Hijfuzsoj Saw 2:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Mwhde, faenhsou dwg gaen gij vunz aen seiqgyaiq neix guh saeh hih, dwg dingq aen seiqgyaiq neix gaem gienz dang daeuz dih fangzvuengz hih, couh dwg seizneix yungx doenghheij vunz mbouj dingq gij vah Cangqdiq hih Sajdanq lo.

Hijfuzsoj Saw 2:2 ပူးပေါင်းရင်းမြစ်များ

Hijfuzsoj Saw 6:12

aenvih caeuq gyoengqraeuz doxhoenx hih dizyinz mbouj dwg miz lwed miz noh hih vunz, dauq dwg caeuq aen seiqgyaiq neix dih miz gienz dang ak ndaej guenjciq hih fangz yak caeuq gwnzmbwn doenghheij gaem gienz hih fangz yak doxhoenx lah.

Yozhanq It 5:19

Gyoengqraeuz rox, gannaeuz aen seiqgyaiq neix hih vunz cungj dwg ngaiz boux guh doeg guh sieb neix guenjciq lah, hoeng gyoengqraeuz mbouj ngaiz de guenjciq; gyoengqraeuz vanzlij dwg gij vunz Cangqdiq.

Hijfuzsoj Saw 2:3

Gizsaed gyoengqraeuz doenghbaez bouxboux cungj dwg caeuq gyoengqde doxdoengz, ciuq aen ndangnoh bonjfaenh siengjmuengh, siengj guh gijmaz couh guh gijmaz. Sojhij gyoengqraeuz caeuq gizdah vunz mij maz faenbied, baenjsingq cungj dwg doegsieb he, cungj dwg ij ngaiz souh daengz Cangqdiq fad.

Yozhanq Saw 12:31

Seizneix dwg aen seiqgyaiq neix hih vunz souh daengz saemjbuenq hih mwhde lo. Aen seiqgyaiq neix hih vuengz, Sajdanq, couh ij ngaiz luetgyeuq lo.

Hijfuzsoj Saw 5:6

Gaejyungh ngaiz doenghheij gangj vah rumz vah rengx he yaeuh; Cangqdiq cingq vih doenghgij saeh neix hwj aeuqheiq doenghheij vunz mbouj dingq de he.

Yozhanq Saw 8:44

Faenhsou baenjlaiz dwg gij lwg fangzvuengz, cij rox gaen boh sou soj siengj hih yienghmwnq ma guh saeh hih. Daj gaihcij de cix dwg boux gaj vunz he lo, coengzlaiz mbouj haeuj mbiengj saedsaeh he, aenvih ndaw sim de gaenhbaenj mbouj miz saedsaeh. De soqsingq cungj dwg gangj gyajvah he, dwg doenj gyajvah he.

Hijfuzsoj Saw 4:22

couh ij duet ok gaxgonq faenhsou mij rox mij nginh Cangqdiq soj guh hih, aenvih mij rox Cangqdiq mij nginh Cangqdiq hih vunz dwg vih bonjfaenh dih siengjmuengh siengj guh gijmaz couh guh gijmaz hwj menhmenh bienq vaih hih.

Gohlimzdoh It 6:11

Faenhsou ndaw de miz hih vunz doenghbaez couh dwg yienghneix, hoeng, seizneix faenhsou gaenq dunghgoq bouxcawj raeuz Yehsuh Gihduz caeuq baengh Cangqdiq dih Hoenzsaenz hwj ndaej mienx coih, ndaej youq ndaw lwgra Cangqdiq suenq dwg boux mij'z coih he, ndaej guh gij vunz Cangqdiq he lo.

Gohlimzdoh Ngeih 4:4

Doenghheij vunz neix mbouj sinq Gihduz, dwg ngaiz aen ciqgyaiq neix dih cwnz, Sajdanq, loengh hwj sim mazmwnh ra fangz yawj mbouj raen gij rongh gij ndei siuhsiz Gihduz lah. Hoeng, Gihduz couh dwg Cangqdiq dih saeksiengq hah.

Yozhanq It 5:4

aenvih lwg Cangqdiq cungj ndaej giengz goq lajmbwn sojmiz hih. Hawj gyoengqraeuz ndaej giengz goq lajmbwn hih couh dwg gyoengqraeuz hih sinq Gihduz dih sim.

Yozhanq It 3:10

Cangqdiq dih lwg caeuq fangzvuengz dih lwg dwg mbouj doxdoengz hih; doengh boux mbouj ndwn ndaej cingq hih, mbouj aiq gij beixnuengx bonjfaenh hih, couh mbouj dwg lwg Cangqdiq.

Bijdwz It 1:14

Faenhsou ijaeu luj gij lwg Cangqdiq yienghmwnq naeuzdingq; mbouj ndaej luj doenghbaez yienghmwnq ngawzngad, moengxcwenx gijmaz cungj mbouj rox hwj siengj guh gijmaz couh guh gijmaz.

Gihduz Hawj Vunz Rox 20:2

De roengz daeuj le, couh gaemh dawz duz lungz mwnq, couh dwg duz ngwz doenghbaez yaeuh vunz mwnq, caemh heuh fangzvuengz Sajdanq hih mwnq, gaemh dawz duz de goenj hwnjdaeuj, goenj cien bi.

Yozhanq It 4:4

Lwg hax, faenhsou dwg haeuj buek vunz Cangqdiq hih, faenhsou caemh gaenq giengz goq doengh boux gyaj hih boux cenz gij vah Cangqdiq he lo, aenvih youq laeng faenhsou dih gij Hoenzsaenz mwnq ak goq lajmbwn dih gij hoenzsaenz mwnq.

Bijdwz It 4:3

aenvih faenhsou doenghbaez caeuq doenghheij mbouj rox Cangqdiq hih vunz doxdoengz, dawz cizgyenh sai youq doenghheij saeh faenhsou haenj guh he bae, couh dwg guh gij yalw ndaengndwet, siengjmuengh, gw laeuj fiz, baenx gyoengq baenx raq gwgw angqangq rek ruxrux, simqciq baiq you, gij saeh dwgcaengz neix he.

Gohlozsih Saw 1:21

Gannaeuz faenhsou doenghbaez guh doeg guh sieb hwj daekcoih Cangqdiq, haenq Cangqdiq lah,

Gyahlahdaiq Saw 1:4

Bouxcawj raeuz Yehsuh Gihduz ciuq Cangqdiq Bohmbwn raeuz dih cawjeiq vih ij gouq gyoengqraeuz ndaej duet ok aen seiqgyaiq doegsieb neix hwj ngaiz vwt diuz mingh bonjfaenh de, hawj gyoengqraeuz ndaej cueg coih.

Lozmaj Saw 12:2

Faenhsou mbouj ndaej ciuq aen seiqgyaiq neix hwng gijmaz caemh gaen hwng gijmaz, dauq ij hawj Cangqdiq gaij gij siengjfap faenhsou hwj hawj faenhsou ndaej gaijbienq goqma, hawj faenhsou ndaej faenbied gij cawjeiq Cangqdiq, hawj faenhsou rox gijmaz dwg ndei he, dwg hab'eiq habhoz Cangqdiq he, dwg mij maz ndaej diudik he.

Yajgoz Saw 4:4

Doenghheij mbouj gaen Cangqdiq luj guhyoux hih faenhsou hax! Nanzdauh faenhsou mbouj rox, aiq aen seiqgyaiq neix hih couh dwg caeuq Cangqdiq miz haemzcaeuz lo maz? Sojhij, hauhnaeuz faenhsou byawz siengj gaen aen seiqgyaiq neix hih nex, couh dwg Cangqdiq dih dizyinz lo.

Gohlimzdoh It 5:10

Gou yienghneix naeuz mbouj dwg naeuz ceij lajmbwn sojmiz guh yalw ndaengndwet he, cixnaeuz damsim, coemx vunz aeu doxgaiq, caeuq baiq you he hih vunz law; hauhnaeuz dwg yienghneix nex, faenhsou gaejyungh lix youq aen seiqgyaiq neix lo.

Geiq Dwzbaijyienz 5:3

Gajlaeng Bijdwz rox le, couh doiq de naeuz: “Yaqnaznizyaq, mwngz vihmaz hawj Sajdanq fangzvuengz cijveih aen sim mwngz, hawj mwngz daeuj coemx Hoenzsaenz Cangqdiq, dawz hai reih ndaej hih ngaenz gag louz mbangj hwnjdaeuj nej?

Yozhanq Saw 15:19

Hauhnaeuz faenhsou dwg haeuj aen seiqgyaiq neix nex, aen seiqgyaiq neix hih vunz gaengjdingq aiq faenhsou. Hoeng, faenhsou mbouj dwg haeuj aen seiqgyaiq neix law, aenvih gou gaenq dawz faenhsou senj okdaeuj lo, sojhij aen seiqgyaiq neix couh dwgcaengz faenhsou lo.

Yozhanq Saw 14:30

“Gou mbouj miz geijlwh cizgyenh ndaej caeuq faenhsou gangj haem lo, aenvih aen seiqgyaiq neix hih vuengz couh ij daeuj lo, hoeng, de mij'z gienz guenj gou law.

Bijdwz Ngeih 2:14

Cehra gyoengqde cenmonz yawj haeuj laeng lauxgawj bae, ndaengndwet siengjmuengh, siengzseiz famh coih mbouj dingz goq. Gyoengqde yaeuh longx doenghgij vunz sim fouz mbouj dingh he; gyoengqde damsim gvenq lo. Doengh cungj vunz neix cungj dwg ngaiz Cangqdiq mang he.

Yozhanq Saw 16:11

Yiengq, caiq gangj daengz saemjbuenq nej, couh dwg aenvih goengjvuengz lajmbwn, Sajdanq, gaenq ngaiz saemjbuenq lo. Couh vih yienghneix, lajmbwn hih vunz caemh mbouj ndaej deuz ok ngaiz saemjbuenq lo.

Yozhanq Saw 13:27

Yiengq Youzdaq couh aeu ma gw. Gw le, Sajdanq fangzvuengz couh majcangq doz hwnj gwnz ndang de bae lo. Gajlaeng Yehsuh couh doiq Youzdaq naeuz: “Mwngz vaiq bae guh gij saeh mwngz ij guh he bax!”

Yozhanq Saw 13:2

Yehsuh caeuq gyoengq lwgsae de gw haeuxcaeuz hih mwhde, fangzvuengz gaenq dawz gij ij cuzmaiq Yehsuh hih naemjfap coengq haeuj ndaw sim Youzdaq, daeglwg Sihmaenz, Gyahloz vunz bae lo.

Yozhanq Saw 8:23

Yehsuh dingq gyoengqde yienghneix lwnh le, couh naeuz: “Faenhsou dwg daj lajmbwn daeuj hih, dwg haeuj lajmbwn hih. Hoeng, gou dwg daj gwnz he daeuj hih; gou mbouj haeuj lajmbwn.

Majdaiq Saw 13:38

reih mienh couh ceij lajmbwn, ceh ndei dwg ceij gaep haeuj guek Cangqdiq dih vunz, go vaeng dwg ceij gaep haeuj fangzvuengz Sajdanq hih vunz.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Yozhanq It 3:8

Caenhrox famh coih hih couh dwg caemh buek fangzvuengz he, aenvih fangzvuengz daj gaihcij cix famh coih lo. Couh vih yienghneix, daeglwg Cangqdiq cij yienh okdaeuj, dwg ij boqvaiq fangzvuengz soj guh hih.

Yajgoz Saw 1:7

Doenghgij vunz yaepyaep yuekyuek sim mbouj dingh hih, [7]gaej muengh naeuz ndaej dajlaeng Cangqdiq ndaej aeu gijmaz lo.

Dizmohdaiq Ngeih 4:10

aenvih Dijmaj dam yangjcouq aen nienzdaiq neix hih gak cungj hwj mbouj gaen gou, gag bae daengz Dezsajloznizgyah lo. Lij miz Gwzlwzswq, de miz saeh le caemh bae Gyahlahdaiq lo, vanzlij miz Dizdoh haem, de caemh miz saeh caemh bae Dazmajdaiq lo.

Geiq Dwzbaijyienz 19:35

Gajlaeng, aen singz mwnq hih cuhgiq ok daeuj naeuz hawj gij vunz dingh roengzma. De naeuz: “Gak boux Hijfuzsoj dih vunz hax! Byawz mbouj rox Hijfuzsoj Singz dwg hen caeuq baujhuq aen miuh Yaqdijmij caeuq hen dajlaeng Caeuqswh doek roengzdaeuj hih mehbuz neix nex?

Luqgyah Saw 22:31

De vanzlij caiq naeuz: “Sihmaenz, Sihmaenz, gou naeuz mwngz ni, fangzvuengz Sajdanq gouz Cangqdiq, ij dawz faenhsou ma lad, luj lad haeux yienghmwnq, yawj byawz dwg luj ceh bauz he cixnaeuz luj ceh mbot he.

Luqgyah Saw 16:8

“Gajlaeng bouxcawj rox gij saeh neix le, engq haenh boux mbouj lauxsaed guenjgya neix, naeuz de rox guh saeh, coengjmingz. Gizsaed doenghheij caenhgag yawjnaek seiqgan seizneix hih vunz cungj beij doenghheij yawjnaek aen guek Cangqdiq hih vunz haemq rox guh doenghgij saeh cuzhih seiqgan seizneix he.”

Majdaiq Saw 11:19

Gou, Vunz dih Daiqbiuj, daeuj lo, cix gw haeux cix gw laeuj. Yiengq, vunz couh naeuz: ‘De ngah gw haeux, ngah gw laeuj, dwg baengzyoux boux sou ceiq caeuq boux baengzyoux vunz vaih he.’ Sojhij naeuz, vunz dwg mbouj dwg coengjmingz, yawj de soj guh hih saeh couh yawj ndaej ok.”

Gihduz Hawj Vunz Rox 16:17

Yiengq daengz daixcaet boux bouxcai raix vanj de mwnq, raix youq cungqgyan mbwn. Gajlaeng couh doq miz sing goggog daj aen lungzeij ndaw cangqbungz cenz okdaeuj naeuz: “Sat lo!”

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Gihduz Hawj Vunz Rox 12:9

ngaiz daj gwnzmbwn gveng roengz doem bae lo. Duz lungz neix couh dwg duz fangzvuengz mwnq, caemh dwg heuh Sajdanq hih yaeuh baenx cenz lajmbwn hih duz ngwz laux mwnq lo. De ngaiz gveng roengz doem bae; doenghheij cai de caemh ngaiz gaen gveng roengz doem bae.

Majdaiq Saw 13:22

Doengh ceh doek youq ndaw caz oen mwnq, couh dwg naeuz vunz dingq gij ndei siuhsiz lo, gajlaeng vihliux saenghhoz dih saepsaep soiqsoiq, caeuq dam cienzcaiz hwj mbouj ndaej guh gij saeh youq ndaw lwgra Cangqdiq suenq dwg miz yungh he.

Majgoj Saw 4:19

hoeng, gajlaeng vihliux saenghhoz dih saepsaep soiqsoiq hwj yousim hah, cienzngaenz hah, siengjmuengh hah hwj gaz dawz lo, mbouj ndaej guh gij saeh youq ndaw lwgra Cangqdiq miz yungh he.

Hijfuzsoj Saw 1:21

hawj Gihduz ndaej ak goq sojmiz hih, ndaej guenj gienz cix ndaej, rengz cix ndaej, mboujguenj byawz cix ndaej, mboujguenj seizneix cix ndaej, baezneix cix ndaej, hawj de dungjdungj ak goq daengxheij.

Hijfuzsoj Saw 2:11

Sojhij faenhsou wnggai ndaejgeiq, faenhsou seng okdaeuj couh mbouj dwg Youzdaiq vunz. (Doenghbaez doenghheij gag naeuz bonjfaenh gaenq gozlij hih Youzdaiq vunz, gyoengqde yawj faenhsou dangq dwg mij gozlij goq hih vunz; gizsaed doenghheij Youzdaiq vunz gozlij goq he cijmboujgoq dwg vunz aeu fawz ma gozlij hih lah, gaenhbaenj mbouj ndaej hawj boux de guh daengz hab'eiq habhoz Cangqdiq.)

Hijfuzsoj Saw 2:13

Mwhmwnq faenhsou caeuq gij vunz Cangqdiq mij maz gvanhaeh, hoeng, seizneix faenhsou dauq ndaej baengh Gihduz riuz lwed hwj ndaej gaep haeuj gij vunz de,

Hijfuzsoj Saw 4:17

Sojhij gou hij bouxcawj raeuz dih mingzhiq ma saedsaeh naeuz sou ni, faenhsou goq saedceij mbouj ndaej caiq luj doenghheij mij rox Cangqdiq mij nginh Cangqdiq hih yienghmwnq naemqnaeuz bonjfaenh cungj rox raixcaix he lo.

Hijfuzsoj Saw 5:8

Doenghbaez faenhsou simndaem, mbouj rox bouxcawj raeuz, hoeng, seizneix faenhsou sinq bouxcawj raeuz; bouxcawj raeuz couh ciuq rongh aen sim faenhsou. Yiengq faenhsou guh saeh doiq vunz couh ij wnggai boiqndaej youq ndaw lwgra bouxcawj raeuz dwg rongh he cij deng.

Yajgoz Saw 1:27

Dauq dwg doenghheij vunz yawjraen lwggyax, raen mehmaiq miz nanh le couh bae bang hih, caemh mbouj bae gaen aen seiqgyaiq neix hih doenghheij yalw he hih, gyoengq vunz neix soj guh hih youq ndaw lwgra Cangqdiq, Bohmbwn raeuz, dwg ndei hih, mbouj miz maz ndaej diudik hih.