Gohlimzdoh It 4:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Faenhsou naemqnaeuz bonjfaenh gaenq miz raixcaix, fouq raixcaix, leixhaih raixcaix luj ndaej dang vuengz lo, mbouj leix gyoengqraeuz lo. Hoeng, gou dauq muengh faenhsou cingqcaen dwg ndaej dang vuengz hah; yienghmwnq gyoengqraeuz caemh ndaej caeuq faenhsou itheij dang vuengz lo.

Gohlimzdoh It 4:8 ပူးပေါင်းရင်းမြစ်များ

Gihduz Hawj Vunz Rox 5:10

Hawj gyoengqde ndaej bienqbaenz gij vunz aen guek Cangqdiq, Guh boux goengjsae dajbwiz Cangqdiq; Gyoengqde ij youq lajmbwn guh vuengz gaem gienz.

Gyahlahdaiq Saw 6:3

Yiengq, hauhnaeuz miz vunz naemqnaeuz bonjfaenh ak raixcaix rem raixcaix, mbouj haenj yienghneix hih, boux de couh dwg gag yaeuh bonjfaenh; gizsaed de it di cungj mbouj suenq guxmaz.

Gohlimzdoh Ngeih 13:9

Cungjsuenq naeuz gyoengqraeuz mij rengz mij banqfaz, faenhsou dauq miz rengz miz banqfaz, gyoengqraeuz cungj sim'angq, aenvih gyoengqraeuz soj gouz hih cingq dwg muengh faenhsou ndaej youq ndaw lwgra Cangqdiq bienqbaenz ndei liuxliux mij gijmaz ndaej diudik he.

Gohlimzdoh It 5:6

Faenhsou mwnq miz vunz guh gij saeh yalw hih lo, hoeng, faenhsou cungj lij gag haenh bonjfaenh; yienghneix dwg mbouj deng hih. Nanzdauh faenhsou mbouj rox dihdi yauqmuj he couh ndaej fat baenx haujlai mbamienh lo mah?

Gohlimzdoh It 1:5

sawjhawj faenhsou gaiqgaiq cungj fungcuk; goujcaiz hah ciqsiz hah cungj miz raixcaix.

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.

Luqgyah Saw 6:25

“Seizneix miz gw hwj imqaq hih vunz hax, faenhsou satsoq lo, aenvih faenhsou couh ij ngaiz iek lo. “Seizneix riuriu angqangq hih vunz hax, faenhsou satsoq lo, aenvih faenhsou couh ij daej ngwdngwd lo.

Gihduz Hawj Vunz Rox 3:17

Gou caemh rox mwngz gag naeuz: ‘Gou fouqmiz hwx, gaenq fatcaiz lo; gijmaz cungj miz.’ Hoeng, gou naeuz mwngz hax, mwngz gaenhbaenj mbouj rox bonjfaenh mwngz baenxlai camj, baenxlai siliengz, baenxlai gungz, ra cix fangz, cix mij'z buh daenj, loxgenz loxgangh.

Feihlizbij Saw 2:12

Cinhngaiq dih gak boux beixnuengx hax, mwh gou youq faenhsou mwnq hih mwhde, faenhsou cungj dwg dingq gou gaen gou, hoeng, seizneix gou mbouj youq faenhsou mwnq lo; faenhsou engqgya ij dingq gou, caemh wnggai yawjnaek Cangqdiq hwj roengzrengz guh daengz faenhsou ndaej gouq le ndaej ndei liuxliux he,

Feihlizbij Saw 1:27

Hoeng, gizsaed mboujguenj gou baenzlawz, cijaeu faenhsou guh saeh doiq vunz hab Gihduz dih ndei siuhsiz, luj boux sinq Gihduz hih vunz he, yienghneix, mboujguenj gou ndaej mbouj ndaej bae faenhsou mwnq yawj faenhsou cungj mbouj youqgaenj. Cijaeu gou ndaej dingq daengz faenhsou sinqsim gyenhdingq mbouj doeknaiq, [28a]it di cungj mbouj lau dizyinz fanjdeiq, [27b]cungj ndaej caezsim hwj vih sinq Gihduz dih ndei siuhsiz hwj roengzrengz, couh ndaej lo. [28b]Yienghneix couh cingqmingz faenhsou dwg Cangqdiq gouq hih, caemh yienh ok dizyinz gaengjdingq ngaiz satsoq lo.

Gohlimzdoh Ngeih 11:1

Gou muengh faenhsou, cungjsuenq naeuz gou miz di ngawz he, faenhsou cungj ndaej naenxsim nyiuz gou. (Gizsaed gou rox faenhsou doiq gou gaenq gaeuq naenxsim lo.)

Gohlimzdoh It 4:18

Gou rox faenhsou ndaw de miz hih vunz naemqnaeuz gou mbouj bae faenhsou mwnq lo, couh rasang yawj vunz mbouj hwnj rwz.

Geiq Dwzbaijyienz 26:29

Yiengq Baujloz han naeuz: “Mboujguenj vah lai vah noix, gou siengzseiz yiengq Cangqdiq soj gouz hih cungj dwg muengh mwngz caeuq ngoenzneix youq dineix sojmiz hih vunz ndaej luj gou yienghneix dwg Yehsuh dih lwgsae, cijmboujgoq ciengeiz gaej luj gou ngoenzneix mbouj ndaej swqyouz.”

Majdaiq Saw 5:1

Yiengq Yehsuh raen miz baenx haujlai vunz daeuj gaen de le, couh hwnj bya bae. De hwnj bae le, ngamq baex naengh roengzma he, gyoengq lwgsae de couh gvaengz goqbae dep de.