Gohlimzdoh It 7:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Yiengq doiq doenghheij gaenq gyezvwnh hih vunz nej, gou ij raengq gyoengqde, gizsaed mbouj dwg gou raengq gyoengqde law, dwg bouxcawj raeuz raengq gyoengqde lah, couh dwg guh yah hih mbouj ndaej caeuq goengjgvan bonjfaenh lizvwnh.

Gohlimzdoh It 7:10 ပူးပေါင်းရင်းမြစ်များ

Majdaiq Saw 5:32

Hoeng, gou naeuz sou ni hax, cizfeih dwg meh de caeuq vunz guhyoux cij ndaej liz, mbouj nex, hauhnaeuz goeng de liz de, couh suenq naeuz dwg goeng de nyoengx meh de bae guhyoux lo; yiengq boux aeu meh de mwnq caemh suenq guhyoux lo.

Luqgyah Saw 16:18

Mboujguenj byawz caeuq mehyah bonjfaenh lizvwnh le, caiq caeuq daixlingh boux gyezvwnh, yiengq couh dwg guhyoux; caeuq lizvwnh dih vunzbaz gyezvwnh, caemh dwg guhyoux.”

Gohlimzdoh It 7:15

Yiengq, caiq hauhnaeuz song boux ndaw de boux mbouj sinq mwnq cungj ij liz lo, yiengq couh ajcaih de liz bax. Mboujguenj vunzsai haj cixnaeuz vunzbaz, roeb daengz cungj saeh neix cungj mbouj ndaej cengqgengz dingx, aenvih Cangqdiq senj gyoengqraeuz dwg hawj gyoengqraeuz bingzan hih.

Gohlimzdoh It 7:12

Yiengq gangj daengz gizdah vunz (gij neix dwg gou dih iqswh he, mbouj dwg bouxcawj raeuz dih iqswh law), hauhnaeuz miz boux beixnuengxlawz mehyah de mbouj dwg sinq Gihduz hih, meh de nyienh'eiq caeuq de saenghhoz roengzbae, yiengq boux de couh mbouj ndaej liz mehyah de.

Gohlimzdoh It 7:25

Gangj daengz doenghheij mij gyezvwnh hih vunz, bouxcawj raeuz mij gijmaz mingqlingq gou law, hoeng, aenvih bouxcawj raeuz doiq gou haijliengh, hawj gou ndaej suenq dwg boux sinq ndaej goq he, ndaej dawz gij iqgyenq gou gangj naeuz faenhsou ni.

Gohlimzdoh It 7:6

Gou yienghneix naeuz, mbouj dwg naeuz mingqlingq faenhsou law; dwg dungziq faenhsou caemh ndaej camqciz yienghneix guh lah.

Gohlimzdoh It 7:40

Hoeng, ciuq gou ma gangj, hauhnaeuz meh de mbouj caiq haq engqgya miz fuk. Gou yienghneix gangj, gou naemj dwg Hoenzsaenz Cangqdiq caemh hawj gou gangj hih.

Majgoj Saw 10:2

Yiengq youq mwnq miz gij vunz gaep haeuj Fazliqcaiq baij he; gyoengqde siengj haih de, couh daeuj sawq de, cam de naeuz: “Guh goengjgvan hih ndaej mbouj ndaej caeuq mehyah bonjfaenh lizvwnh, mbouj aeu mehyah bonjfaenh nej?”

Gohlimzdoh It 7:11

Yiengq, hauhnaeuz liz nex, mbouj ndaej caiq haq haem lo; ij haq cij ndaej dauq haq laeng goeng gaxgonq de boiz. Guh goengjgvan hih caemh mbouj ndaej liz mehyah bonjfaenh.