Hijfuzsoj Saw 3:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Gou naemj faenhsou gaengjdingq rox, Cangqdiq vih faenhsou hwj, de dunghgoq gou daeuj hawj faenhsou rox de doiq faenhsou haijliengh.

Hijfuzsoj Saw 3:2 ပူးပေါင်းရင်းမြစ်များ

Dizmohdaiq It 1:11

Gij saedsaeh neix dwg ciuq wnggai haenh hih najrongh hih Cangqdiq cenz hawj gou dih ndei siuhsiz ma gangj hih.

Dizmohdaiq Ngeih 1:11

Gou dwg vih gij ndei siuhsiz neix hwj baij daeuj guh boux cenzgangj gij saedsaeh Cangqdiq he, guh boux dwzbaijyienz caeuq guh boux lauxsae he.

Lozmaj Saw 1:5

Gannaeuz gou mbouj boiqndaej de doiq gou baenxlai haijliengh lah, hoeng, gou ndaej ro de, vih de hwj guh boux dwzbaijyienz he youq lajmbwn cenzgangj gij ndei siuhsiz de, hawj gij vunz linghvaih minzcuz he dingq de, sinq de.

Hijfuzsoj Saw 4:7

Hoeng, mbouj dwg naeuz yienghneix, faenhsou gangj vah guh saeh cungj ij dwg doxdoengz, aenvih gyoengqraeuz bouxboux cungj dwg ciuq Gihduz soj gyezdingq hih ndaej mbouj doengz hih caiz hih.

Gohlimzdoh It 4:1

Sojhij, mboujguenj byawz, cungj wnggai dawz gyoengqraeuz ma dangq dwg bouxhoiq Gihduz, dwg baij daeuj guh boux guenjgya guenj gij giqvaq Cangqdiq yienzlaiz de yo hwnjdaeuj mbouj hawj vunz rox he.

Hijfuzsoj Saw 1:10

Gij cawjeiq de dwg ciuq de dih giqvaq hih: daengj daengz de soj dingh hih mwhde baex daengz he, gwnzmbwn lajdeih sojmiz hih cungj gvi hawj bouxcawj raeuz Yehsuh Gihduz liux, youz de guenjleix.

Gyahlahdaiq Saw 1:13

Faenhsou cungj caemh rox, doenghbaez gou gaen Youzdaiqgyauq hih mwhde dwg baenzlaw yiengh hih vunz, baenzlaw youqgaenj, baenzlawz bwkhaih, siengj cawz Cangqdiq dih gyauqveiq raixcaix,

Geiq Dwzbaijyienz 22:21

Gou cungj yienghneix naeuz lo, hoeng, Yehsuh vanzlij naeuz: ‘Mwngz caenhrox bae sat lo. Gou vanzlij ij baij mwngz bae gyae'gyae bae, bae daixlingh aen minzcuz bae cenzgangj gij ndei siuhsiz gou.’”

Geiq Dwzbaijyienz 13:46

Hoeng, Baujloz caeuq Bahnazbah cungj mbouj lau saek di. Song boux de naeuz: “Cangqdiq dih ndei siuhsiz baenjlaiz wnggai sien cenz naeuz gij vunz Youzdaiq raeuz ni hih, hoeng, faenhsou mbouj haenj dingq, mbouj ciep aeu, yiengq couh dwg naeuz faenhsou gag nginh bonjfaenh mbouj boiqndaej gij mingh seiqseiz lix neix. Sojhij raeuz couh ij bae lingh aen minzcuz bae cenzgangj Cangqdiq dih ndei siuhsiz naeuz gyoengqde ni,

Geiq Dwzbaijyienz 13:2

Miz ngoenz he, gyoengqde baiq Cangqdiq caeuq lekdungx hih mwhde, Hoenzsaenz Cangqdiq doiq gyoengqde naeuz: “Faenhsou ij bang gou baij Bahnazbah caeuq Saujloz bae guh gij hong gou ij hawj gyoengqde guh he.”

Geiq Dwzbaijyienz 9:15

Hoeng Yehsuh engq han naeuz: “Mwngz caenhrox coengqsim bae sat lo, aenvih gou senj de daeuj swqhaeuh gou; gou ij hawj de youq doenghheij vunz linghvaih minzcuz he, doenghheij dang vuengz he, caeuq youq gij vunz Hijswzlez ndaw de cenzgangj gou dwg bouxlawz.

Dizmohdaiq It 2:7

Gou naeuz mwngz ni gij saedsaeh he, couh dwg naeuz, vih gij ndei siuhsiz neix hwj Cangqdiq baij gou daeuj guh boux cenzgangj gij ndei siuhsiz de caeuq guh boux dwzbaijyienz de, hawj gou ndaej cenz naeuz gij vunz linghvaih minzcuz he ni gij ndei siuhsiz neix, son gyoengqde hawj gyoengqde sinq Yehsuh caeuq rox gij saedsaeh Cangqdiq.

Dizmohdaiq It 1:4

caeuq naeuz gyoengqde mbouj hawj gyoengqde doiq doenghgij gojgaeq doenghbaez he caeuq doenghheij gyabouh raez rangxrangh he maezgae, aenvih doenghgij neix cungj dwg cauh hawj vunz doxeuq, gaenhbaenj mbouj ndaej bang vunz hawj vunz ciuq Cangqdiq dih giqvaq ma guh. Hoeng, gij giqvaq neix dwg gauq sinq Yehsuh cij ndaej guh daengz he.

Gohlozsih Saw 1:6

Gij ndei siuhsiz neix mbouj danhcij naeuz cenz bae daengz faenhsou mwnq, vanzlij cenz bae daengz lajmbwn sojmiz hih, caemh dwg ndaej hawj vunz sinq Yehsuh Gihduz engqgya lai, engqgya ndaej hawj vunz daj ndaw sim nginh loek gaijgoq guh ndei, caemh luj faenhsou mwh ngamq dingq daengz gij ndei siuhsiz neix caeuq ngamq cingqcaen rox daengz Cangqdiq dih haijliengh yienghmwnq, doxdoengz sinq caeuq doxdoengz nginh loek gaijgoq guh ndei.

Gohlozsih Saw 1:4

aenvih gyoengqraeuz dingq naeuz faenhsou sinq Yehsuh Gihduz, caemh aiq sojmiz hih haeuj gij vunz Cangqdiq he.

Hijfuzsoj Saw 4:21

Hauhnaeuz faenhsou dingq goq gvanhhih Gihduz hih, caemh hag de soj son hih saedsaeh (de couh dwg saedsaeh),

Hijfuzsoj Saw 3:8

Gannaeuz gou youq ndaw gij vunz Cangqdiq ndaw de dwg boux ceiq yaqyuij ceiq yawj mbouj hwnj rwz he lah, hoeng, gou gingqyienz ndaej daengz de dih aiq, ndaej gij gienz neix, hawj gou ndaej naeuz linghvaih minzcuz hih vunz ni gvanhhih Gihduz hih hawj vunz liuh mbouj daengz hih baenxlai dijbauj hih,

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.

Lozmaj Saw 11:13

Gou seizneix miz vah doiq gij vunz linghvaih minzcuz faenhsou gangj. Aenvih gou dwg boux dwzbaijyienz he, dwg Cangqdiq baij daeuj yiengq gij vunz linghvaih minzcuz cenzgangj Cangqdiq dih ndei siuhsiz he, sojhij gou ij caenhsim caenhrengz bae guh ndei gij hong neix.

Hijfuzsoj Saw 3:7

Aenvih Cangqdiq doiq gou haijliengh, de dunghgoq bonjfaenh de dih akak rengzrengz hwj hawj gou ndaej guh bouxhoiq cenz gij ndei siuhsiz de.

Hijfuzsoj Saw 3:9

caeuq hawj sojmiz hih vunz cungj rox Cangqdiq baenzlawz hengz gij giqvaq miqmiz bonjfaenh de. Gij giqvaq neix, daj doenghbaez cauh gwnzmbwn lajdeih sojmiz hih, Cangqdiq cix dawz gij giqvaq miqmiz neix yo hwnjdaeuj mbouj yienh hawj vunz rox he,