Gohlimzdoh It 2:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ hawj faenhsou mbouj dwg vih vunz dih coengjmingz hwj sinq, dauq dwg vih Cangqdiq dih rengz hwj sinq lah.

Gohlimzdoh It 2:5 ပူးပေါင်းရင်းမြစ်များ

Gohlimzdoh Ngeih 4:7

Hoeng, gyoengqraeuz cijmboujgoq dwg aen batvax yaez he hih lah; Cangqdiq dauq dawz gij dijbauj de couh dwg gij rongh de coux youq ndaw de hwj. Gij dijbauj neix dwg yienh ok Cangqdiq dih bonjsaeh akak rengzrengz lah; mbouj dwg yienh ok gij bonjsaeh raeuz law.

Gohlimzdoh Ngeih 12:9

Hoeng, bouxcawj raeuz dauq doiq gou naeuz: “Cijaeu gou aiq mwngz, couh ndaej lo, aenvih gou ndaej miz rengz hawj vunz youq mwh mij rengz mij banqfaz he, ndaej raen hamq hah.” Couh vih yienghneix hwj, gou engq haenj gag haenh bonjfaenh mij rengz mij banqfaz, yienghneix couh ndaej hawj vunz yawjraen gij rengz Gihduz yienh youq gwnz ndang gou hah.

Gohlimzdoh Ngeih 6:7

ciuq saedsaeh gangj vah he, baengh Cangqdiq hih rengz hwj guh saeh he. Gyoengqraeuz doiq dizyinz mbouj yungh gijmaz ujgiq; caenhgag ndwn ndaej cingq couh ndaej baujhuq bonjfaenh lo.

Gohlimzdoh It 1:17

Gihduz senj gou baij gou mbouj dwg hawj gou bang vunz sijlij, dauq dwg hawj gou cenzgangj gij ndei siuhsiz Cangqdiq lah. Gou cenz gij ndei siuhsiz Cangqdiq mwhde caemh mbouj dwg gauq vunz dih coengjmingz hwj siengj okdaeuj hih nej, mijn'x Gihduz ngaiz ding hwnj gwnz gyaq cixcib bae couh bienqbaenz mij'z yungh lo.

Gohlimzdoh It 3:6

Gyoengqraeuz gak vunz cungj miz bouxcawj raeuz baij hawj raeuz hih hong: gou dwg guh ndaem he, Yaqbohloz dwg guh dwk raemx he, caenhgag Cangqdiq cij dwg ndaej hawj go de hwnj he.

Geiq Dwzbaijyienz 16:14

Yiengq, mwnq miz boux vunzbaz he, gij coh de heuh Lijdijyaq, dwg Deihyajdeihlah Singz vunz he, dwg guh dajhai boiq aeuj gw he. De soqlaiz cungj dwg baiq Cangqdiq. Cangqdiq hawj de cuqhiq dingq Baujloz gangj vah, caemh hawj de sinq de gangj hih vah.