Hijfuzsoj Saw 1:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ De simqciq youq mijyaengz cauh mbwn cauh deih cihsenz cix aiq gyoengqraeuz cix dunghgoq Yehsuh Gihduz hwj senj gyoengqraeuz, hawj gyoengqraeuz ndaej youq ndaw lwgra de bienqbaenz boux mij'z coih he, mij gijmaz ndaej diudik he.

Hijfuzsoj Saw 1:4 ပူးပေါင်းရင်းမြစ်များ

Dizmohdaiq Ngeih 1:9

Cangqdiq gouq gyoengqraeuz, senj gyoengqraeuz mbouj dwg naeuz yawj gyoengqraeuz miz guh gijmaz ndeisaeh hih, dauq dwg ciuq gij cawjeiq de caeuq de dih haijliengh lah. Gij haijliengh neix, dwg de youq mijyaengz cauh mbwn cauh deih mwhde, de cix gyezdingq dunghgoq Yehsuh Gihduz ma hwj doiq gyoengqraeuz haijliengh lo,

Hijfuzsoj Saw 2:10

Hoeng, gyoengqraeuz dwg Cangqdiq dwzbez saeqsim cauh okdaeuj he; de dunghgoq Yehsuh Gihduz daeuj hawj gyoengqraeuz ndaej miz mingh, muzdiz dwg ij hawj gyoengqraeuz guh gij ndeisaeh de senqsi cix giqvaq ndei he.

Majdaiq Saw 25:34

“Faen ndei le, guh goengjvuengz hih couh doiq gyoengq youq baixgvaz de naeuz: ‘Doenghheij boh gou soengq fuk hawj faenhsou he hax, daeuj bax, daeuj ciep aeu daj mijyaengz cauh mbwn cauh deih cix cwnjbiq ndei hawj faenhsou hih aen guek neix bax!

Yajgoz Saw 2:5

Gak boux beixnuengx hax, cingj faenhsou dingq gou naeuz sou ni: Cangqdiq senj doenghheij vunz vunz yawj gyoengqde dwg vunz gungz hih okdaeuj, hawj gyoengqde sinq Gihduz raixcaix, caemh hawj gyoengqde ndaej gaep haeuj aen guek de; aen guek de dwg de baujcingq hawj gij vunz aiq de he.

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Yozhanq Saw 15:16

“Mbouj dwg faenhsou senj gou, dwg gou senj faenhsou hawj faenhsou bae dawz gij mak mbouj rox naeuh hih lah. Yienghmwnq faenhsou couh ndaej hij gij coh gou ma gouz, mboujguenj faenhsou gouz daxboh aeu gijmaz, de cungj nyok hawj faenhsou gijmaz.

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Bijdwz It 1:20

Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.

Gohlozsih Saw 3:12

Cangqdiq aiq faenhsou senj faenhsou daeuj guh gij vunz hab'eiq habhoz de, sojhij faenhsou wnggai miz aen sim hojsik vunz he, sim'unq mbouj gyauhngauq, soh semxsemh cix naenxsim he.

Gohlozsih Saw 1:22

hoeng, seizneix Cangqdiq dauq dunghgoq daeglwg de, hawj aen ndangnoh daeglwg de rai hwj hawj faenhsou ndaej caeuq bonjfaenh de doxndei doxhuz, hawj faenhsou ndaej youq ndaw lwgra de suenq dwg boux mij'z coih he, mij gijmaz ndaej diudik he, mbouj miz gijmaz mboujeiqseiq hwj bae daengz dangqnaj de he.

Hijfuzsoj Saw 5:27

mij saek di uq, wenq upup ngaeuz nguebngueb, mij gijmaz ndaej diudik he hab'eiq habhoz de he dih gyauqveiq gvi hawj bonjfaenh de.

Gihduz Hawj Vunz Rox 17:8

Mwngz yawjraen hih duz nyaen neix doenghbaez dwg lix hih, hoeng, seizneix gaenq rai lo. Duz de couh ij daj ndaw vaengz he hwnj daeuj, gajlaeng caiq byaij haeuj gij satsoq he bae. Lajmbwn doenghheij dajlwh cauh mbwn cauh deih doxdaeuj gij coh mij ndaej daengh haeuj ndaw bonjbouh miz mingh he bae hih vunz raen duz doenghbaez lix, seizneix rai, gajlaeng caiq dauqlix hih duz nyaen mwnq cungj geizheih ij rai.

Geiq Dwzbaijyienz 13:48

Gij vunz linghvaih minzcuz he dingq daengz gij vah neix le, cungj gig vuenheij hwj haenh Cangqdiq dih ndei siuhsiz. Gajlaeng doenghheij vunz Cangqdiq senjdingh hawj gyoengqde ndaej yungjyenj lix hih cungj sinq lo.

Yozhanq Saw 17:24

“Boh hax, muengh gij vunz mwngz nyok hawj gou hih gyoengq vunz mwnq, gou youq mwnqlaw gyoengqde caemh youq mwnqlaw, yienghmwnq hawj gyoengqde ndaej raen mwngz hawj gou ndaej najrongh, aenvih youq mijyaengz cauh mbwn cauh deih cihsenz, mwngz gaenq aiq gou lo.

Dezsajloznizgyah It 4:7

Cangqdiq senj gyoengqraeuz mbouj dwg ij hawj raeuz goq cungj saenghhoz yalw neix law, dauq dwg ij hawj raeuz guh boux hab'eiq habhoz de hih lah.

Feihlizbij Saw 2:15

Yienghneix couh ndaej hawj faenhsou lauxsaed, mij guh gijmaz loek he, youq aen nienzdaiq doegsieb yalw neix guh gij lwg Cangqdiq mij maz ndaej diudik he, [16a]caemh ndaej youq lajmbwn yienh ok gij saedsaeh hawj vunz miz mingh mwnq, [15b]couh luj ndaundeiq rongh youq gwnzmbwn yienghmwnq rongh. [16b]Yienghneix daengz Gihduz dauq daeuj hih mwhde, gou couh ndaej haenh naeuz gou guh hih hong dwg miz yungh hih, mbouj begbeg nyungj hoengq lo.

Dizmohdaiq Ngeih 2:19

Hoeng, Cangqdiq dih saedsaeh couh luj hauxranz yienghmwnq gaenj dwtdwt, it di cungj mbouj doengh; gwnz de dik miz: “Cangqdiq rox doenghgij vunz de” caeuq: “Famz gaep haeuj Cangqdiq hih vunz cungj mbouj wnggai guh doenghgij doegsieb he.”

Geiq Dwzbaijyienz 18:10

miz gou caeuq mwngz youq. Mij'z vunz gamj doengh mwngz law, aenvih aen singz neix miz haujlai vunz dwg gij vunz gou.”

Dizmohdaiq Ngeih 2:10

Vih yienghneix, gou nyienh'eiq vih gij vunz Cangqdiq senj okdaeuj he hwj souh sojmiz hih nanh, hawj gyoengqde ndaej sinq Yehsuh Gihduz hwj ndaej gouq caeuq ndaej seiqseiz najrongh.

Hijfuzsoj Saw 4:2

Mbouj ndaej gag naemqnaeuz bonjfaenh ak raixcaix he, ij soh semxsemh, ij naenxsim, ij rox doxnyiengh doxaiq,

Gohlimzdoh It 1:8

De caemh gaengjdingq bang faenhsou hawj faenhsou gyenhgyangz roengzbae, hawj faenhsou ndaej youq mwh bouxcawj raeuz Yehsuh Gihduz dauq daeuj hih mwhde mij maz ndaej diudik he.

Majdaiq Saw 24:31

Daengz mwhmwnq, gou couh hawj miz sing boq gywnhhauh yiengj, couh baij bouxcai gou bae daengz ciqgyaiq gak dieg bae heuh doenghgij vunz gou senj okdaeuj he daeuj doxcomz.”

Hijfuzsoj Saw 5:2

Doiq vunz guh saeh caemh ij miz aen sim aiq vunz he, cingq luj Gihduz aiq raeuz yienghmwnq; de sijndaej diuz mingh bonjfaenh, aeu ma guh gij rang fwtfwt he hwj bwiz Cangqdiq.

Yozhanq Saw 10:16

Gou vanzlij miz yiengz mbouj youq ndaw lanz yiengz neix. Gou bietdingh ij daiq gyoengqde ma; gyoengqde caemh gaengjdingq ij dingq gij vah gou. Gou sojmiz hih yiengz cungj ij gyonj guh buek he, gvi hawj boux ciengx yiengz he.

Dezsajloznizgyah It 3:12

Muengh bouxcawj raeuz hawj faenhsou miz aen sim rox doxaiq he caeuq rox aiq vunz he, caemh dwg yied ngoenz yied aiq raixcaix he, caemhdangq luj gyoengqraeuz aiq faenhsou yienghmwnq.

Hijfuzsoj Saw 3:17

Gou muengh Gihduz vih faenhsou sinq de hwj caeuq faenhsou youq, hawj faenhsou miz aiq luj miz rag yienghmwnq youq ndaw sim faenhsou gaenj dwtdwt,

Gyahlahdaiq Saw 5:13

Gak boux beixnuengx hax, Cangqdiq senj heuh faenhsou dwg ij hawj faenhsou ndaej swqyouz, mbouj dwg naeuz ij hawj faenhsou dawz swqyouz ma dangq ndaej seizbienh guh gij ndaengndwet hih nej, dauq dwg hawj faenhsou miz aiqsim hwj doxbang lah,

Lozmaj Saw 8:33

Miz byawz ndaej gauq gij vunz Cangqdiq senj okdaeuj he nej? Cangqdiq gaenq senhbuq gyoengqde mij'z coih lo!

Majdaiq Saw 24:24

aenvih daengz mwhmwnq, miz doengh boux gyaj dih Gihduz caeuq doengh boux gyaj dih boux cenz gij vah Cangqdiq daeuj. Gyoengqde loengh doenghgij geizmiuj he daeuj yaeuh vunz, simqciq loengh hawj gij vunz Cangqdiq senj okdaeuj he ceng di he cungj ngaiz sinq hwx; caeklaiq miz Cangqdiq baujhuq hwx.

Majdaiq Saw 24:22

Gou naeuz sou ni, doengh ngoenz cainanh neix, hauhnaeuz mbouj dwg Cangqdiq gemj bae nex, gaenhbaenj mij'z vunz ndaej lix roengzbae. Cangqdiq vih gij vunz de senj okdaeuj he, de couh gemj doengh ngoenz cainanh mwnq.”

Yozhanq It 4:16

Sojhij, gyoengqraeuz caemh rox, caemh sinq Cangqdiq aiq gyoengqraeuz. Cangqdiq couh dwg aiq; ndaw sim bouxlawz miz aiq, bouxlawz couh youq ndaw rumq Cangqdiq youq, Cangqdiq couh caeuq boux de youq.

Bijdwz Ngeih 3:14

Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.

Gohlozsih Saw 2:2

Gou yienghneix guh dwg vih ij gujliq faenhsou caeuq gyoengqde daixgya, hawj daixgya ndaej rox doxaiq hwj ndaej duenzgyez, hawj daixgya engqgya rox gij saedsaeh Cangqdiq hwj ndaej miz sinqsim raixcaix, engqgya rox gij giqvaq miqmiz de, couh dwg naeuz, engqgya rox Gihduz—

Gyahlahdaiq Saw 5:22

Hoeng, hauhnaeuz faenhsou hawj Hoenzsaenz Cangqdiq guenjleix faenhsou dih saenghhoz nex, faenhsou couh ndaej giet gij mak gyaeugyaeu ndeindei he lo. Gij mak neix couh dwg aiq, vuenheij, hozbingz, naenxsim, sim'unq, lauxsaed, simndei simsoh,

Gyahlahdaiq Saw 5:6

aenvih doiq it boux gvi haeuj Yehsuh Gihduz hih vunz ma gangj, de goz mbouj gozlij gaenhbaenj mbouj cungqyauq; ceiq cungqyauq hih dwg, de miz mbouj miz aen sim sinq Gihduz he hwj aiq vunz cij miz yungh.

Geiq Dwzbaijyienz 15:18

Gij neix dwg Cangqdiq daj gaihcij cix gangj hih lo.”