwiz rang fwtfwt he, Cangqdiq haenjheiq he he.

Hihbwzlaiz Saw 8:3

Sojmiz hih goengjsae dajbwiz daeuzdaeuz cungj dwg vih ij soengq doxgaiq hawj Cangqdiq caeuq bwiz Cangqdiq hwj laeb guh hih, sojhij goengjsae dajbwiz daeuzdaeuz gwnzmbwn neix caemh bietdingh ij soengq doxgaiq hawj Cangqdiq.