Gohlimzdoh It 5:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Gou yienghneix naeuz mbouj dwg naeuz ceij lajmbwn sojmiz guh yalw ndaengndwet he, cixnaeuz damsim, coemx vunz aeu doxgaiq, caeuq baiq you he hih vunz law; hauhnaeuz dwg yienghneix nex, faenhsou gaejyungh lix youq aen seiqgyaiq neix lo.

Gohlimzdoh It 5:10 ပူးပေါင်းရင်းမြစ်များ

Gohlimzdoh It 10:27

Sojhij, hauhnaeuz miz gij vunz mbouj sinq Cangqdiq he cingj faenhsou gw haeux, gyoengqde cingj faenhsou gw gijmaz, faenhsou couh gw gijmaz. Mboujyungh rox doenghgij gw mwnq dwg mbouj dwg bwiz goq duz you, mienxndaej faenhsou rox le, couh roxnginh sim mbouj onj.

Gihduz Hawj Vunz Rox 12:9

ngaiz daj gwnzmbwn gveng roengz doem bae lo. Duz lungz neix couh dwg duz fangzvuengz mwnq, caemh dwg heuh Sajdanq hih yaeuh baenx cenz lajmbwn hih duz ngwz laux mwnq lo. De ngaiz gveng roengz doem bae; doenghheij cai de caemh ngaiz gaen gveng roengz doem bae.

Yozhanq It 5:19

Gyoengqraeuz rox, gannaeuz aen seiqgyaiq neix hih vunz cungj dwg ngaiz boux guh doeg guh sieb neix guenjciq lah, hoeng gyoengqraeuz mbouj ngaiz de guenjciq; gyoengqraeuz vanzlij dwg gij vunz Cangqdiq.

Yozhanq It 4:5

Doengh boux neix dwg haeuj lajmbwn hih, sojhij gyoengqde dih yawjfap caemh dwg haeuj lajmbwn hih yawjfap, gij vunz cungj caemh dingq gyoengqde.

Feihlizbij Saw 2:15

Yienghneix couh ndaej hawj faenhsou lauxsaed, mij guh gijmaz loek he, youq aen nienzdaiq doegsieb yalw neix guh gij lwg Cangqdiq mij maz ndaej diudik he, [16a]caemh ndaej youq lajmbwn yienh ok gij saedsaeh hawj vunz miz mingh mwnq, [15b]couh luj ndaundeiq rongh youq gwnzmbwn yienghmwnq rongh. [16b]Yienghneix daengz Gihduz dauq daeuj hih mwhde, gou couh ndaej haenh naeuz gou guh hih hong dwg miz yungh hih, mbouj begbeg nyungj hoengq lo.

Hijfuzsoj Saw 2:2

Mwhde, faenhsou dwg gaen gij vunz aen seiqgyaiq neix guh saeh hih, dwg dingq aen seiqgyaiq neix gaem gienz dang daeuz dih fangzvuengz hih, couh dwg seizneix yungx doenghheij vunz mbouj dingq gij vah Cangqdiq hih Sajdanq lo.

Gohlimzdoh Ngeih 4:4

Doenghheij vunz neix mbouj sinq Gihduz, dwg ngaiz aen ciqgyaiq neix dih cwnz, Sajdanq, loengh hwj sim mazmwnh ra fangz yawj mbouj raen gij rongh gij ndei siuhsiz Gihduz lah. Hoeng, Gihduz couh dwg Cangqdiq dih saeksiengq hah.

Gohlimzdoh It 1:20

Sojhij coengjmingz vunz ij baenzlaw yiengh nej? Fazliz cenhgyah caemh ij baenzlaw yiengh nej? Aen seiqgyaiq neix hih benqlwnq cenhgyah caemh ij baenzlaw yiengh nej? Cangqdiq mbouj dwg gaenq hawj aen seiqgyaiq neix hih coengjmingz bienqbaenz ngawzngad lo haj?

Yozhanq Saw 8:23

Yehsuh dingq gyoengqde yienghneix lwnh le, couh naeuz: “Faenhsou dwg daj lajmbwn daeuj hih, dwg haeuj lajmbwn hih. Hoeng, gou dwg daj gwnz he daeuj hih; gou mbouj haeuj lajmbwn.

Yozhanq It 4:7

Cinhngaiq dih baengzyoux hax, gyoengqraeuz caezgya ij doxaiq, aenvih aiq gij doenj de dwg dajlaeng Cangqdiq daeuj hih. Famz miz aiq hih cungj dwg Cangqdiq dih lwg caemh rox Cangqdiq.

Yozhanq Saw 17:9

“Gou mbouj bang heijvunz gouz mwngz, hoeng, gou dauq bang gij vunz mwngz senj okdaeuj nyok hawj gou he gouz, aenvih gyoengqde baenjlaiz dwg gij vunz mwngz hih.

Yozhanq Saw 17:6

“Mwngz senj hawj gou hih vunz, gou gaenq naeuz hawj gyoengqde ni, hawj gyoengqde rox mwngz lo. Baenjlaiz gyoengqde dwg gij vunz mwngz hih, hoeng, mwngz dawz gyoengqde soengq hawj gou lo; gyoengqde caemh dingq gij vah mwngz hwj.

Yozhanq Saw 15:19

Hauhnaeuz faenhsou dwg haeuj aen seiqgyaiq neix nex, aen seiqgyaiq neix hih vunz gaengjdingq aiq faenhsou. Hoeng, faenhsou mbouj dwg haeuj aen seiqgyaiq neix law, aenvih gou gaenq dawz faenhsou senj okdaeuj lo, sojhij aen seiqgyaiq neix couh dwgcaengz faenhsou lo.

Luqgyah Saw 18:11

Yiengq boux gaep haeuj Fazliqcaiq baij vunz mwnq, de gag ndwn youq mwnq doiq Cangqdiq naeuz: ‘Ox, Cangqdiq hax, gou docih mwngz, aenvih gou mbouj luj heijvunz yienghmwnq, damsim, yaeuh vunz, guhyoux, caemh mbouj luj boux sou ceiq mwnq.

Gohlimzdoh It 5:9

Gaxgonq gou gaenq sij saenq naeuz sou ni goq, naeuz mbouj hawj faenhsou caeuq doengh boux ndaengndwet guh gij yalw he laizvangj lo.

Gohlimzdoh It 5:11

Hoeng, gou seizneix sij saenq hawj faenhsou dih iqswh dwg naeuz, hauhnaeuz miz vunz gag nginhnaeuz bonjfaenh de dwg haeuj gij vunz Gihduz he, hoeng, dauq dwg guh gij ndaengndwet yalw, damsim, baiq you, yug vunz, gw laeuj fiz, coemx vunz, luj doenghgij vunz neix, faenhsou mbouj ndaej caeuq gyoengqde miz laizvangj.