Gohlimzdoh It 8:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Yiengq doiq gij saeh ndaej mbouj ndaej gw gij dajbwiz you he ma gangj, gou naeuz hax, gyoengqraeuz rox, lajmbwn hih you mbouj suenq dwg cingqcaen hih cwnz; caenhgag Cangqdiq boux dog cij dwg cingqcaen hih cwnz.

Gohlimzdoh It 8:4 ပူးပေါင်းရင်းမြစ်များ

Dizmohdaiq It 2:5

Couh dwg naeuz gyoengqraeuz caenhgag miz boux Cangqdiq dog, de caeuq raeuz hih cungqgyan de caemh dwg caenhgag miz boux cungqgyan he. Boux neix couh dwg daeuj lajmbwn guh vunz hih Yehsuh Gihduz lo.

Hijfuzsoj Saw 4:6

Gyoengqraeuz caemh caenhgag miz boux Cangqdiq dog, de couh dwg daxboh lajmbwn sojmiz hih vunz he, de dungjguenj sojmiz hih, yungh sojmiz hih, dauqcawq cungj youq hih.

Majgoj Saw 12:29

Yehsuh dingq le, han naeuz: “Ceiq cungqyauq hih dwg: Hijswzlez vunz hax, faenhsou dingq bax! Bouxcawj raeuz Cangqdiq caenhgag de cij dwg bouxcawj.

Gohlimzdoh It 8:10

Hauhnaeuz miz doenghgij vunz daiq siujsim he, lau guh loek he, yawjraen mwngz, rox doenghgij dauhleix gwnz neix hih mwngz naengh youq ndaw miuh gw doenghgij bwiz goq duz you he nex, gyoengqde mbouj engqgya mbeihung hwj gw doenghgij bwiz goq duz you hih maz?

Gohlimzdoh It 8:1

Gou seizneix ij gangjgangj gij vunz Cangqdiq ndaej mbouj ndaej gw doenghgij bwiz goq duz you he. Gangj daengz gij saeh neix, gyoengqraeuz bouxboux cungj naemqnaeuz miz gij ciqsiz neix, hoeng, gou naeuz hax, miz ciqsiz dwg hawj vunz gag naemqnaeuz bonjfaenh cungj rem raixcaix he lah; gizsaed caenhgag miz aiqsim cij cingqcaen dwg rem raixcaix, cij ndaej hawj vunz miz ik.

Geiq Dwzbaijyienz 19:26

Seizneix faenhsou gaenq dingqri caemh yawjraen boux Baujloz neix mbouj danhcij naeuz youq Hijfuzsoj, simqciq baenx cenz Yaqsiqyaq, de doeng gangj sae gangj coemx vunz, naeuz gijmaz: ‘Vunz cauh hih cwnz, mbouj dwg caen hih cwnz,’ gangj hwj miz haujlai vunz cungj sinq lo.

Geiq Dwzbaijyienz 14:15

“Faenhsou vihmaz ij guh cungj saeh neix nej? Raeuz caemh dwg vunz, caeuq faenhsou doxdoengz dwg vunz. Raeuz daeuj dineix dwg ij cenz gij ndei siuhsiz Cangqdiq hawj faenhsou rox lah, dwg ij hawj faenhsou daj ndaw sim nginh loek gaijgoq, mbouj caiq mizsinq, hawj faenhsou sinq boux cauh mbwn cauh deih cauh haij caeuq cauh sojmiz hih seiqseiz lix dih Cangqdiq lah.

Dizmohdaiq It 1:17

Muengh soenhgingq najrongh cungj gvi hawj Cangqdiq; Cangqdiq dwg seiqseiz lix mbouj rox rai, aeu ra ma yawj mbouj raen, caenhgag de cij dwg vuengz cij dwg Cangqdiq he! Ahmaenz.

Geiq Dwzbaijyienz 15:20

caenhgag sij saenq raengq gyoengqde soenhsouj geij diuz Mohsih dih fazliz, couh dwg naeuz: mbouj ndaej gw gij doxgaiq bwiz goq duz you he, mbouj ndaej guhyoux, mbouj ndaej gw doengh duz nap hoz rai he, caeuq mbouj ndaej gw lwed couh ndaej lo,

Gohlimzdoh It 8:11

Yiengq faenhsou rox gij saeh doenghgij bwiz goq duz you he hih dauqfanj sienghaih daengz doenghheij daiq siujsim lau guh loek hih vunz, hawj gyoengqde satsoq. Hoeng, doenghheij vunz neix cingq dwg Gihduz aeu mingh ma gouq hih doenghheij beixnuengx neix lah.

Gyahlahdaiq Saw 4:8

Doenghbaez faenhsou mijyaengz rox Cangqdiq cihsenz, faenhsou cungj dwg dingq doenghheij mbouj dwg caencwnz he, guh gyoengqde dih hoiq.