Gohlimzdoh It 5:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Yiengq, daengz faenhsou doxcomz hih mwhde, aenvih gou caemhdangq caeuq faenhsou youq bang faenhsou, caeuq miz gij rengz bouxcawj raeuz Yehsuh Gihduz caeuq faenhsou youq, faenhsou couh ij hij gij mingzhiq Yehsuh bouxcawj raeuz ma

Gohlimzdoh It 5:4 ပူးပေါင်းရင်းမြစ်များ

Gohlozsih Saw 3:17

Mboujguenj faenhsou guh gijmaz cixnaeuz gangj gijmaz, cungj ij hij gij coh bouxcawj raeuz, caeuq baengh de daeuj docih Cangqdiq Bohmbwn.

Gohlimzdoh Ngeih 13:3

Gou yienghneix guh dwg aenvih faenhsou ij hawj gou cingqmingz gou gangj hih vah dwg Gihduz hawj gou gangj hih. Yiengq daengz gou fad gij vunz miz coih hih mwhde couh ndaej cingqmingz hawj faenhsou lo, aenvih Gihduz guenjgyauq faenhsou mbouj dwg sim'unq, mij banqfaz, hezhej, dauq dwg yiemzgwz miz rengz youqgaenj hih.

Yozhanq Saw 20:23

Faenhsou mienx byawz hih coih, byawz couh ndaej mienx coih lo; faenhsou mbouj mienx byawz hih coih, byawz couh mbouj ndaej mienx coih lo.”

Dezsajloznizgyah Ngeih 3:6

Gak boux beixnuengx hax, seizneix gyoengqraeuz hij gij mingzhiq bouxcawj raeuz Yehsuh Gihduz ma mingqlingq faenhsou: mboujguenj boux beixnuengxlawz laengzlaengz saengjsaengj mbouj guh gijmaz, mbouj soenhsouj gyoengqraeuz soj son hih, faenhsou couh ij liz gyoengqde, mbouj dep gyoengqde.

Majdaiq Saw 16:19

Gou vanzlij ij dawz guek Cangqdiq hih seiz gyau hawj mwngz. Famz dwg mwngz youq lajdeih soj gimqcij hih, caemh dwg Cangqdiq youq gwnzmbwn gaenq gimqcij hih; mwngz youq lajdeih soj hawj hih, caemh dwg Cangqdiq youq gwnzmbwn gaenq hawj hih.”

Hijfuzsoj Saw 5:20

Mboujguenj guxmaz, faenhsou cungj ij hij gij mingzhiq bouxcawj raeuz Yehsuh Gihduz ma docih Cangqdiq, Bohmbwn raeuz.

Gohlimzdoh Ngeih 13:10

Sojhij, domh gou mijyaengz bae faenhsou mwnq, gou couh sien sij fung saenq neix hawj faenhsou, cwnjbiq gou bae faenhsou mwnq, raen faenhsou hih mwhde, mbouj hoj yungh gij gienz bouxcawj raeuz nyok hawj gou mwnq ma yiemzgwz doiq faenhsou—gij gienz neix mbouj dwg yungh ma haih vunz law, dauq dwg yungh ma bang vunz lah.

Geiq Dwzbaijyienz 16:18

De bijlienz geij ngoenz cungj yienghneix hemq, hemq hwj Baujloz cungj roxnginh simnyap ij rai bae. Gajlaeng Baujloz couh veq dauqlaeng ma yug duz fangz mwnq naeuz: “Gou hij Yehsuh Gihduz dih mingzhiq ma mingqlingq mwngz daj gwnz ndang de ok ma!” Baujloz yienghneix naeuz le, duz fangz mwnq couh doq daj gwnz ndang de ok ma lo.

Geiq Dwzbaijyienz 3:6

Danxdaeuz, Bijdwz dauq naeuz: “Gim ngaenz gou cungj mbouj miz, hoeng gou ndaej hawj mwngz gou miz hih, couh dwg gou ij hij gij gienz Mbanj Nazsajlwz vunz Yehsuh Gihduz ma mingqlingq mwngz, mingqlingq mwngz ndwn hwnjdaeuj byaij.”

Majdaiq Saw 28:20

Famz gou soj raengq faenhsou hih, faenhsou cungj ij son gyoengqde, hawj gyoengqde soenhsouj. Faenhsou wnggai rox, gou siengzseiz caeuq sou youq, itcig daengz ciqgyaiq dih ngoenz gatsat de.”

Majdaiq Saw 28:18

Yehsuh raen gyoengqde le, couh byaij bae daengz dangqnaj gyoengqde, doiq gyoengqde naeuz: “Cangqdiq gaenq dawz gwnzmbwn lajdeih sojmiz hih gienz cungj nyok hawj gou lo.

Majdaiq Saw 18:20

aenvih mboujguenj youq mwnqlaw, cijaeu miz song daengz sam boux hij gij mingzhiq gou ma doxcomz hih, gou couh caeuq gyoengqde youq mwnqlaw lo.”

Geiq Dwzbaijyienz 4:30

Caemh gouz mwngz iet gij fawz mwngz okdaeuj yw bingh, caiq gouz mwngz hawj raeuz ndaej hij gij mingzhiq bouxhoiq mwngz Yehsuh ma guh gij geizmiuj hih saeh he hwj ndaej cingqmingz mwngz dih gienzveih gaenq fazveih he.”

Gohlimzdoh Ngeih 2:6

Sojhij gou naeuz faenhsou hax, mbouj caiq fad de haem lo; vunzlai naeuz de, de caemh gaenq souh gaeuq lo.