Gohlimzdoh It 14:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Hoeng, guh boux cenz gij vah Cangqdiq hih dwg doiq vunz gangj hih, dwg hawj vunz ndaej miz ik hih, dwg gujliq vunz nai vunz hih.

Gohlimzdoh It 14:3 ပူးပေါင်းရင်းမြစ်များ

Gohlimzdoh It 14:12

Faenhsou caemh doxdoengz; giqyienz faenhsou cungj muengh ndaej Hoenzsaenz Cangqdiq nyok hawj dih bonjsaeh lo, yiengq couh ij wnggai lai gouz gij ndaej doiq gyauqveiq miz ik he.

Dizmohdaiq It 4:13

Mwngz caemh ij doeg Singqgingh naeuz vunz ni, gienq vunz dingq Cangqdiq, caeuq son gij saedsaeh he naeuz vunz ni; doenghgij neix mwngz wnggai dawz haeuj sim, itcig daengz gou bae.

Youzdaq Saw 1:20

Sojhij faenhsou gak boux beixnuengx hax, faenhsou wnggai doxbang doxson, hawj faenhsou sinqsim engqgya gyenhdingq mbouj doeknaiq sinq Cangqdiq, caemh ij baengh Hoenzsaenz Cangqdiq hwj gouzhaenh Cangqdiq,

Dizdoh Saw 1:9

caemh ij gyenhciz sinq gij siuhsiz sinq ndaej goq he, hab gij saedsaeh Cangqdiq he. Yienghneix couh ndaej ciuq gij saedsaeh Cangqdiq ma gienq vunz, caemh ndaej buekhingz doenghheij vunz fanjdeiq he,

Hijfuzsoj Saw 6:22

Gou baij de bae faenhsou mwnq, muzdiz dwg ij hawj faenhsou rox gyoengqraeuz dineix dih cingzgvangq, caemh hawj de nai faenhsou, gujliq faenhsou.

Dizmohdaiq Ngeih 4:2

mingqlingq mwngz ij cenzgangj Cangqdiq dih ndei siuhsiz, mboujguenj seizlaw, fung mbouj fungbienh, caemh ij naiqsim bihbingz vunz, naeuz vunz, gienq vunz; mboujguenj guxmaz cungj ij son aeu.

Dizdoh Saw 2:6

Caemh doxdoengz, mwngz caemh ij naeuz doenghheij vunzsai hauxseng he, naeuz hawj gyoengqde ij rox gag caepcingq bonjfaenh.

Gohlimzdoh It 14:31

Yienghneix daixgya couh ndaej doxlwnz gangj lo, daixgya cungj ndaej hag, cungj ndaej doxson doxbang.

Gohlimzdoh It 14:26

Gak boux beixnuengx hax, gyoengqraeuz ij wnggai baenzlawz yungh Hoenzsaenz Cangqdiq nyok hawj dih bonjsaeh nej? Faenhsou moix it mbat doxcomz, mboujguenj miz vunz rox ciengq go cix ndaej, miz vunz gangj gij vah son vunz he cix ndaej, miz vunz rox gij miqmiz Cangqdiq hawj vunz rox he naeuz vunz ni cix ndaej, miz vunz gangj cungj vah Hoenzsaenz Cangqdiq nyok hawj vunz ndaej gangj he cix ndaej, miz vunz fanhyiz gij vah de cix ndaej, mboujguenj guh gijmaz saeh, cungj ij wnggai doiq gyauqveiq miz ik cij ndaej.

Lozmaj Saw 14:19

Sojhij gyoengqraeuz ij cwnqliengq bae guh gij saeh hawj vunz doxhuz doxndei he, doxbang doxhoh he.

Geiq Dwzbaijyienz 13:15

Yiengq boux guenj veiqdangz mwnq daengj vunz doeg Mohsih dih fazliz caeuq doeg bonj saw boux cenz gij vah Cangqdiq he sat le, couh baij vunz goq bae cam song boux de, naeuz: “Song boux beixnuengx hax, hauhnaeuz faenhsou miz maz vah ij doiq gyoengq vunzlai gangj hih, cingj faenhsou gangj bax.”

Dizdoh Saw 2:9

Mwngz caemh ij naeuz doengh boux guh hoiq he, naeuz hawj gyoengqde ij dingq bouxcawj de; mboujguenj guh gijmaz cungj ij guh gij hawj bouxcawj de sim'angq, caemh mbouj ndaej caeuq bouxcawj doxdingj.

Dezsajloznizgyah It 2:3

Gizsaed gyoengqraeuz gienq faenhsou dingq gij ndei siuhsiz neix mbouj dwg loek, mbouj dwg ij coemx faenhsou yaeuh faenhsou hih,

Gohlimzdoh It 10:23

Miz vunz naeuz: “Raeuz haenj guh gijmaz saeh cungj ndaej, cijaeu raeuz haenj.” Gawq vah neix deng hih, mbouj loek, hoeng, mbouj dwg naeuz moix it gienh saeh cungj doiq vunz miz ik law. Gannaeuz gijmaz saeh raeuz haenj guh couh guh lah, hoeng, gou naeuz hax, mbouj dwg gijgij saeh cungj ndaej bang vunz law.

Bijdwz It 5:12

Gou youq dineix gyenjdanh sij fung saenq dinj neix hawj Sihlah dawz bae hawj faenhsou. Sihlah boux beixnuengx neix gou yawj de dwg boux lauxsaed sinq ndaej goq he. Gou sij fung saenq neix dwg ij gienq faenhsou, caemh dwg ij cingqmingz Cangqdiq saedsaeh dwg aiq vunz doiq vunz haijliengh raixcaix he, sojhij, faenhsou bietdingh ij baengh de dih aiq hwj gyenhciz roengzbae mbouj doeknaiq mbouj bienq sim.

Hihbwzlaiz Saw 13:22

Gak boux beixnuengx hax, gou gyenjdanh sij fung saenq mbouj daiq raez neix; gou cingj faenhsou naiqsim yawj ndaw de gou doiq faenhsou dih gujliq.

Hihbwzlaiz Saw 10:25

Mbouj wnggai luj miz hih vunz yienghmwnq mbouj haenj doxcomz, dauq ij doxbang doxson; giqyienz gyoengqraeuz rox Gihduz dauq daeuj hih ngoenz mwnq couh ij daengz lo, sojhij gyoengqraeuz couh ij engqgya yienghneix guh.

Dizdoh Saw 2:15

Dizdoh hax, mwngz ij dawz doenghgij saeh neix gangj naeuz vunz ni cingsuj; mwngz miz gienz gienq vunz naeuz vunz—mbouj hawj vunz yawj mbouj hwnj mwngz.

Dizmohdaiq It 6:2

Yiengq, hauhnaeuz bouxcawj dwg sinq Yehsuh he nex, bouxhoiq couh ij wnggai dingq de, mbouj ndaej vih de caemh dwg caezgya sinq Yehsuh he hwj couh mbouj faen caepndat naekmbaeu, dauqfanj engqgya ij caensim bae swqhaeuh boux de, aenvih ndaej yangjcouq vunz swqhaeuh hih cungj dwg Cangqdiq aiq dih lwgsae. Dizmohdaiq hax, mwngz bietdingh ij son gij vunz doenghgij saeh neix, caemh gienq gyoengqde.

Dizmohdaiq It 1:4

caeuq naeuz gyoengqde mbouj hawj gyoengqde doiq doenghgij gojgaeq doenghbaez he caeuq doenghheij gyabouh raez rangxrangh he maezgae, aenvih doenghgij neix cungj dwg cauh hawj vunz doxeuq, gaenhbaenj mbouj ndaej bang vunz hawj vunz ciuq Cangqdiq dih giqvaq ma guh. Hoeng, gij giqvaq neix dwg gauq sinq Yehsuh cij ndaej guh daengz he.

Dezsajloznizgyah Ngeih 3:12

Gyoengqraeuz seizneix caemh hij gij mingzhiq bouxcawj raeuz Yehsuh Gihduz ma mingqlingq doenghgij vunz neix, ij simdingh roengzma, gag guh gag gw.

Dezsajloznizgyah It 4:18

Sojhij gyoengqraeuz gangj naeuz sou ni hih doenghgij vah neix, faenhsou ij aeu ma doxnai doxbang doxson.

Dezsajloznizgyah It 4:1

Gak boux beixnuengx hax, seizneix gyoengqraeuz ij baengh bouxcawj raeuz Yehsuh Gihduz ma gienq faenhsou gouz faenhsou. Giqyienz faenhsou ndaej daengz gyoengqraeuz son faenhsou hih, caemh rox daengz ij baenzlawz guh cij ndaej daengz hawj Cangqdiq sim'angq hih, yiengq couh mbouj wnggai vih seizneix sojmiz hih hwj rox gaeuq, dauq ij engqgya lai roengzrengz cij deng.

Dezsajloznizgyah It 2:11

Faenhsou caemh rox gyoengqraeuz dwg baenzlaw doiq faenhsou, gujliq faenhsou hah, vued faenhsou hah, lox faenhsou hah, cungj dwg luj boh doiq lwg yienghmwnq.

Gohlozsih Saw 4:8

Gou baij de bae faenhsou mwnq, muzdiz couh dwg ij hawj de naeuz faenhsou ni gyoengqraeuz dih cingzgvangq caeuq gujliq faenhsou.

Hijfuzsoj Saw 4:29

Mbouj ndaej gangj gij vah ya'mboujlw he; wnggai gangj gij vah ndaej bang vunz doiq vunz miz ik he.

Gohlimzdoh Ngeih 2:7

Faenhsou hozmboujyienz nyiuz de, vued de suenq lox, mienxndaej de siengsim daiq lai hwj doeknaiq bae.

Gohlimzdoh Ngeih 1:4

Mboujguenj gyoengqraeuz roeb daengz gijmaz nanh, de cungj vued gyoengqraeuz, hawj gyoengqraeuz caemh ndaej rox bae vued doenghheij miz nanh he.

Gohlimzdoh It 14:17

Mwngz yienghneix haenh Cangqdiq docih Cangqdiq dwg ndei hih, hoeng, aenvih vunz dingq mbouj rox hah, yiengq doiq vunz mij'z ik hah.

Gohlimzdoh It 8:1

Gou seizneix ij gangjgangj gij vunz Cangqdiq ndaej mbouj ndaej gw doenghgij bwiz goq duz you he. Gangj daengz gij saeh neix, gyoengqraeuz bouxboux cungj naemqnaeuz miz gij ciqsiz neix, hoeng, gou naeuz hax, miz ciqsiz dwg hawj vunz gag naemqnaeuz bonjfaenh cungj rem raixcaix he lah; gizsaed caenhgag miz aiqsim cij cingqcaen dwg rem raixcaix, cij ndaej hawj vunz miz ik.

Lozmaj Saw 15:2

Gyoengqraeuz moix it boux guh saeh cungj ij ngeix daengz vunz, ij guh gij doiq vunz miz ik he, ndaej hawj vunz sinqsim gyenhdingq he,

Lozmaj Saw 12:8

Miz hih rox gienq vunz hih; couh ij caensim bae gienq vunz. Miz hih dwg haijliengh hih; couh ij haijliengh bang vunz. Miz hih dwg guh lingjdauj hih; couh ij mbouj lau dwgrengz hwj bae guh. Miz hih dwg cojgvaq vunz hih; couh ij daj ndaw sim cojgvaq vunz.

Geiq Dwzbaijyienz 15:32

Youzdaq caeuq Sihlah mbouj danhcij dwg gyauqveiq dih lingjdauj, vanzlij caemh dwg boux cenz gij vah Cangqdiq he. Gajlaeng song boux de caiq gangj baenx haujlai vah, gujliq gyoengq lwgsae, hawj gyoengqde gyenhciz sinq Cangqdiq, yungjyenj mbouj bienq sim.

Geiq Dwzbaijyienz 14:22

ma geij mwnq neix gujliq gyoengq lwgsae hawj gyoengqde ij gyenhciz sinq Yehsuh, yungjyenj mbouj bienq sim, caiq naeuz gyoengqde ni naeuz: “Gyoengqraeuz ijsiengj haeuj aen guek Cangqdiq, couh bietdingh ij ngaiz souh daengz gak cungj nanh.”

Geiq Dwzbaijyienz 9:31

Gajlaeng, Youzdaiq hah, Gyahliqliq hah, Sajmajliqyaq hah, gak dieg dih gyauqveiq cungj bingzdingh ndaej duenh he. Gyauqveiq caemh cungj dwg gig soenhgingq Cangqdiq, caemh cungj dwg ndaej daengz Hoenzsaenz Cangqdiq dih bangcoh ndaej laeb hwnjdaeuj, gij vunz caemh yied ngoenz yied lai hwnjdaeuj lo.

Luqgyah Saw 3:18

Couh yienghneix, Yozhanq cenz gij ndei siuhsiz Cangqdiq, gangj baenx haujlai vah ma gienqmienx gij vunz.

Hihbwzlaiz Saw 3:13

Cijaeu vanzlij miz ngoenz he, faenhsou couh ijaeu ngoenzngoenz doxson doxbang, yienghneix couh mienxndaej faenhsou miz vunz souh daengz coih coemx hwj sim bienq gyeng.

Geiq Dwzbaijyienz 4:36

Yiengq miz boux he heuh Yozswz; gyoengq dwzbaijyienz heuh de heuh Bahnazbah. (‘Bahnazbah’ dwg ‘gujliq vunz’ dih iqswh.) De dwg Caiqbujluqswh dih Liqveiq vunz he.