Hijfuzsoj Saw 4:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Gyoengqraeuz caenhgag miz bouxcawj dog, caemh dwg caenhgag sinq cungj he, caemh caenhgag sijlij cungj he.

Hijfuzsoj Saw 4:5 ပူးပေါင်းရင်းမြစ်များ

Gohlimzdoh It 8:6

hoeng, doiq gyoengqraeuz ma gangj, caenhgag miz boux cwnz dog lah. Boux neix couh dwg Cangqdiq Bohmbwn. Sojmiz hih cungj dwg coengz de daeuj he; gyoengqraeuz cungj dwg vih de hwj lix. Gyoengqraeuz caemh dwg cijngamq miz bouxcawj dog, couh dwg Yehsuh Gihduz. Sojmiz hih cungj dwg miz de hwj cij ndaej he; gyoengqraeuz caemh dwg baengh de hwj cij ndaej lix he.

Gohlimzdoh It 12:13

Mboujguenj gyoengqraeuz dwg Youzdaiq vunz haj cixnaeuz dwg Hihlaz vunz, dwg guh hoiq haj cixnaeuz dwg swqyouz vunz, cungj dwg dunghgoq gij Hoenzsaenz dog sijlij hwj ndaej gaep haeuj buek vunz he, bienqbaenz aen ndangdaej he, caemh dwg doxdoengz ndaej yangjcouq gij Hoenzsaenz dog he, couh dangq luj vunzlai doxdoengz caemh gw aen cingj raemx he.

Bijdwz It 3:21

Ciengz raemxdumh neix, dwg beijgangj gyoengqraeuz sijlij lo, hoeng, sijlij mbouj dwg naeuz swiq aen ndang faenhsou cengh hwj ndaej gouq nej, dauq dwg daiqbiuj faenhsou gouz Cangqdiq hawj faenhsou bienqbaenz mij gijmaz doiq mbouj hwnj liengzsim he, dwg baengh Yehsuh Gihduz dauqlix hwj ndaej gouq hih lah.

Lozmaj Saw 3:30

Cangqdiq, cijngamq miz boux Cangqdiq dog; cijaeu vunz sinq, mboujguenj dwg Youzdaiq vunz haj cixnaeuz dwg linghvaih minzcuz, Cangqdiq couh suenq gyoengqde ndaej youq ndaw lwgra de dwg mij'z coih dih vunz.

Majdaiq Saw 28:19

Sojhij faenhsou couh ij bae cenz naeuz lajmbwn sojmiz hih minzcuz ni, hawj lajmbwn sojmiz hih vunz cungj daeuj guh gij lwgsae gou, caemh hawj gyoengqde sijlij hwj ndaej cingqmingz gyoengqde dwg gij vunz Bohmbwn caeuq gij vunz daeglwg Bohmbwn caeuq gij vunz Hoenzsaenz Bohmbwn.

Gohlimzdoh It 1:13

Yiengq youq dineix, gou cam faenhsou, Gihduz dwg faen geij baij hih haj? Nanzdauh Baujloz dwg vih faenhsou hwj ngaiz ding hwnj gwnz gyaq cixcib bae rai hih mah? Faenhsou dwg vih ij bienqbaenz gij lwgsae Baujloz hwj sijlij hih mah?

Youzdaq Saw 1:3

Cinhngaiq dih gak boux beixnuengx hax, gou itcig cungj siengj sij saenq hawj faenhsou, caeuq faenhsou gangjgangj gvanhhih gyoengqraeuz daixgya cungj ndaej gouq dih vaenqdiz, hoeng, gou roxnginh seizneix miz yiengh he engqgya gaenj ij sij saenq hawj faenhsou, couh dwg gou gienq faenhsou ij caenhrengz souj ndei gij saedsaeh Cangqdiq. Gij saedsaeh neix dwg Cangqdiq mbat dog couh cenz hawj liux he, couh dwg cenz hawj sojmiz hih gij vunz Cangqdiq he.

Gohlimzdoh Ngeih 11:4

aenvih gou rox, hauhnaeuz miz vunz daengz faenhsou mwnq cenzgangj boux mbouj dwg gyoengqraeuz cenzgangj hih Yehsuh, cixnaeuz hawj faenhsou ndaej gij hoenzsaenz faenhsou mijyaengz ndaej goq he, cixnaeuz gangj gij siuhsiz mbouj dwg faenhsou soj sinq hih gij ndei siuhsiz mwnq, faenhsou cungj haenj, cungj mbouj fanjdeiq.

Feihlizbij Saw 2:11

cungj nginh naeuz Yehsuh Gihduz dwg bouxcawj, cungj haenh Cangqdiq Bohmbwn najrongh.

Hijfuzsoj Saw 4:13

Yienghneix daengj daengz gyoengqraeuz daixgya cungj ndaej rox daeglwg Cangqdiq, ndaej rox gij saedsaeh Cangqdiq, ndaej doxhuz doxgaep guh aen gyauqveiq he hwj ndaej guh hab'eiq habhoz Cangqdiq hih vunz, ndaej luj Gihduz yienghmwnq mij maz ndaej diudik he.

Gyahlahdaiq Saw 5:6

aenvih doiq it boux gvi haeuj Yehsuh Gihduz hih vunz ma gangj, de goz mbouj gozlij gaenhbaenj mbouj cungqyauq; ceiq cungqyauq hih dwg, de miz mbouj miz aen sim sinq Gihduz he hwj aiq vunz cij miz yungh.

Gohlimzdoh It 12:5

Swqhaeuh hih caemh miz haujlai cungj, hoeng, cungjcungj cungj dwg swqhaeuh bouxcawj dog.

Gohlimzdoh It 1:2

sij saenq hawj youq Gohlimzdoh Singz Cangqdiq dih gyauqveiq, couh dwg sij hawj doenghheij vunz Cangqdiq senj okdaeuj guh hab'eiq habhoz bonjfaenh de he. Faenhsou caeuq youq gak dieg nginh Yehsuh Gihduz dwg bouxcawj he doxdoengz dwg senj okdaeuj gvi haeuj gij vunz Cangqdiq he. Gihduz dwg bouxcawj gyoengqde, caemh dwg bouxcawj gyoengqraeuz.

Youzdaq Saw 1:20

Sojhij faenhsou gak boux beixnuengx hax, faenhsou wnggai doxbang doxson, hawj faenhsou sinqsim engqgya gyenhdingq mbouj doeknaiq sinq Cangqdiq, caemh ij baengh Hoenzsaenz Cangqdiq hwj gouzhaenh Cangqdiq,

Hihbwzlaiz Saw 13:7

Faenhsou caemh ijaeu ngeix daengz doenghbaez daiq faenhsou, cenz gij vah Cangqdiq naeuz faenhsou ni hih vunz; ij hag gyoengqde miz sinqsim, louzsim gyoengqde baenxseiq vunz dwg baenzlaw saenghhoz, dwg baenzlaw ndaej doiq vunz miz ik.

Hihbwzlaiz Saw 6:6

hih doengh cungj vunz neix, hauhnaeuz gyoengqde yiem Gihduz nex, couh hoj nginh loek gaijgoq dauq nginh Gihduz lo, aenvih gyoengqde couh dangq caenfawz dawz daeglwg Cangqdiq caiq ding hwnj gwnz gyaq cixcib bae sai de lo.

Dizdoh Saw 1:1

Vih doxdoengz sinq cungj he hwj ndaej guh caen lwg gou hih Dizdoh: [1]Gou dwg Baujloz, dwg bouxhoiq Cangqdiq caeuq boux dwzbaijyienz Yehsuh Gihduz he, dwg Cangqdiq baij daeuj bang gij vunz de senj okdaeuj he, hawj gyoengqde sinqsim gyenhdingq, mbouj doeknaiq, hawj gyoengqde rox gij saedsaeh Cangqdiq—gij saedsaeh neix dwg ndaej hawj vunz guh daengz hab'eiq habhoz Cangqdiq he [2]caeuq ndaej hawj vunz rox ndaej seiqseiz lix he. Gij seiqseiz lix neix dwg coengz boux gangj vah saedsaeh he dih Cangqdiq daj senqsi cix dapwngq le [3]caiq youq mwh hab de hih mwhde, dunghgoq cenzgangj gij ndei siuhsiz hwj ndaej hawj vunz rox he. Gou couh dwg ciuq boux gouq raeuz dih Cangqdiq dih mingqlingq bae guh gij hong cenzgangj Cangqdiq dih ndei siuhsiz he. [4b]Muengh Cangqdiq Bohmbwn caeuq boux gouq raeuz dih Yehsuh Gihduz doiq mwngz haijliengh, hawj mwngz bingzan!

Feihlizbij Saw 3:8

Mbouj danhcij naeuz yienghneix, gou vanzlij vih Gihduz hwj dawz sojmiz hih cungj dangq dwg coem mij yungh he, aenvih gou dawz rox bouxcawj raeuz Yehsuh Gihduz ma dangq dwg ceiq dijbauj hih. [8c]Vih ij ndaej Gihduz [9a]caeuq ndaej hawj vunz rox gou dwg gaep haeuj de hwj [8b]gou dawz sojmiz hih cungj dangq dwg lahgiz vwt deuz liux. [9b]Gou seizneix ndaej gaep haeuj de, mbouj dwg baengh soenhsouj Mohsih dih fazliz hwj gag ndaej bienqbaenz mij coih hih nej, dauq dwg baengh sinq Gihduz hwj ndaej youq ndaw lwgra Cangqdiq suenq dwg mij'z coih hih lah.

Geiq Dwzbaijyienz 10:36

Aenvih de hawj gij vunz Hijswzlez rox dih ndei siuhsiz couh dwg: Yehsuh Gihduz hawj sojmiz minzcuz hih vunz ndaej caeuq Cangqdiq doxhuz; boux Yehsuh neix couh dwg bouxcawj sojmiz hih.

Geiq Dwzbaijyienz 2:36

Sojhij, sojmiz hih Hijswzlez vunz hax, faenhsou ijaeu rox, boux ngaiz faenhsou ding rai youq gwnz gyaq cixcib dih Yehsuh, Cangqdiq gaenq laeb de guh bouxcawj raeuz, baij de daeuj guh vuengz raeuz lo.”

Bijdwz Ngeih 1:1

Gou dwg Sihmaenz-Bijdwz, dwg bouxhoiq Yehsuh Gihduz, caemh dwg boux dwzbaijyienz de he. Gou sij saenq hawj faenhsou doenghheij caeuq gyoengqraeuz doxdoengz vih Cangqdiq raeuz, bouxcawj gouq vunz dih Yehsuh Gihduz, ndwn ndaej cingq hih hwj ndaej miz aen sim dijbauj sinq Gihduz hih hwj sij hih.

Yajgoz Saw 2:18

Yiengq, ciuq luj yienghneix ma gangj, gaengjdingq ij miz vunz naeuz: “Mwngz naeuz mwngz sinq, hoeng mwngz caemh mij guh gijmaz ndeisaeh okdaeuj hah; gou mij naeuz gou sinq, hoeng, gou dauq guh ndeisaeh hah. Yiengq mwngz naeuznaeuz yawj dwg bouxlawz sinq lux?”