Hijfuzsoj Saw 3:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Aenvih Cangqdiq doiq gou haijliengh, de dunghgoq bonjfaenh de dih akak rengzrengz hwj hawj gou ndaej guh bouxhoiq cenz gij ndei siuhsiz de.

Hijfuzsoj Saw 3:7 ပူးပေါင်းရင်းမြစ်များ

Hijfuzsoj Saw 1:19

Gou caemh gouz de hawj faenhsou ndaej rox daengz de doiq gyoengqraeuz doenghheij sinq de hih vunz soj guh hih baenxlai veijdaq baenxlai rengz. Gij rengz gij veijdaq neix

Hijfuzsoj Saw 3:20

Muengh boux miz bonjsaeh cauhgoq gyoengqraeuz soj siengj soj gouz hih yienh youq laeng gyoengqraeuz dih Cangqdiq,

Hijfuzsoj Saw 3:2

Gou naemj faenhsou gaengjdingq rox, Cangqdiq vih faenhsou hwj, de dunghgoq gou daeuj hawj faenhsou rox de doiq faenhsou haijliengh.

Gohlimzdoh Ngeih 3:6

De hawj gyoengqraeuz ndaej guh boux cenz gij baujcingq lienz diuzgyenq moq de naeuz vunz ni. Gij baujcingq lienz diuzgyenq moq neix mbouj dwg sij youq ndaw saw dih fazliz, dauq dwg Hoenzsaenz Cangqdiq dingh hih. Sij youq ndaw saw dih fazliz dwg hawj vunz ngaiz rai hih, hoeng, Hoenzsaenz Cangqdiq dingh hih dwg hawj vunz ndaej lix hih.

Hihbwzlaiz Saw 13:21

muengh de nyok hawj faenhsou soj ij yungh hih gij ndei he, hawj faenhsou ndaej ciuq gij cawjeiq de bae guh. Caemh muengh de dunghgoq Yehsuh Gihduz dih rengz hwj youq gwnz ndang faenhsou guh de soj haenj hih saeh. Muengh najrongh yungjyenj gvi hawj de! Ahmaenz.

Dezsajloznizgyah It 2:13

Gyoengqraeuz caemh siengzseiz docih Cangqdiq, aenvih faenhsou dingq gyoengqraeuz soj cenzgangj hih gij ndei siuhsiz neix, sinq dwg Cangqdiq dih ndei siuhsiz he, mbouj dwg vunz dih ndei siuhsiz. Gij ndei siuhsiz neix caemh youq gwnz ndang faenhsou doenghheij sinq Cangqdiq hih yienh okdaeuj lo.

Gohlozsih Saw 1:29

Gou couh dwg vih yienghneix hwj gauq baengh Gihduz nyok hawj gou dih akak rengzrengz daeuj roengzrengz guh hong hih.

Gohlimzdoh It 15:10

Hoeng, aenvih Cangqdiq doiq gou haijliengh, gou cij ndaej miz ngoenz neix. Gangj lauxsaed vah, de mbouj vuengj doiq gou haijliengh; gou guh hong beij gizdah dwzbaijyienz lij roengzrengz. Mboujgoq, gou mbouj dwg baengh bonjfaenh gou hih, dauq dwg baengh Cangqdiq doiq gou dih aiq lah.

Gohlimzdoh It 3:5

Gizsaed Yaqbohloz suenq guxmaz nex? Baujloz caemh suenq guxmaz nex? Gyoengqraeuz cijmboujgoq dwg bouxhoiq Cangqdiq hwj mah, dwg ciuq bouxcawj raeuz soj raengq hih yienghmwnq ma son vunz, daiq vunz, hawj vunz sinq bouxcawj raeuz Yehsuh Gihduz hwj mah.

Lozmaj Saw 15:16

hawj gou ndaej youq ndaw linghvaih minzcuz ndaw de guh boux cenzgangj gvanhhih Yehsuh Gihduz dih ndei siuhsiz he, couh dwg naeuz ndaej guh luj boux bang vunz guh dajbwiz he, yienghneix haemq ndei ndaej hawj gij vunz linghvaih minzcuz he dunghgoq Hoenzsaenz Cangqdiq hwj ndaej bienqbaenz gij dajbwiz hab'eiq habhoz Cangqdiq, Cangqdiq haenjheiq he.

Lozmaj Saw 1:5

Gannaeuz gou mbouj boiqndaej de doiq gou baenxlai haijliengh lah, hoeng, gou ndaej ro de, vih de hwj guh boux dwzbaijyienz he youq lajmbwn cenzgangj gij ndei siuhsiz de, hawj gij vunz linghvaih minzcuz he dingq de, sinq de.

Hijfuzsoj Saw 4:16

Gihduz dwg ndaek raeuj gyauqveiq; gyauqveiq dwg aen ndang Gihduz. Aen ndang neix dwg baengh gak mwnq gvanhcez gak diuz nginz doxciep hwnjdaeuj baenz aen ndang he, gag mwnq gag miz de dih yunghfap, sojmiz hih cungj ndaej bang aen ndang neix maj hung hwnjdaeuj, hawj baenx aen ndang cungj yienh ok miz aiq he.

Hijfuzsoj Saw 3:8

Gannaeuz gou youq ndaw gij vunz Cangqdiq ndaw de dwg boux ceiq yaqyuij ceiq yawj mbouj hwnj rwz he lah, hoeng, gou gingqyienz ndaej daengz de dih aiq, ndaej gij gienz neix, hawj gou ndaej naeuz linghvaih minzcuz hih vunz ni gvanhhih Gihduz hih hawj vunz liuh mbouj daengz hih baenxlai dijbauj hih,

Gyahlahdaiq Saw 2:8

Aenvih boux hawj Bijdwz miz bonjsaeh ndaej guh boux dwzbaijyienz cenz ndei siuhsiz hawj gij vunz Youzdaiq hih Cangqdiq, de caemh hawj gou ndaej miz bonjsaeh, hawj gou ndaej guh boux dwzbaijyienz cenz ndei siuhsiz hawj linghvaih minzcuz he.

Gohlimzdoh Ngeih 4:1

Yiengq, giqyienz Cangqdiq doiq gyoengqraeuz haijliengh, hawj gyoengqraeuz ndaej guh gij hong cenzgangj gij baujcingq moq de vwz, gyoengqraeuz gaengjdingq mbouj doeknaiq lo,

Geiq Dwzbaijyienz 9:15

Hoeng Yehsuh engq han naeuz: “Mwngz caenhrox coengqsim bae sat lo, aenvih gou senj de daeuj swqhaeuh gou; gou ij hawj de youq doenghheij vunz linghvaih minzcuz he, doenghheij dang vuengz he, caeuq youq gij vunz Hijswzlez ndaw de cenzgangj gou dwg bouxlawz.

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.