Gohlimzdoh It 4:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Sojhij faenhsou cungj mbouj ndaej youq bouxcawj raeuz mijyaengz dauq daeuj cihsenz gag luenh bingz vunz. Daengj daengz de dauq daeuj mwhde, de swhmboujyienz byoq gij miqmiz vunz, loh ok vunz dih siengjfap. Daengz mwhmwnq, Cangqdiq gaengjdingq ciuq gak vunz boiqndaej haenh hih ma haenh.

Gohlimzdoh It 4:5 ပူးပေါင်းရင်းမြစ်များ

Yajgoz Saw 5:7

Gak boux beixnuengx hax, faenhsou ij naenxsim daengj bouxcawj raeuz Yehsuh dauq daeuj. Hawjm'z yawj hux, nungzminz dwg hozraez naenxsim hih; gyoengqde itcig daengj daengz seizcwn seizcou miz fwnraemx doek, doek hawj ndaw reihnaz doengh go haeuxmienh ndaej ok riengz, ndaej sou.

Gohlimzdoh Ngeih 5:10

aenvih mboujguenj baenzlawz, gyoengqraeuz daixgya cungj ij miz ngoenz he ndwn youq dangqnaj Gihduz, ngaiz de saemjbuenq, caemh dwg ciuq gak vunz soj guh hih ma saemjbuenq gak vunz, ndei hih hawj vunz ndei, rwix hih bauqwngq dawz.

Gohlimzdoh It 3:13

daengz mwhde swhmboujyienz loh okdaeuj, aenvih daengz ngoenz saemjbuenq vunz lajmbwn hih ngoenz mwnq dwg daiq miz feiz he; gij feiz neix dwg ndaej yienh ok gak vunz soj dab guh hwnq hwnjbae hih dauqdaej dwg baenzlaw yiengh.

Hihbwzlaiz Saw 4:13

Sojmiz cauh okdaeuj hih mij saek yiengh ndaej baex goq lwgra Cangqdiq; cungj dwg loh langxlangh youq dangqnaj de. Gyoengqraeuz soj guh hih cungj ij yiengq de gyauhdaiq.

Gohlimzdoh Ngeih 10:18

Aenvih cingqcaen boiqndaej haenh hih dwg gij vunz bouxcawj raeuz soj haenh hih lah, mbouj dwg doenghheij vunz gag cej gag haenh bonjfaenh hih law.

Lozmaj Saw 2:16

Yiengq couh dwg daengz Cangqdiq dunghgoq Yehsuh Gihduz daeuj saemjbuenq vunz, couh dwg saemjbuenq gij saeh yo youq ndaw sim vunz hih ngoenz mwnq, gij neix cungj dwg luj gou soj cenz hih ndei siuhsiz.

Lozmaj Saw 2:1

Sojhij gou naeuz faenhsou hax, mboujguenj mwngz dwg byawz, bingzbuenq vunz hih, mwngz cungj dwg mbouj deng, dwg mbouj ndaej nyiuz hih, aenvih bonjfaenh mwngz caemh caeuq vunz guh doxdoengz hih, wnggai fad hih. Yiengq, hauhnaeuz mwngz yienghmwnq naeuz nex, caemhdangq mwngz gag dingh coih hawj bonjfaenh mwngz lo.

Gihduz Hawj Vunz Rox 20:12

Gajlaeng, gou caiq yawjraen miz vunzrai, mboujguenj boux dang ak, cixnaeuz boux mij dang saek yiengh yaqyuij he, cungj ndwn youq dangqnaj aen lungzeij mwnq, caemh raen miz geij gienj saw hoi hwj, caemhcaiq raen miz daixlingh gienj ndaw de sij miz gij coh doengh boux ndaej lix he, dwg bonjbouh miz mingh he; gienj de caemh hoi hwj. Yiengq gij vunz gaenq rai he hih gij vunz neix, Cangqdiq cungj ciuq gyoengqde soj guh hih sij youq ndaw gienj saw hih ma saemjbuenq gyoengqde.

Bijdwz It 1:7

Faenhsou souh daengz gaujniemq dih muzdiz dwg ij cingqmingz faenhsou sinq Gihduz hih sim dwg cingqcaen, dwg beij gij gim dunghgoq feiz ma dizlenq okdaeuj hoeng vanzlij rox vaih hih, vanzlij dijbauj lah; yienghneix faenhsou daengz mwh Yehsuh Gihduz dauq daeuj hih mwhde, faenhsou couh ndaej haenh, ndaej najrongh, ndaej hawj vunz soenhcungq faenhsou lo.

Gohlimzdoh Ngeih 4:2

gaengjdingq mbouj guh doenghgij saetnaj saetnyaenq mij'z naj doiq vunz he, mbouj coemx vunz yaeuh vunz, mbouj doeng gaij sae gaij gij vah Cangqdiq lo, dauq dwg guh gij doiq ndaej hwnj Cangqdiq he hwj mingzmingz begbeg hih dawz gij saedsaeh Cangqdiq cenzgangj naeuz vunz ni, yienghneix hwj hawj vunz gag naemjnaemj yawj deng mbouj deng.

Lozmaj Saw 14:4

Hauhnaeuz miz byawz naeuz vunz, yiengq boux de wnggai gag ngeixngeix yawj: bonjfaenh mwngz dwg byawz, gingqyienz gamj naeuz bouxhoiq vunz? De hab mbouj hab, swhmboujyienz miz bouxcawj de naeuz de. Gizsaed de gaengjdingq ndaej gaeuqgwz, aenvih Cangqdiq sawjhawj de gaeuqgwz.

Yozhanq Saw 5:44

Faenhsou caenhrox yawjnaek doxhaenh, dauq mbouj dawz haeuj rwz boux caencwnz mwnq haenh mbouj haenh faenhsou; yiengq ij baenzlaw bae sinq gou nej?

Yajgoz Saw 4:11

Gak boux beixnuengx hax, faenhsou mbouj ndaej youq boihlaeng gangj vunz vaihvah. Hauhnaeuz byawz naeuz beixnuengx cixnaeuz youq boihlaeng gangj beixnuengx vaihvah hih, couh dangq naeuz gij fazliz hawj raeuz aiq vunz caemh ij luj aiq bonjfaenh hih diuz gveihdingq neix loek lo. Yiengq, hauhnaeuz faenhsou naeuz fazliz mbouj deng, couh dwg naeuz faenhsou yawj mbouj hwnj fazliz, mbouj ciuq fazliz bae guh lo.

Luqgyah Saw 6:37

“Faenhsou caemh gaejyungh lwnh naeuz vunz dwg vunz ndei vunz yak, yienghmwnq faenhsou caemh mbouj ngaiz Cangqdiq naeuz faenhsou lo; caemh mbouj ndaej dingh coih hawj vunz, yienghmwnq faenhsou caemh mbouj ngaiz Cangqdiq dingh coih hawj faenhsou lo. Faenhsou ij rox nyiuz vunz, yienghmwnq Cangqdiq caemh nyiuz faenhsou lo.

Majdaiq Saw 24:46

Bouxcawj de ma le, caemh raen de ciuq de raengq hih yienghmwnq bae guh hih. Luj yienghneix hih hoiq couh miz fuk lo.”

Gihduz Hawj Vunz Rox 1:7

Gou naeuz sou ni, cenz lajmbwn sojmiz hih vunz cungj ij yawjraen de caeuq gij fwj daj gwnzmbwn roengz daeuj, daiqlienz ndaemq de hih vunz cungj ij yawjraen de. De daeuj hih mwhde, lajmbwn sojmiz hih minzcuz cungj siengsim gikheiq hwj daej. Doenghgij saeh neix gaengjdingq ij fatseng. Ahmaenz.

Bijdwz It 5:4

Yienghneix daengz Cangqdiq dih boux ciengxyiengz daeuzdaeuz, Yehsuh Gihduz, yienh okdaeuj hih mwhde, faenhsou gaengjdingq ndaej daengz gij cangjbyimj rongh sagsag yungjyenj mbouj rox gaeuq mbouj rox vaih he.

Dezsajloznizgyah It 5:2

aenvih faenhsou gaenq rox, bouxcawj raeuz dauq daeuj hih mwhde, caenh luj bouxcaeg yienghmwnq sawqmwh singjngwnz daeuj daengz.

Yozhanq Saw 21:22

Yehsuh dingq le, han de naeuz: “Mwngz ij cam ma guh gijmaz nex? Hauhnaeuz gou ij hawj de daengj daengz gou dauq daeuj hih mwhde, cix ij gvan maz mwngz saeh nej? Mwngz caenhrox gaen gou sat lo.”

Bijdwz Ngeih 3:4

naeuz: “Yehsuh mbouj dwg baujcingq goq ij dauq daeuj maz; de youq mwnqlaw? Cojgoeng raeuz gaenq rai lo, hoeng, sojmiz hih mbouj dwg cungj dwg caeuq ngamq cauh mbwn cauh deih hih doxdoengz maz?”

Majdaiq Saw 25:23

“Bouxcawj dingq le, caemh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Youzdaq Saw 1:14

Doengh cungj vunz neix, Yaqdangh dih daixcaet daih lan, Hijnoz, gaenq cenz gij vah Cangqdiq naeuz goq naeuz: Yawj veiq, bouxcawj daiq ciencien fanhfanh bouxcai de caeuq de itheij daeuj!

Bijdwz Ngeih 3:12

muengh daengj daengz ngoenz Cangqdiq dingh hih ngoenz mwnq, aenvih ngoenz mwnq Cangqdiq gaengjdingq ij hawj aen mbwn daiqlienz aen mbwn gwnz de sojmiz hih cungj ij ngaiz feiz gyemz byaeu liux yungz liux siu liux.

Gohlimzdoh It 15:23

Cijmboujgoq ij daengj lwnz daengz le, cij ndaej dauqlix: Gihduz dwg daixit boux dauqlix, gajlaeng daengj daengz de dauq daeuj hih mwhde, gij vunz sinq de he cij ndaej dauqlix.

Gohlimzdoh It 11:26

Sojhij gou naeuz faenhsou, faenhsou moix it mbat yienghneix gw bingj gw cenj laeuj neix hih, couh dwg ij hawj vunz rox bouxcawj raeuz vih raeuz hwj ngaiz rai hih; faenhsou ij itcig yienghneix guh daengz bouxcawj raeuz dauq daeuj hih ngoenz mwnq.

Gohlimzdoh It 1:7

Sojhij faenhsou youq daengj bouxcawj raeuz Yehsuh Gihduz dauq daeuj hih mwhde, mboujguenj guxmaz cungj mbouj noix Hoenzsaenz Cangqdiq soj nyok hawj hih.

Lozmaj Saw 2:7

Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

Majdaiq Saw 24:30

Daengz mwhmwnq, vunz ij raen gou, Vunz dih Daiqbiuj, ij dauq daeuj dih gij gingjdoengh he yienh youq gwnzmbwn; lajmbwn gij vunz ij daej ngwdngwd. Gajlaeng, gyoengqde caemh ij raen gou, Vunz dih Daiqbiuj, rongh sagsag myig myiengzmyiengz, cienfanh miz vi miz rengz he hwj caeuq gij fwj daj gwnzmbwn roengz daeuj.

Gohlimzdoh It 3:8

Boux ndaem he caeuq boux dwk raemx he cungj dwg doxdoengz, caemh dwg ciuq gak vunz soj guh hih ma ndaej hih lah,

Majdaiq Saw 25:21

“Bouxcawj dingq le, couh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Majdaiq Saw 10:26

Yehsuh vanzlij caiq naeuz: “Gou seizneix sien naeuz sou ni doenghgij saeh neix; faenhsou gaejyungh lau doenghgij vunz ij haih faenhsou he, aenvih Cangqdiq yo gijmaz hwnjdaeuj hih, swhmboujyienz miz ngoenz he de gaengjdingq hawj vunz rox hih, couh dwg naeuz de miz gijmaz miqmiz, de cungj hawj vunz rox.

Yozhanq Saw 21:23

Couh vih yienghneix, gajlaeng youq ndaw gyoengq lwgsae ndaw de cungj cenz naeuz boux lwgsae mwnq mbouj rox rai. Gizsaed, Yehsuh gaenhbaenj mbouj dwg naeuz de mbouj rox rai, dwg naeuz: “Hauhnaeuz gou hawj de daengj daengz gou dauq daeuj hih mwhde, cix ij caeuq mwngz miz maz gvanhaeh nex?” gawq neix lah.

Gohlimzdoh It 3:14

Yiengq, hauhnaeuz byawz dab guh hwnq hwnjbae dingx ndaej feiz coemh nex, de couh ndaej cangjliq lo.

Gohlimzdoh It 11:16

Yiengq, hauhnaeuz miz vunz doxeuq gij saeh goemq mbouj goemq raeuj neix nex, gou caenhgag ndaej naeuz gyoengqraeuz caeuq gizdah gyauqveiq cungj dwg yienghneix yawjfap hih.

Yajgoz Saw 5:9

Gak boux beixnuengx hax, gaejyungh boux ienq boux lo, mienxndaej faenhsou ngaiz saemjbuenq. Hawjm'z yawj lux, boux saemjbuenq vunz hih couh ndwn youq bakdou faenhsou lo.

Gohlimzdoh Ngeih 10:9

Gou yienghneix naeuz dwg muengh faenhsou gaejyungh naemqnaeuz gou sij saenq haep faenhsou,