Gohlimzdoh It 10:16 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁶ Moix it mbat gyoengqraeuz gijnenq bouxcawj raeuz Yehsuh Gihduz vih gyoengqraeuz rai hwj gw cenj laeuj docih de mwnq, mbouj dwg doxdoengz ndaej yangjcouq gij lwed Yehsuh Gihduz hih maz? Gyoengqraeuz soj euj hih bingj, mbouj dwg doxdoengz ndaej yangjcouq aen ndangdaej Gihduz hih maz?

Gohlimzdoh It 10:16 ပူးပေါင်းရင်းမြစ်များ

Geiq Dwzbaijyienz 2:42

Gajlaeng gyoengq vunz cungj dwg caensim dingq gyoengq dwzbaijyienz son gyoengqde, caemh cungj dwg doxcomz doxbang, cungj dwg doxcomz euj menqbauh gw vih ij gijnenq Yehsuh, cungj dwg doxcomz haenh Cangqdiq gouz Cangqdiq.

Yozhanq It 1:7

Yiengq, caiq hauhnaeuz gyoengqraeuz goq dih saedceij cungj dwg rongh sagsag he, luj Cangqdiq youq ndaw rongh yienghmwnq, gyoengqraeuz couh ndaej doxgaep guh buek vunz he lo, gij lwed daeglwg de Yehsuh caemh dawz gij coih raeuz swiq cengh lo.

Hihbwzlaiz Saw 3:14

Caemh cijaeu hauhnaeuz gyoengqraeuz cungj ndaej gyenhciz luj gaxgonq ngamq sinq yienghmwnq sinq Gihduz hih sim gyenhdingq, yungjyenj mbouj bienq, gyoengqraeuz couh ndaej caeuq Gihduz guxdoih.

Geiq Dwzbaijyienz 2:46

Gyoengqde ngoenzngoenz cungj youq gunghdenq Cangqdiq doxcomz, caemh bae ndaw ranz gak vunz doxcomz doxcaeuq gw, gak vunz cungj haijliengh raixcaix. Gyoengqde yienghneix guh, gak vunz cungj roxnginh sim'angq.

Gohlimzdoh It 1:9

Cangqdiq dwg saedsaeh hih sinq ndaej goq hih; de senj faenhsou hawj faenhsou ndaej caeuq daeglwg de, bouxcawj raeuz Yehsuh Gihduz, guh beixnuengx.

Yozhanq It 1:3

Gyoengqraeuz dawz soj yawjraen hih, soj dingqri hih cungj cenz naeuz faenhsou ni, hawj faenhsou rox le, couh gaep haeuj buek vunz gyoengqraeuz, yiengq caemhdangq ndaej gaep haeuj Bohmbwn caeuq daeglwg de Yehsuh Gihduz lo.

Geiq Dwzbaijyienz 20:7

Youq ngoenzsinghgiz, gyoengqraeuz doxcomz euj bingj faen bingj gw hih mwhde, Baujloz doiq gyoengq vunz gangj vah. Aenvih de ngoenz daixngeih couh ij okdin bae lo, sojhij de gangj hwx gangj hwx, itcig gangj daengz gyangjngwnz.

Gohlimzdoh It 12:13

Mboujguenj gyoengqraeuz dwg Youzdaiq vunz haj cixnaeuz dwg Hihlaz vunz, dwg guh hoiq haj cixnaeuz dwg swqyouz vunz, cungj dwg dunghgoq gij Hoenzsaenz dog sijlij hwj ndaej gaep haeuj buek vunz he, bienqbaenz aen ndangdaej he, caemh dwg doxdoengz ndaej yangjcouq gij Hoenzsaenz dog he, couh dangq luj vunzlai doxdoengz caemh gw aen cingj raemx he.

Geiq Dwzbaijyienz 20:11

De yienghneix naeuz le, couh dauq hwnj laeuz ma euj bingj gw, caemh giqcuz gangj, gangj baenx haujlai caez, gangj daengz ranzrongh. Gajlaeng de cij bae.

Luqgyah Saw 22:17

Yehsuh yienghneix gangj le, couh ciep aeu aen cenj coux laeuj buzdauz he, couh docih Cangqdiq. Docih le, couh doiq gyoengqde naeuz: “Faenhsou dawz cenj laeuj neix bae doxfaen gw bax.

Gohlimzdoh It 10:15

Faenhsou dwg vunz coengjmingz hih; gou soj gangj hih vah dwg mbouj dwg miz dauhleix, faenhsou gag ngeixngeix yawj.