Gohlimzdoh It 13:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Caiq cungjsuenq naeuz gou ndaej guh boux cenz gij vah Cangqdiq, caemh rox gak cungj miqmiz, gak cungj ciqsiz, caemhcaiq miz sinqsim raixcaix hwj ndaej gouz daengz Cangqdiq dawz aen bya nod deuz hwjx, hauhnaeuz gou mbouj miz aiq, cix ij suenq gumxlwk, ciuqyiengh mij'z yungh.

Gohlimzdoh It 13:2 ပူးပေါင်းရင်းမြစ်များ

Yozhanq It 4:8

Doenghheij mbouj miz aiq hih couh mbouj rox Cangqdiq, aenvih Cangqdiq couh dwg aiq.

Gohlimzdoh It 13:3

Caiq cungjsuenq naeuz gou dawz sojmiz hih cungj soengq hawj vunz gungz liux, simqciq ngaiz vwt mingh ngaiz feiz coemh hwjx, hauhnaeuz mbouj miz aiq, cix ij suenq gumxlwk, mij'z yungh.

Majdaiq Saw 17:20

Hoeng, Yehsuh engq han naeuz: “Aenvih faenhsou mbouj gaeuq sinq Cangqdiq; sinqsim mbouj gaeuq. Gou saedsaeh naeuz sou ni, hauhnaeuz gij sinqsim faenhsou ndaej hung luj ceh byaekgat nex, faenhsou cungj ndaej seizbienh guh daengz gijmaz. Yiengq cungjsuenq naeuz faenhsou mingqlingq aen bya neix naeuz: ‘Mwngz daj mwnqneix nod goq mwnq bae!’ yienghneix naeuz, aen de cungj caemh dingq faenhsou hwj nod goq bae hwx.

Gohlimzdoh It 16:22

Hauhnaeuz miz vunz mbouj aiq bouxcawj raeuz, boux de couh wnggai ngaiz mang. Bouxcawj hax, gou muengh mwngz daeuj!

Majdaiq Saw 21:21

Yehsuh dingq le, han naeuz: “Gou saedsaeh naeuz sou ni, hauhnaeuz faenhsou sinq Cangqdiq mbouj ngeiz de nex, mbouj danhcij naeuz ndaej luj gou doiq go uzvahgoj neix soj guh hih geizmiuj hih saeh, daiqlienz faenhsou doiq aen bya neix naeuz: ‘Daj mwnqneix nod deuz, diuq roengz haij bae!’ yienghneix cungj ndaej guh daengz hwx.

Hijfuzsoj Saw 3:4

Faenhsou yawj le, couh rox gou baenzlaw lijgaij Gihduz dih giqvaq miqmiz lo.

Gohlimzdoh It 13:1

Yiengq cungjsuenq naeuz gou rox gangj lajmbwn gak cungj vah, simqciq daiqlienz gij vah bouxcai Cangqdiq cungj rox gangj hwjx, hauhnaeuz mbouj miz aen sim aiq vunz he, cix ij miz maz yungh; gou soj gangj hih vah couh dangq luj ndaek gyong ndaek laz coemq caxcemq yienghmwnq nauhyied coeg rwz lah.

Gyahlahdaiq Saw 5:16

Sojhij, gou saedsaeh naeuz sou ni, faenhsou ij ciuq Hoenzsaenz Cangqdiq haenj hih yienghmwnq bae guh; yienghneix cij mbouj ngaiz ciuq ndangnoh bonjfaenh yienghmwnq siengjmuengh bae guh,

Gohlozsih Saw 1:26

Gij siuhsiz neix dwg Cangqdiq yo hwnjdaeuj baenx haujlai haujlai daih mbouj hawj vunz rox hih gij miqmiz mwnq lo. Hoeng, seizneix de gaenq yienh hawj gij vunz de raen lo,

Gyahlahdaiq Saw 6:3

Yiengq, hauhnaeuz miz vunz naemqnaeuz bonjfaenh ak raixcaix rem raixcaix, mbouj haenj yienghneix hih, boux de couh dwg gag yaeuh bonjfaenh; gizsaed de it di cungj mbouj suenq guxmaz.

Gyahlahdaiq Saw 5:22

Hoeng, hauhnaeuz faenhsou hawj Hoenzsaenz Cangqdiq guenjleix faenhsou dih saenghhoz nex, faenhsou couh ndaej giet gij mak gyaeugyaeu ndeindei he lo. Gij mak neix couh dwg aiq, vuenheij, hozbingz, naenxsim, sim'unq, lauxsaed, simndei simsoh,

Gohlimzdoh It 12:28

Cangqdiq youq gwnz ndang Gihduz, couh dwg youq ndaw gyauqveiq, de yienghneix laeb: daixit dwg dwzbaijyienz, daixngeih dwg boux cenz gij vah de, daixsam dwg gyauqveiq dih lauxsae, gajlaeng cij daengz guh doenghgij geizmiuj he, caiq gajlaeng daengz rox yw bingh he, vanzlij miz rox bang vunz he, guenj gizdah saeh he, rox gangj cungj vah Hoenzsaenz Cangqdiq nyok hawj vunz gangj he.

Gohlimzdoh It 7:19

aenvih goz mbouj gozlij mbouj suenq guxmaz; cijaeu ciuq Cangqdiq dih mingqlingq bae guh couh ndaej lo.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Hijfuzsoj Saw 6:19

Linghvaih vanzlij miz: gou vanzlij ij cingj faenhsou bang gou gouz Cangqdiq, gouz de nyok hawj gou hab gangj hih vah hawj gou ndaej mbeihung mbouj lau hwj ndaej dawz gij miqmiz ndei siuhsiz Cangqdiq cenzgangj naeuz vunz ni cingsuj.

Gohlimzdoh It 4:1

Sojhij, mboujguenj byawz, cungj wnggai dawz gyoengqraeuz ma dangq dwg bouxhoiq Gihduz, dwg baij daeuj guh boux guenjgya guenj gij giqvaq Cangqdiq yienzlaiz de yo hwnjdaeuj mbouj hawj vunz rox he.

Lozmaj Saw 16:25

Cangqdiq ndaej yungh gou soj cenzgangj hih gvanhhih Yehsuh Gihduz dih ndei siuhsiz hwj hawj faenhsou ndaej sinqsim gyenhdingq. Gij ndei siuhsiz neix coengzlaiz cungj mij'z vunz rox goq,

Lozmaj Saw 11:25

Gak boux beixnuengx hah, gou muengh faenhsou rox gij saeh nanz neix, mienxndaej faenhsou cungj gag naemqnaeuz bonjfaenh rem raixcaix. Gij saeh nanz neix couh dwg: Miz mbangj hih Hijswzlez vunz simgyeng nga'ngangq, hoeng, daengj daengz gij vunz linghvaih minzcuz Cangqdiq soj senj hih vunz cungj ndaej gaep haeuj aen guek de le,

Majdaiq Saw 21:19

Gajlaeng de raen henz roen miz go uzvahgoj he le, couh byaij goqbae siengj cimh yawj miz mbouj miz mak gw. Hoeng, de byaij bae daengz henz go de le, cungj cimh mbouj raen miz saek aen mak, cenznaengz mbaw. De raen yienghneix le, couh yinx haeuj go de bae mang naeuz: “Daj seizneix hwnj, mwngz yungjyenj mbouj dawz mak.” De baex yienghneix naeuz he lah, go de couh majcangq doq reuq lo.

Majdaiq Saw 13:11

Yehsuh dingq le, han naeuz: “Gij miqmiz ndaw guek Cangqdiq caenhgag ndaej hawj faenhsou rox lah; mbouj ndaej hawj gyoengqde rox nej.

Gohlimzdoh Ngeih 12:11

Baenjlaiz gou wnggai dwg faenhsou haenh hih, hoeng, gou ngaiz faenhsou bwk hwj bienq boux vunz ngawz he gag haenh bonjfaenh lah. Gannaeuz gou mbouj suenq guxmaz vunz lah, hoeng, caemh mbouj dwg naeuz it di cungj beij mbouj hwnj doenghheij gag naemqnaeuz bonjfaenh dwg ceiq rem hih dwzbaijyienz haj.

Gohlimzdoh It 14:39

Sojhij gak boux beixnuengx hax, faenhsou wnggai haenj siengj bae cenz gij vah Cangqdiq; gaejyungh haed vunz gangj cungj vah Hoenzsaenz Cangqdiq nyok hawj vunz gangj he.

Gohlimzdoh It 8:4

Yiengq doiq gij saeh ndaej mbouj ndaej gw gij dajbwiz you he ma gangj, gou naeuz hax, gyoengqraeuz rox, lajmbwn hih you mbouj suenq dwg cingqcaen hih cwnz; caenhgag Cangqdiq boux dog cij dwg cingqcaen hih cwnz.

Geiq Dwzbaijyienz 13:1

Youq Anhdizah gyauqveiq ndaw de miz geij boux boux cenz gij vah Cangqdiq caeuq lauxsae. Geij boux neix couh dwg Bahnazbah caeuq Sihmenq (Sihmenq caemh heuh Nizgyez) caeuq Luqgyiuz (Luqgyiuz dwg Gujliqnaiq Singz vunz) caeuq Majnenq (Majnenq boux neix dwg caeuq goengjvuengz Hihliz daj lij iq cix itheij maj hung he), vanzlij miz Saujloz.

Lozmaj Saw 15:14

Gak boux beixnuengx hax, gou rox faenhsou simsoh raixcaix, gvanhhih Cangqdiq dih saeh faenhsou cix rox raixcaix, caemh ndaej doxson.

Gohlimzdoh It 11:4

Sojhij, vunzsai youq gouzhaenh Cangqdiq cixnaeuz cenz gij vah Cangqdiq hih mwhde, hauhnaeuz goemq raeuj nex, couh dangq hawj Gihduz saetnaj lo.

Gohlimzdoh It 13:8

Aiq dih baenjcinh dwg yungjyenj mbouj rox sat hih. Sojhij, gou naeuz sou ni, cungjsuenq naeuz faenhsou miz bonjsaeh ndaej rox cenz gij vah Cangqdiq hajx, cixnaeuz miz bonjsaeh ndaej rox gangj cungj vah Hoenzsaenz Cangqdiq nyok hawj vunz gangj he, cixnaeuz rox Hoenzsaenz Cangqdiq hawj vunz rox hih ciqsiz, cungj dwg camqciz hih, mbouj dwg yungjyenj hih,

Gohlimzdoh It 14:4

Boux rox gangj cungj vah caenhgag Hoenzsaenz Cangqdiq cij rox he hih caenhgag doiq bonjfaenh miz ik lah; boux rox cenz gij vah Cangqdiq hih dwg doiq gyauqveiq miz ik hih.

Gohlimzdoh It 14:29

Yiengq gangj daengz boux cenz gij vah Cangqdiq he, moix it mbat youq gyauqveiq doxcomz, ndaej song daengz sam boux gangj vah; lij lw hih vunz wngdang cuqhiq dingq, ngeixngeix gyoengqde soj gangj hih.

Gohlimzdoh It 15:51

Gou seizneix ij naeuz sou ni gij miqmiz he; faenhsou ijaeu cuqhiq. Gyoengqraeuz mbouj dwg naeuz bouxboux cungj ij ngaiz rai law; dwg sojmiz hih vunz cungj ij gaijbienq lah.