Gohlimzdoh It 4:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Gyoengqraeuz vih Gihduz hwj ngaiz vunz yawj dangq dwg vunz ngawz he, hoeng, faenhsou dauq ndaej hawj vunz yawj faenhsou dangq dwg Gihduz hih boux coengjmingz he. Gyoengqraeuz ngaiz vunz yawjngawz, mij bonjsaeh. Hoeng, faenhsou nej? Faenhsou dauq dwg hawj vunz yawjdij, dwg vunz rem he.

Gohlimzdoh It 4:10 ပူးပေါင်းရင်းမြစ်များ

Gohlimzdoh It 2:3

Hoeng, mwh gou bae daengz faenhsou mwnq hih mwhde, gou cungj simvueng ij rai bae, gou lau gou cenz mbouj deng, gangj mbouj deng.

Geiq Dwzbaijyienz 26:24

Baujloz yienghneix baij dauhleix le, Feihswhduh couh hemq hwnjdaeuj naeuz: “Baujloz! Mwngz vangh lo maz! Dwg mbouj dwg ndaek dungx saw mwngz daiq lai lai lo, hawj mwngz fatmwnh lo.”

Geiq Dwzbaijyienz 17:18

Yiengq caemh miz Hijbijgujloz caeuq Swhdohyaq song aen baij neix hih lauxsae caeuq de doxeuq. Miz mbangj hih vunz naeuz: “Ndaek vunz ndaekn'x luenhbangh gangj samjciengz! Gangj gijmaz nex?” Miz mbangj hih vunz naeuz: “De cenz gij fangzfangz gveijgveij vaihguek he.” Gyoengqde yienghneix naeuz dwg aenvih Baujloz youq mwnq cenzgangj Yehsuh caeuq ndaej dauqlix dih gij siuhsiz neix.

Bijdwz It 4:14

Sojhij, hauhnaeuz faenhsou vih gaen Gihduz hwj ngaiz vunz yug, ngaiz vunz yawjngawz hih, faenhsou couh miz fuk lo, aenvih yienghneix couh dwg naeuz veijdaq dih Hoenzsaenz Cangqdiq doz youq gwnz ndang faenhsou lo.

Gohlimzdoh Ngeih 13:9

Cungjsuenq naeuz gyoengqraeuz mij rengz mij banqfaz, faenhsou dauq miz rengz miz banqfaz, gyoengqraeuz cungj sim'angq, aenvih gyoengqraeuz soj gouz hih cingq dwg muengh faenhsou ndaej youq ndaw lwgra Cangqdiq bienqbaenz ndei liuxliux mij gijmaz ndaej diudik he.

Gohlimzdoh It 3:18

Gou naeuz sou ni hax, sou gaejyungh caiq gag yaeuh bonjfaenh, gag naemqnaeuz bonjfaenh dwg aen seiqgyaiq neix hih coengjmingz hih vunz haem lo. Ciuq gou ma gangj hax, faenhsou vanzlij dwg gag yawj bonjfaenh dangq dwg vunz ngawz suenq lo, yienghneix faenhsou cij ndaej cingqcaen suenq dwg coengjmingz vunz,

Dezsajloznizgyah It 4:8

Sojhij mboujguenj byawz yiem ciuq gij cawjeiq neix hih, cungj dwg yiem nyok Hoenzsaenz hawj raeuz dih Cangqdiq, dauq mbouj dwg yiem vunz dih cawjeiq.

Gohlimzdoh Ngeih 11:29

Yiengq, hauhnaeuz miz vunz doeknaiq, sinqsim mbouj gaeuq, gou bang de, gou mbouj naet mah? Hauhnaeuz vunz ngaiz vunz yaeuh guh loek, famh coih, gou mbouj vih de hwj simgaenj mah?

Gohlimzdoh Ngeih 11:19

Faenhsou cungj naemqnaeuz bonjfaenh faenhsou coengjmingz raixcaix, ndaej hozraez dingq vunz ngawz gangj vah,

Gohlimzdoh Ngeih 10:10

aenvih faenhsou mwnq miz vunz naeuz: “Gaejyungh lau de; gannaeuz de sij saenq gangj hih vah ak raixcaix lah, hoeng, yawj boux vunz de it di cungj mbouj ak, itbanhbanh lah, gangj vah cix ngawz.”

Gohlimzdoh It 10:12

Sojhij, byawz naemqnaeuz bonjfaenh ndwn ndaej gaenj hih, byawz couh ij siujsim, mienxndaej ngaiz laemx.

Gohlimzdoh It 4:8

Faenhsou naemqnaeuz bonjfaenh gaenq miz raixcaix, fouq raixcaix, leixhaih raixcaix luj ndaej dang vuengz lo, mbouj leix gyoengqraeuz lo. Hoeng, gou dauq muengh faenhsou cingqcaen dwg ndaej dang vuengz hah; yienghmwnq gyoengqraeuz caemh ndaej caeuq faenhsou itheij dang vuengz lo.

Gohlimzdoh It 3:2

Sojhij, gou son faenhsou, couh dangq luj aeu gij unq gij cuk he ma hawj faenhsou gw, mij dwg aeu gij gyeng he ma hawj faenhsou gw law, aenvih gij gyeng he faenhsou gw mbouj ndaej. Gou gangj lauxsaed vah, gizsaed seizneix faenhsou vanzlij ciuqyiengh dwg gw mbouj ndaej.

Gohlimzdoh It 2:14

Hoeng, doenghheij mbouj miz Hoenzsaenz Cangqdiq he, gyoengqde yiem Hoenzsaenz Cangqdiq soj hawj vunz rox hih gij saedsaeh mwnq, aenvih doenghheij vunz neix nginhnaeuz gij saedsaeh neix dwg mazmwnh he; gyoengqde gaenhbaenj mbouj rox, aenvih gij saedsaeh neix dwg Hoenzsaenz Cangqdiq cij ndaej hawj vunz rox faenbied he.

Geiq Dwzbaijyienz 17:32

Gyoengq vunz baex dingq daengz Baujloz gangj naeuz vunzrai ndaej dauqlix gij saeh neix le, couh miz vunz riu de yaengh de, caemh miz hih vunz naeuz: “Raeuz vanzlij ijsiengj dingq mwngz gangj gij saeh neix haem.”

Geiq Dwzbaijyienz 9:16

Gou caemh ij hawj de rox vih gou hwj ngaiz souh daengz geijlwh nanh.”

Luqgyah Saw 18:9

Miz baez he, Yehsuh yungh gij beijgangj he ma doiq doengh boux gag naemqnaeuz bonjfaenh youq ndaw lwgra Cangqdiq dwg boux simndei simsoh hih vunz, cix yawj vunz mbouj hwnj he naeuz:

Luqgyah Saw 10:16

Yehsuh vanzlij caiq doiq gyoengq lwgsae de naeuz: “Byawz dingq faenhsou hih, caemhdangq dingq gou lo; mbouj dingq faenhsou hih caemhdangq mbouj dingq gou; mbouj dingq gou hih caemhdangq mbouj dingq boux baij gou daeuj he lo.” Couh yienghneix, gyoengq lwgsae de dingq de gangj sat doenghgij vah neix le, couh ok bae lo.

Luqgyah Saw 6:22

“Vih gou, Vunz dih Daiqbiuj hwj ngaiz vunz haenq faenhsou, mbouj caeuq faenhsou doxndei, yiem faenhsou, riu faenhsou, naeuz faenhsou dwg vunz vaih hih, faenhsou miz fuk lo,

Majdaiq Saw 24:9

“Daengz mwhde, faenhsou ij ngaiz vunz gaemh dawz gyau hawj vunz, ngaiz vunz haihrai, youhcaiq vih gou hwj ngaiz sojmiz hih minzcuz haenq.

Majdaiq Saw 5:11

Hauhnaeuz vih gou hwj ngaiz vunz yug, ngaiz vunz haih, ngaiz vunz luenhbangh bangjlaih hih, faenhsou couh miz fuk lo.

Gohlimzdoh It 1:21

Caenhgag Cangqdiq cij dwg cingqcaen coengjmingz he; de itmienh hawj aen seiqgyaiq neix hih vunz mij banqfaz dunghgoq gij coengjmingz bonjfaenh ma rox de, itmienh dunghgoq gyoengqraeuz soj cenz hih, couh dwg ciuq aen seiqgyaiq neix hih vunz ma yawj suenq dwg mazmwnh hih gij siuhsiz neix, ma gouq doenghheij sinq Yehsuh hih vunz.

Gohlimzdoh It 1:23

hoeng, gyoengqraeuz soj cenzgangj hih cingq dwg Gihduz ngaiz ding hwnj gwnz gyaq cixcib bae rai hih gij saeh neix lah. Gij saeh neix, aeu gij vunz Youzdaiq ma yawj, dwg daekcoih gyoengqde he; aeu gij vunz Hihlaz ma yawj, dwg haeuj gij mazmwnh he.

Gohlimzdoh It 1:25

aenvih gij coengjmingz vunz cungj ciet mbouj ndaej gij “ngawz” Cangqdiq, gij rengz vunz caemh ciet mbouj ndaej gij rengz lwgfawzgungz Cangqdiq.

Gohlimzdoh Ngeih 6:8

Gyoengqraeuz mboujguenj vunz soenhgingq cixnaeuz vunz yawjngawz, mboujguenj ngaiz vunz bangjlaih cixnaeuz vunz haenh, cungj dwg caensim swqhaeuh Cangqdiq hih. Gyoengqraeuz dwg saedsaeh hih, hoeng, vunz dauq naeuz raeuz gyaj hih.

Gohlimzdoh Ngeih 4:12

Couh dwg naeuz ciuq yienghneix ma gangj, rai dwg gyoengqraeuz dingx; lix dwg faenhsou ndaej.