Gohlimzdoh It 8:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ hoeng, doiq gyoengqraeuz ma gangj, caenhgag miz boux cwnz dog lah. Boux neix couh dwg Cangqdiq Bohmbwn. Sojmiz hih cungj dwg coengz de daeuj he; gyoengqraeuz cungj dwg vih de hwj lix. Gyoengqraeuz caemh dwg cijngamq miz bouxcawj dog, couh dwg Yehsuh Gihduz. Sojmiz hih cungj dwg miz de hwj cij ndaej he; gyoengqraeuz caemh dwg baengh de hwj cij ndaej lix he.

Gohlimzdoh It 8:6 ပူးပေါင်းရင်းမြစ်များ

Lozmaj Saw 11:36

Aenvih sojmiz hih cungj dwg daj de daeuj, baengh de, gvi haeuj de. Muengh najrongh yungjyenj gvi hawj Cangqdiq! Ahmaenz.

Yozhanq Saw 1:3

Gij vah neix couh dangq dwg boux vunz he. Gwnzmbwn lajdeih sojmiz hih cungj dwg baengh boux de cauh okdaeuj he; mij saek yiengh naeuz mij dwg de cauh.

Gohlimzdoh It 8:4

Yiengq doiq gij saeh ndaej mbouj ndaej gw gij dajbwiz you he ma gangj, gou naeuz hax, gyoengqraeuz rox, lajmbwn hih you mbouj suenq dwg cingqcaen hih cwnz; caenhgag Cangqdiq boux dog cij dwg cingqcaen hih cwnz.

Geiq Dwzbaijyienz 17:28

aenvih gyoengqraeuz saedceij goq ndaej ndei mbouj ndei, ndaej mbouj ndaej guh saeh, ndaej mbouj ndaej lix cungj dwg baengh de. Caemh luj faenhsou miz mbangj hih vunz sij sei sij naeuz: ‘Raeuz caemh dwg de seng he.’”

Yozhanq Saw 14:20

Daengz ngoenz mwnq, faenhsou couh rox, gou caeuq daxboh gou youq, faenhsou caeuq gou youq, gou caeuq faenhsou youq.

Gohlimzdoh It 12:3

Sojhij seizneix gou naeuz sou ni, famz miz Hoenzsaenz Cangqdiq doengh daengz sim hih cungj mbouj veiq naeuz: “Yehsuh wnggai ngaiz mang,” gawq neix. Fanjgoqma, caemh doxdoengz, famz mbouj miz Hoenzsaenz Cangqdiq doengh daengz sim hih caemh mbouj veiq naeuz: “Yehsuh dwg bouxcawj gou.”

Geiq Dwzbaijyienz 2:36

Sojhij, sojmiz hih Hijswzlez vunz hax, faenhsou ijaeu rox, boux ngaiz faenhsou ding rai youq gwnz gyaq cixcib dih Yehsuh, Cangqdiq gaenq laeb de guh bouxcawj raeuz, baij de daeuj guh vuengz raeuz lo.”

Yozhanq Saw 20:17

Gajlaeng, Yehsuh doiq de naeuz: “Gaej rag dawz gou, aenvih gou mijyaengz hwnj bae laeng daxboh mwnq haem. Mwngz bae daengz doenghheij beixnuengx gou mwnq bae, bae naeuz gyoengqde ni, gou ij hwnj bae laeng boh gou mwnq, Cangqdiq gou lo; de caemh dwg boh faenhsou, Cangqdiq faenhsou hwj.”

Yozhanq Saw 13:13

Faenhsou heuh gou ‘Lauxsae’ heuh gou ‘Bouxcawj,’ faenhsou heuh ndaej deng hih, aenvih gou baenjlaiz couh dwg.

Majdaiq Saw 28:18

Yehsuh raen gyoengqde le, couh byaij bae daengz dangqnaj gyoengqde, doiq gyoengqde naeuz: “Cangqdiq gaenq dawz gwnzmbwn lajdeih sojmiz hih gienz cungj nyok hawj gou lo.

Majdaiq Saw 11:27

De haenh daengz dineix le, vanzlij naeuz: “Sojmiz hih cungj dwg boh gou hawj gou he. Cawzok daxboh, mij'z vunz rox daeglwg dwg byawz, caemh cawzok lwg caeuq lwg nyienh'eiq naeuz vunz ni hih, mijn'x caemh mij'z vunz rox daxboh dwg byawz.

Yozhanq Saw 17:3

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

Yozhanq Saw 10:30

Gou caeuq boh caemhdangq dwg boux he.”

Gihduz Hawj Vunz Rox 1:18

Gou dwg seiqseiz lix hih. Gou rai goq, hoeng gou seizneix dwg lix hih; mbouj danhcij naeuz dwg lix, vanzlij dwg yungjyungj yenjyenj lix, caemh dwg cangjguenj rai caeuq ndawlaep hih seiz dou.

Hijfuzsoj Saw 3:14

Sojhij gou gvih roengzbae bang faenhsou gouz [15]cauh gwnzmbwn lajdeih gak gya gak cuz dih [14b]Cangqdiq Bohmbwn.

Gohlimzdoh It 1:2

sij saenq hawj youq Gohlimzdoh Singz Cangqdiq dih gyauqveiq, couh dwg sij hawj doenghheij vunz Cangqdiq senj okdaeuj guh hab'eiq habhoz bonjfaenh de he. Faenhsou caeuq youq gak dieg nginh Yehsuh Gihduz dwg bouxcawj he doxdoengz dwg senj okdaeuj gvi haeuj gij vunz Cangqdiq he. Gihduz dwg bouxcawj gyoengqde, caemh dwg bouxcawj gyoengqraeuz.

Geiq Dwzbaijyienz 5:31

Cangqdiq vanzlij baux de hwnjdaeuj, hawj de youq baixgvaz bonjfaenh de guh boux vunz lajmbwn dih daeuzdaeuz, guh boux gouq vunz he, vih dwg ij hawj gij vunz Hijswzlez ndaej daj ndaw sim gaijgoq, ndaej hawj gyoengqde mienx coih.

Yoznaz Saw 1:9

Gajlaeng, Yoznaz han naeuz: “Gou dwg Hihbwzlaiz vunz. Gou baiq dih cwnz dwg Yehhozvaz; de dwg Cangqdiq, boux ceiq ak ceiq miz gienz dih cwnz. Sojmiz dih gwnzmbwn caeuq lajdeih cungj dwg de cauh okdaeuj dih.”

Gohlozsih Saw 1:6

Gij ndei siuhsiz neix mbouj danhcij naeuz cenz bae daengz faenhsou mwnq, vanzlij cenz bae daengz lajmbwn sojmiz hih, caemh dwg ndaej hawj vunz sinq Yehsuh Gihduz engqgya lai, engqgya ndaej hawj vunz daj ndaw sim nginh loek gaijgoq guh ndei, caemh luj faenhsou mwh ngamq dingq daengz gij ndei siuhsiz neix caeuq ngamq cingqcaen rox daengz Cangqdiq dih haijliengh yienghmwnq, doxdoengz sinq caeuq doxdoengz nginh loek gaijgoq guh ndei.

Hijfuzsoj Saw 1:3

Docih bouxcawj raeuz Yehsuh Gihduz dih Cangqdiq daxboh; de dunghgoq Yehsuh Gihduz hwj dawz gwnzmbwn gak yiengh hih fuk nyok hawj gyoengqraeuz.

Gohlimzdoh It 6:13

Yiengq caemh aiq ij miz vunz naeuz: “Gij gw dwg vih aen dungx; aen dungx caemh dwg vih gij gw,” yienghneix. (Yiengq, ciuq gou ma yawj hax, cungj dwg deng hih, hoeng cungj ij miz ngoenz he, Cangqdiq gaengjdingq ij hawj song yiengh neix bienqbaenz mij'z yungh.) Fanjgoqma, aen ndangdaej mbouj dwg vih guh ndaengndwet, dauq dwg ij vih bouxcawj raeuz hwj guh saeh hih; de dwg bouxcawj aen ndangdaej gyoengqraeuz hih.

Bijdwz It 1:21

Faenhsou dunghgoq de hwj sinq boux hawj de daj rai ndaej dauqlix caiq hawj de ndaej najrongh dih Cangqdiq; sojhij faenhsou sinq caeuq miz muengh dungjdungj cungj dwg Cangqdiq.

Yozhanq Saw 1:10

De cauh lajmbwn sojmiz hih, hoeng, de daeuj lajmbwn, lajmbwn hih vunz dauq mij rox de.