Gohlimzdoh It 2:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Gou soj gangj soj cenz hih mbouj dwg baengh coengjmingz cixnaeuz baengh ndeidingq hih vah, dauq dwg baengh Hoenzsaenz Cangqdiq yienh ok dih rengz hwj

Gohlimzdoh It 2:4 ပူးပေါင်းရင်းမြစ်များ

Gohlimzdoh It 4:20

Hoeng guek Cangqdiq gaenhbaenj mbouj yawjnaek gangj rumz gangj rengx, dauq yawjnaek Cangqdiq nyok hawj hih rengz lah.

Dezsajloznizgyah It 1:5

aenvih gyoengqraeuz dawz gij ndei siuhsiz Cangqdiq cenz daengz faenhsou mwnq, doiq faenhsou ma gangj mbouj danhcij dwg aeu bak ma gangj, vanzlij dwg aeu gij rengz Hoenzsaenz Cangqdiq ma gangj. Gij ndei siuhsiz neix ndaej hawj faenhsou cibcukcib dih sinq. Faenhsou caemh rox gyoengqraeuz youq faenhsou mwnq vih faenhsou hwj baenzlaw doiq vunz,

Gohlimzdoh It 1:17

Gihduz senj gou baij gou mbouj dwg hawj gou bang vunz sijlij, dauq dwg hawj gou cenzgangj gij ndei siuhsiz Cangqdiq lah. Gou cenz gij ndei siuhsiz Cangqdiq mwhde caemh mbouj dwg gauq vunz dih coengjmingz hwj siengj okdaeuj hih nej, mijn'x Gihduz ngaiz ding hwnj gwnz gyaq cixcib bae couh bienqbaenz mij'z yungh lo.

Gohlimzdoh It 2:1

Gak boux beixnuengx hax, mwh gou bae daengz faenhsou mwnq cenzgangj gij siuhsiz Cangqdiq vunz mijyaengz dingq goq he hih mwhde, gaenhbaenj mbouj dwg gangj doenghgij vah gyaeu cixnaeuz iqswh laeg he,

Lozmaj Saw 15:19

hawj gou ndaej daj Yehluqsajlaengj itcig daengz Hijliqguj, dauqcawq bae cenzgangj gvanhhih Yehsuh Gihduz dih ndei siuhsiz.

Bijdwz Ngeih 1:16

Gaxgonq gyoengqraeuz gangj naeuz sou ni bouxcawj raeuz Yehsuh Gihduz dih bonjsaeh caeuq de dauq daeuj hih saeh hih gaenhbaenj mbouj dwg gag cauh goqsaeh cej daixbauq, dauq dwg gyoengqraeuz caenra raen de dih veijdaq lah,

Gohlimzdoh It 2:13

Gyoengqraeuz soj cenzgangj hih caemh mbouj dwg naeuz hag gij vunz coengjmingz he hwj cenzgangj law, dauq dwg Hoenzsaenz Cangqdiq son hawj raeuz hih lah, dwg hawj raeuz dawz gij saedsaeh Cangqdiq gangj naeuz doenghheij miz Hoenzsaenz de he ni.

Gohlozsih Saw 2:4

Gou yienghneix doiq faenhsou gangj vah dwg siengj hawj faenhsou mbouj ngaiz vunz gangj vah gyaeu vah ndei hwj coemx faenhsou.

Bijdwz Ngeih 2:18

aenvih gyoengqde cungj haenj gag haenh bonjfaenh, naemqnaeuz bonjfaenh cungj rem raixcaix, haenj gangj rumz gangj rengx hwj hawj doenghheij ngamqngamq gaijgoq, mbouj caiq goq yienzlaiz dih saenghhoz hih vunz hwj bae guh doenghgij ndaengndwet he.

Bijdwz It 1:12

Hoeng, Hoenzsaenz de hawj gyoengqde rox gyoengqde soj cenz hih ndei siuhsiz gaenhbaenj mbouj dwg vih gyoengqde aen nienzdaiq mwnq, dauq dwg vih faenhsou aen nienzdaiq neix hih lah. Seizneix de daj gwnzmbwn baij Hoenzsaenz de daeuj hawj vunz cenz gij ndei siuhsiz neix naeuz faenhsou ni. Gij ndei siuhsiz neix baenxlai ndei, daiqlienz bouxcai Cangqdiq cungj siengj rox cingsuj.

Gyahlahdaiq Saw 1:10

Gou yienghneix naeuz, dwg ijsiengj hawj vunz haenh gou mah? Gou naeuz hax, baenzbaenz mbouj dwg! Dwg ij hawj Cangqdiq sim'angq lah! Hauhnaeuz gou dwg siengj hawj vunz haenh gou nex, gou couh mbouj dwg bouxhoiq Gihduz lo.

Lozmaj Saw 16:18

aenvih cungj vunz neix mbouj swqhaeuh bouxcawj raeuz Gihduz, caenh rox daengz bonjfaenh lah. Gyoengqde cungj dwg gangj doenghgij vah ndeidingq he ma coemx doenghheij vunz lauxsaed he.

Geiq Dwzbaijyienz 20:27

aenvih gou gaenq dawz Cangqdiq sojmiz ij hawj vunz rox hih cungj gangj naeuz faenhsou ni liuxliux lo.

Geiq Dwzbaijyienz 26:28

Yaqgihbaq dingq le, han Baujloz naeuz: “Nanzdauh mwngz gangj geij gawq vah couh ndaej gangj hawj gou guh Yehsuh dih lwgsae lo mah.”

Lozmaj Saw 15:13

Muengh boux hawj vunz miz muengh hih Cangqdiq, vih faenhsou sinq de hwj dawz vuenheij caeuq bingzan caeng youq ndaw sim faenhsou rimrim bae, hawj faenhsou dunghgoq gij rengz Hoenzsaenz de hwj ndaej miz muengh raixcaix.

Gohlimzdoh Ngeih 6:6

Gyoengqraeuz dwg boux mij maz ndaej diudik he, sug gij saedsaeh Cangqdiq he, rox naenxsim he, miz liengzsim he, baengh Hoenzsaenz Cangqdiq he, caensim caen'eiq aiq vunz he,