Gohlimzdoh It 3:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Gizsaed Yaqbohloz suenq guxmaz nex? Baujloz caemh suenq guxmaz nex? Gyoengqraeuz cijmboujgoq dwg bouxhoiq Cangqdiq hwj mah, dwg ciuq bouxcawj raeuz soj raengq hih yienghmwnq ma son vunz, daiq vunz, hawj vunz sinq bouxcawj raeuz Yehsuh Gihduz hwj mah.

Gohlimzdoh It 3:5 ပူးပေါင်းရင်းမြစ်များ

Gohlimzdoh Ngeih 6:4

Dauqfanj gyoengqraeuz soj guh hih cungj dwg yienh ok gyoengqraeuz dwg bouxhoiq Cangqdiq. [4c]Gyoengqraeuz mboujguenj roeb daengz gijmaz nanh, haemzhoj, gungz, [5]ngaiz vunz doh, ngaiz vunz gyaeng, ngaiz vunz nauh luenh, ngaiz guh hong dwgrengz sinhoj, ngaiz mbouj ndaej ninz, ngaiz iek, [4b]gyoengqraeuz cungj naenxsim roengzbae.

Gohlimzdoh Ngeih 6:1

Gyoengqraeuz dwg caeuq Cangqdiq itheij guh hong hih; gyoengqraeuz miz gienz naeuz faenhsou. Faenhsou mbouj ndaej mbouj leixlangh Cangqdiq doiq faenhsou dih haijliengh,

Bijdwz It 4:10

Faenhsou gak vunz cungj ndaej daengz Cangqdiq nyok hawj hih bonjsaeh, cijmboujgoq gak vunz ndaej hih mbouj doxdoengz; faenhsou ij ciuq Cangqdiq soj nyok hawj hih bae doxbang.

Gohlimzdoh Ngeih 3:6

De hawj gyoengqraeuz ndaej guh boux cenz gij baujcingq lienz diuzgyenq moq de naeuz vunz ni. Gij baujcingq lienz diuzgyenq moq neix mbouj dwg sij youq ndaw saw dih fazliz, dauq dwg Hoenzsaenz Cangqdiq dingh hih. Sij youq ndaw saw dih fazliz dwg hawj vunz ngaiz rai hih, hoeng, Hoenzsaenz Cangqdiq dingh hih dwg hawj vunz ndaej lix hih.

Gohlimzdoh Ngeih 11:23

Miz vunz gag naeuz bonjfaenh de dwg bouxhoiq Gihduz nex, gou gamj naeuz gou engqgya dwg. (Ox, gou caenh lujnaeuz fatvangh hoh nwih, gingqyienz gag haenh bonjfaenh lah.) Gou beij gyoengqde guh hong engqgya dwgrengz, engqgya lai ngaiz gyaeng haeuj ndaw lauz bae, engqgya ngaiz vunz doh, engqgya ngaiz ij rai senxsenx.

Gohlimzdoh Ngeih 4:7

Hoeng, gyoengqraeuz cijmboujgoq dwg aen batvax yaez he hih lah; Cangqdiq dauq dawz gij dijbauj de couh dwg gij rongh de coux youq ndaw de hwj. Gij dijbauj neix dwg yienh ok Cangqdiq dih bonjsaeh akak rengzrengz lah; mbouj dwg yienh ok gij bonjsaeh raeuz law.

Gohlimzdoh Ngeih 4:5

Gyoengqraeuz soj cenzgangj hih mbouj dwg cenzgangj gyoengqraeuz bonjfaenh nej; dwg cenzgangj Yehsuh Gihduz dwg bouxcawj hih lah. Vih Yehsuh Gihduz hwj, gyoengqraeuz bienqbaenz bouxhoiq faenhsou,

Gohlimzdoh Ngeih 3:3

Faenhsou mingzmingz dwg Gihduz dih cingqmingz, dwg dunghgoq gyoengqraeuz ma sij hih. Mbouj dwg yungh maeg ma sij, cix mbouj dwg sij youq gwnz rin, dauq dwg Hoenzsaenz seiqseiz lix dih Cangqdiq sij youq ndaw sim hih lah.

Gohlimzdoh It 3:10

Gou dwg baengh Cangqdiq nyok hawj gou dih bonjsaeh hwj ndaej luj boux gyenqcuzswh yienghmwnq coengjmingz he, ndaej roengz ndei hauxranz, hawj vunz ndaej youq gwnz de dab hwnq hwnjbae. Hoeng gak vunz ijaeu siujsim cij ndaej baenzlaw youq gwnz de dab hwnq hwnjbae.

Gohlimzdoh It 12:28

Cangqdiq youq gwnz ndang Gihduz, couh dwg youq ndaw gyauqveiq, de yienghneix laeb: daixit dwg dwzbaijyienz, daixngeih dwg boux cenz gij vah de, daixsam dwg gyauqveiq dih lauxsae, gajlaeng cij daengz guh doenghgij geizmiuj he, caiq gajlaeng daengz rox yw bingh he, vanzlij miz rox bang vunz he, guenj gizdah saeh he, rox gangj cungj vah Hoenzsaenz Cangqdiq nyok hawj vunz gangj he.

Gohlimzdoh It 9:17

Yiengq, hauhnaeuz dwg gou nyienh'eiq cenz hih, gou couh ndaej cangjliq lo. Hoeng, mboujguenj baenzlawz, cungj dwg Cangqdiq gyau hawj gou, dwg gou dih yimqmuq.

Gohlimzdoh It 3:7

Yiengq, ciuq yienghneix ma gangj, boux ndaem he caeuq boux dwk raemx he cungj mbouj suenq guxmaz; caenhgag Cangqdiq cij suenq guxmaz lah, aenvih dwg de hawj sojmiz hih ndaej hwnj.

Yozhanq Saw 3:27

Yozhanq dingq le, couh han naeuz: “Cizfeih daj gwnzmbwn soengq roengzdaeuj, mijn'x nex, mij'z vunz ndaej ndaej gijmaz.”

Luqgyah Saw 1:2

Gyoengqde dwg gaenhgiq doengh boux daj gaihcij cix caenra raen hih cenz okdaeuj hih bien baenz saw lo.

Majdaiq Saw 25:15

De ciuq gak vunz dih caixhangz ma hawj gak vunz guenj; de hawj boux he guenj hajcien, boux he guenj songcien, boux he guenj cien he. De faen hawj gyoengqde guenj le, couh ok bae gyae youz lo.

Gohlozsih Saw 1:25

Cangqdiq vih ij hawj faenhsou miz ik, de baij gou hawj gou guh gyauqveiq dih hoiq, hawj gou dawz gij siuhsiz de cenz naeuz vunz ni liuxliux.

Hijfuzsoj Saw 3:7

Aenvih Cangqdiq doiq gou haijliengh, de dunghgoq bonjfaenh de dih akak rengzrengz hwj hawj gou ndaej guh bouxhoiq cenz gij ndei siuhsiz de.

Geiq Dwzbaijyienz 18:24

Baujloz daj Hijfuzsoj ok ma le, miz boux Youzdaiq vunz heuh Yaqbohloz he daeuj daengz Hijfuzsoj. De dwg youq Yaqlizcanhdaq Singz seng he; de miz ndaek dungx saw he, goujcaiz caemh rem raixcaix. De doiq Singqgingh cungj cienfanh sugseg he.

Geiq Dwzbaijyienz 19:1

Mwh Yaqbohloz cungj lij youq Gohlimzdoh Singz hih mwhde, Baujloz byaij bae daengz Hijfuzsoj, youq mwnq roeb daengz geij boux lwgsae.

Lozmaj Saw 15:16

hawj gou ndaej youq ndaw linghvaih minzcuz ndaw de guh boux cenzgangj gvanhhih Yehsuh Gihduz dih ndei siuhsiz he, couh dwg naeuz ndaej guh luj boux bang vunz guh dajbwiz he, yienghneix haemq ndei ndaej hawj gij vunz linghvaih minzcuz he dunghgoq Hoenzsaenz Cangqdiq hwj ndaej bienqbaenz gij dajbwiz hab'eiq habhoz Cangqdiq, Cangqdiq haenjheiq he.

Gohlimzdoh It 3:22

mboujguenj dwg Baujloz haj cixnaeuz dwg Yaqbohloz, cixnaeuz dwg Bijdwz cixnaeuz dwg seiqgyaiq cixnaeuz dwg lix, dwg rai, dwg seizneix, baezneix, sojmiz hih cungj dwg faenhsou liux.

Gohlimzdoh It 16:12

Yiengq, gangj daengz beixnuengx doih gyoengqraeuz Yaqbohloz, gou siengzseiz cungj naeuz de, hawj de caeuq gizdah beixnuengx doih itheij bae faenhsou mwnq yawj faenhsou, hoeng, de seizneix mbouj haenj bae; mboujgoq daengj daengz gajlaeng miz gihveiq, de vanzlij dwg bae hih.

Gohlimzdoh Ngeih 4:1

Yiengq, giqyienz Cangqdiq doiq gyoengqraeuz haijliengh, hawj gyoengqraeuz ndaej guh gij hong cenzgangj gij baujcingq moq de vwz, gyoengqraeuz gaengjdingq mbouj doeknaiq lo,

Gohlimzdoh Ngeih 5:18

Gij neix cungj dwg Cangqdiq guh hih geizmiuj hih saeh. De caemh dunghgoq Gihduz hwj hawj gyoengqraeuz ndaej caeuq de doxhuz. De vanzlij senj gyoengqraeuz, baij gyoengqraeuz bae cenz naeuz vunz ni ij baenzlawz ndaej caeuq Cangqdiq doxhuz.

Gohlozsih Saw 1:23

Hoeng faenhsou bietdingh ij baujciz sinq faenhsou soj sinq hih, mbouj doeknaiq hwj sinq gij ndei siuhsiz mwh faenhsou ngamq dingq daengz couh sinq he hih, caemh mbouj ndaej hawj vunz ingjyangj faenhsou hwj lumz gij fuk ndei siuhsiz hawj vunz miz muengh he. Gij ndei siuhsiz neix seizneix gaenq cenz bae baenx cenz lajmbwn lo; gou Baujloz couh dwg bouxhoiq Cangqdiq cenz gij ndei siuhsiz neix he lo.

Dizmohdaiq It 1:12

Gou docih nyok bonjsaeh hawj gou hih bouxcawj raeuz Yehsuh Gihduz, aenvih de yawj gou dwg boux sinq ndaej goq lauxsaed he dih vunz, de baij gou swqhaeuh de.