Gohlimzdoh It 4:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Gak boux beixnuengx hax, vih faenhsou hwj gou dawz gou caeuq Yaqbohloz ma guh beijgangj goq, siengj hawj faenhsou ndaej dajlaeng raeuz rox gawq vah neix dih iqswh, couh dwg: “Mbouj ndaej cauhgoq ndaw Singqgingh soj sij hih,” mienxndaej faenhsou gag haenh bonjfaenh naeuz “gou gaen byawzbyawz, gou gaen byawzbyawz,” yienghneix yawjhwnj boux mbouj hwnj boux.

Gohlimzdoh It 4:6 ပူးပေါင်းရင်းမြစ်များ

Gohlimzdoh Ngeih 11:4

aenvih gou rox, hauhnaeuz miz vunz daengz faenhsou mwnq cenzgangj boux mbouj dwg gyoengqraeuz cenzgangj hih Yehsuh, cixnaeuz hawj faenhsou ndaej gij hoenzsaenz faenhsou mijyaengz ndaej goq he, cixnaeuz gangj gij siuhsiz mbouj dwg faenhsou soj sinq hih gij ndei siuhsiz mwnq, faenhsou cungj haenj, cungj mbouj fanjdeiq.

Gohlimzdoh Ngeih 12:19

Gou yienghneix naeuz, faenhsou dwg mbouj dwg naemqnaeuz gyoengqraeuz ngengh ij naeuz bonjfaenh dwg deng hih nej? Gizsaed, gyoengqraeuz gangj hih gij vah neix dwg ciuq haeuj gij vunz Gihduz wnggai gangj hih vah lah, dwg doiq ndaej hwnj Cangqdiq he lah. Gak boux beixnuengx hax, gyoengqraeuz soj guh hih saeh cungj dwg doiq faenhsou miz ik hih.

Gohlimzdoh Ngeih 12:6

Gizsaed, cungjsuenq naeuz gou gag haenh bonjfaenh gou hwjx, caemh mbouj suenq naeuz ngawz hah, aenvih gou gangj hih cungj dwg saedsaeh hih, mboujgoq gou vanzlij dwg mbouj siengj gangj ok bak, mienxndaej vunz daiq yawjhwnj gou lai, cauhgoq gyoengqde daj gwnz ndang gou soj yawjraen hih, soj dingq daengz hih.

Gohlozsih Saw 2:18

Faenhsou caemh mbouj ndaej hawj vunz ep faenhsou bae baiq bouxcai Cangqdiq, haed faenhsou hawj faenhsou cang gungz cang ndangj, cang yaqyuij yawj mbouj hwnj ra, yienghneix hwj ingjyangj faenhsou mbouj hawj faenhsou ndaej daengz Cangqdiq dih cangjbyimj. Doenghheij vunz neix cungj haenj gag cej naeuz bonjfaenh ndaej raen Cangqdiq yienh hawj gyoengqde raen geizmiuj gingjdoengh hih saeh. Gyoengqde dih yawjfap cungj dwg aen seiqgyaiq neix dih yawjfap, cungj dwg naemqnaeuz bonjfaenh ak raixcaix, rem raixcaix.

Dezsajloznizgyah It 1:5

aenvih gyoengqraeuz dawz gij ndei siuhsiz Cangqdiq cenz daengz faenhsou mwnq, doiq faenhsou ma gangj mbouj danhcij dwg aeu bak ma gangj, vanzlij dwg aeu gij rengz Hoenzsaenz Cangqdiq ma gangj. Gij ndei siuhsiz neix ndaej hawj faenhsou cibcukcib dih sinq. Faenhsou caemh rox gyoengqraeuz youq faenhsou mwnq vih faenhsou hwj baenzlaw doiq vunz,

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.

Gohlimzdoh Ngeih 10:7

Yiengq gangj daengz doenghheij yawj vunz guh saeh he, hauhnaeuz miz vunz naemqnaeuz caenhgag bonjfaenh de cij suenq dwg haeuj Gihduz hih, de couh wnggai caiq ngeixngeix yawj: gyoengqraeuz caemh caeuq de doxdoengz suenq dwg haeuj Gihduz hih hah.

Gohlimzdoh Ngeih 4:15

Gizsaed, sojmiz hih cungj dwg vih faenhsou, hawj faenhsou ndaej miz ik, sawj engqgya miz vunz lai ndaej daengz Cangqdiq dih bangcoh, engqgya miz vunz lai docih Cangqdiq, sawj sojmiz najrongh hih cungj dwg gvi hawj Cangqdiq.

Gohlimzdoh It 8:1

Gou seizneix ij gangjgangj gij vunz Cangqdiq ndaej mbouj ndaej gw doenghgij bwiz goq duz you he. Gangj daengz gij saeh neix, gyoengqraeuz bouxboux cungj naemqnaeuz miz gij ciqsiz neix, hoeng, gou naeuz hax, miz ciqsiz dwg hawj vunz gag naemqnaeuz bonjfaenh cungj rem raixcaix he lah; gizsaed caenhgag miz aiqsim cij cingqcaen dwg rem raixcaix, cij ndaej hawj vunz miz ik.

Gohlimzdoh It 5:6

Faenhsou mwnq miz vunz guh gij saeh yalw hih lo, hoeng, faenhsou cungj lij gag haenh bonjfaenh; yienghneix dwg mbouj deng hih. Nanzdauh faenhsou mbouj rox dihdi yauqmuj he couh ndaej fat baenx haujlai mbamienh lo mah?

Gohlimzdoh It 3:19

aenvih aen seiqgyaiq neix nginhnaeuz coengjmingz hih, youq ndaw lwgra Cangqdiq dauq suenq dwg ngawz hih, cingq luj ndaw Singqgingh ndaw de sij miz naeuz: Cangqdiq hawj boux coengjmingz he gag caij daengqgyauz hau raeuj.

Dizmohdaiq Ngeih 2:10

Vih yienghneix, gou nyienh'eiq vih gij vunz Cangqdiq senj okdaeuj he hwj souh sojmiz hih nanh, hawj gyoengqde ndaej sinq Yehsuh Gihduz hwj ndaej gouq caeuq ndaej seiqseiz najrongh.

Gohlimzdoh Ngeih 10:15

Gyoengqraeuz haenh hih, caenhgag haenh gyoengqraeuz soj guh daengz hih lah. Heijvunz guh hih, gyoengqraeuz mbouj gamj dawz ma dangq dwg bonjfaenh guh hwj haenh nej. Hoeng, gyoengqraeuz muengh faenhsou sinq Gihduz hih sim engqgya gyenhdingq, yienghmwnq couh ndaej hawj gyoengqraeuz engqgya ndaej youq Cangqdiq soj dingh hih, ndaej youq faenhsou mwnq dawz gij ndei siuhsiz Cangqdiq cenz roengzbae.

Gohlimzdoh Ngeih 10:12

Danghyienz, gyoengqraeuz mbouj gamj caeuq doenghheij gag cej gag haenh bonjfaenh hih vunz doxbeij lo. Gyoengqde gag aeu bonjfaenh ma dag bonjfaenh, gag beij bonjfaenh, gag maezgae bonjfaenh; gou naeuz hax, luj doengh cungj vunz neix, saedsaed saehsaeh gaeuq ngawz huh.

Gohlimzdoh It 13:4

Miz aiq, doiq vunz couh rox naenxsim, rox hojsik, mbouj rox rahoengz, mbouj gag haenh bonjfaenh, mbouj rasang.

Gohlimzdoh It 9:23

Gou soj guh hih cungj dwg vih ij cenzgangj Cangqdiq dih ndei siuhsiz hwj guh hih, vih ij ndaej caeuq vunz doxdoengz ndaej yangjcouq gij ndei siuhsiz Cangqdiq dih ndeicawq lah.

Gohlimzdoh It 5:2

Hoeng, faenhsou vanzlij daekeiq vaujvauq, dauq mij vih miz cungj saeh neix hwj simnyap, mij dawz boux guhyoux yalw neix boenq ok gyauqveiq bae.

Gohlimzdoh It 3:21

Sojhij mboujguenj byawz, cungj mbouj ndaej caiq gag haenh bonjfaenh dwg gaen byawz, haeuj byawz; gizsaed sojmiz hih cungj dwg faenhsou hih,

Gohlimzdoh It 1:31

Cingq luj ndaw Singqgingh ndaw de sij naeuz: Ij haenh, couh wnggai haenh Cangqdiq.

Gohlimzdoh It 1:19

Couh luj ndaw Singqgingh ndaw de soj sij naeuz hih: Gou ij byaeu doenghgij vunz gag naemqnaeuz bonjfaenh rem raixcaix hih gij rem de, ij cawz doenghheij gag naemqnaeuz bonjfaenh coengjmingz hih gij coengjmingz de.

Gohlimzdoh It 1:12

Dineix gou gangj hih iqswh dwg naeuz gou dingqri naeuz faenhsou ndaw de miz hih vunz naeuz: “Gou dwg gaen Baujloz he,” miz hih vunz naeuz: “Gou dwg gaen Yaqbohloz he,” caemh miz hih vunz naeuz: “Gou dwg gaen Bijdwz he,” caemhcaiq miz hih vunz naeuz: “Gou dwg gaen Gihduz he.”

Geiq Dwzbaijyienz 18:24

Baujloz daj Hijfuzsoj ok ma le, miz boux Youzdaiq vunz heuh Yaqbohloz he daeuj daengz Hijfuzsoj. De dwg youq Yaqlizcanhdaq Singz seng he; de miz ndaek dungx saw he, goujcaiz caemh rem raixcaix. De doiq Singqgingh cungj cienfanh sugseg he.

Geiq Dwzbaijyienz 19:1

Mwh Yaqbohloz cungj lij youq Gohlimzdoh Singz hih mwhde, Baujloz byaij bae daengz Hijfuzsoj, youq mwnq roeb daengz geij boux lwgsae.

Gohlimzdoh Ngeih 12:20

Hoeng, gou vanzlij dwg you gou caiq bae faenhsou mwnq, raen faenhsou vanzlij dwg mij ciuq gou soj muengh hih yienghmwnq bae gaijgoq, yienghneix gou couh mij hab faenhsou soj muengh hih. Caemh vanzlij you raen faenhsou vanzlij mbouj doxhuz, rahoengz, aeuqheiq, faen banghbaij, bangjlaih, gangj vunz vaihvah, rasang, luenh nauhsaeh.