Gohlimzdoh It 9:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Gou cam faenhsou, miz byawz dang bing hih gag daiq gij gw he bae nej? Miz byawz ndaem suen mak buzdauz he, hoeng, dauq mij gw gij mak de nej? Caemh miz byawz ciengx baenx gyoengq yiengz, hoeng, caemh mij gw gij nauq yiengz de nej?

Gohlimzdoh It 9:7 ပူးပေါင်းရင်းမြစ်များ

Dizmohdaiq It 1:18

Lwg gou Dizmohdaiq hax, gou ij hawj mwngz fuqswz gij he. Hoeng gou sien daezsingj mwngz, hawj mwngz ndaejgeiq boux cenz gij vah Cangqdiq doenghbaez doiq mwngz soj gangj goq hih, [19a]hawj mwngz ndaej sinqsim gyenhdingq mbouj doeknaiq ciuq liengzsim bae [18b]caeuq doenghheij luenh cenzgangj mbouj dwg saedsaeh hih doenghheij vunz mwnq doxdingx roengzbae. [19b]Gou yienghneix daezsingj mwngz dwg aenvih miz hih vunz mbouj gangj liengzsim, guh hwj daengz gajlaeng gij sinqsim gyoengqde caemh luj aen ruz mbongq daej caem roengz raemx bae he.

Geiq Dwzbaijyienz 20:28

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

Bijdwz It 5:2

faenhsou ij ciengx ndei gyoengq yiengz Cangqdiq gyau hawj faenhsou he, ij ciuq Cangqdiq dih cawjeiq guenj ndei gyoengqde; mbouj ndaej hozgwg, cix mbouj ndaej vih cienzcaiz, dauq ij dwg nyienh'eiq caensim hwj ciengx he cij deng.

Dizmohdaiq Ngeih 4:7

Gou dih saenghhoz caemh luj ywnqdungqyienz bijcaiq; gou gaenq camhgyah ciengz bijcaiq mwnq lo, caiq caemh ndaej ndei caemh caiq sat lo. Couh dwg naeuz gou baenxseiq cungj caensim swqhaeuh Cangqdiq he.

Dizmohdaiq It 6:12

Mwngz souj gij saedsaeh Cangqdiq mwhde, ij wnggai luj boux bing yienghmwnq yungjgamj. Caemh ij gaem ndaet seiqseiz lix; vih hawj mwngz ndaej seiqseiz lix hwj Cangqdiq senj mwngz okdaeuj, mwngz caemh youq dangqnaj haujlai cingqyinz nginh Yehsuh dwg bouxcawj mwngz lo.