Gohlimzdoh It 1:23 - Gij Baujcingq Moq Caeuq Geij Bonj Gij Baujcingq Daeuzdaeuz

²³ hoeng, gyoengqraeuz soj cenzgangj hih cingq dwg Gihduz ngaiz ding hwnj gwnz gyaq cixcib bae rai hih gij saeh neix lah. Gij saeh neix, aeu gij vunz Youzdaiq ma yawj, dwg daekcoih gyoengqde he; aeu gij vunz Hihlaz ma yawj, dwg haeuj gij mazmwnh he.

Gohlimzdoh It 1:23 ပူးပေါင်းရင်းမြစ်များ

Gohlimzdoh It 2:14

Hoeng, doenghheij mbouj miz Hoenzsaenz Cangqdiq he, gyoengqde yiem Hoenzsaenz Cangqdiq soj hawj vunz rox hih gij saedsaeh mwnq, aenvih doenghheij vunz neix nginhnaeuz gij saedsaeh neix dwg mazmwnh he; gyoengqde gaenhbaenj mbouj rox, aenvih gij saedsaeh neix dwg Hoenzsaenz Cangqdiq cij ndaej hawj vunz rox faenbied he.

Bijdwz It 2:8

Ndaw de vanzlij caiq sij naeuz: Ngauq rin neix dwg hawj vunz daemjndoet he, caemh dwg hawj vunz daemjndoet laemx he. Gij vunz daemjndoet laemx dwg aenvih gyoengqde mbouj sinq gij vah Cangqdiq; gij neix dwg Cangqdiq dih cawjeiq hih.

Gohlimzdoh It 2:2

aenvih gou gyezdingq goq naeuz mwh gou caeuq faenhsou youq hih mwhde, cawzok cenzgangj gvanhhih Yehsuh Gihduz caeuq de ngaiz ding hwnj gwnz gyaq cixcib bae hih gij saeh neix sat lo, gijmaz cungj mbouj gangj.

Gyahlahdaiq Saw 5:11

Gak boux beixnuengx hax, mbouj rox hih vih guxmaz, gingqyienz miz vunz luenh naeuz gou vanzlij cenz gozlij gij saeh neix. Yiengq, hauhnaeuz gou cingqcaen lij dwg cenz gozlij gij saeh neix nex, gou couh mbouj ngaiz daekcoih dawz gij vunz Youzdaiq, caemh mbouj ngaiz gyoengqde bwkhaih lo. Yiengq, ciuq luj yienghneix ma yawj, gou cenzgangj gyaq cixcib couh mbouj ngaiz daekcoih daengz Youzdaiq vunz, mbouj ngaiz souh daengz Youzdaiq vunz dih bwkhaih lo.

Gohlimzdoh It 1:18

Gihduz ngaiz ding hwnj gwnz gyaq cixcib bae rai hih gij saeh neix, doiq doenghheij vunz satsoq he ma gangj dwg ngawz hih, hoeng, doiq gyoengqraeuz doenghheij vunz ndaej gouq he ma gangj, dauq dwg ndaej yienh ok Cangqdiq dih rengz lah.

Luqgyah Saw 2:34

Sihmenq vanzlij hoh fuk hawj gyoengqde, caiq doiq Majliqyaq naeuz: “Laeq lwgngez neix ij miz haujlai Hijswzlez vunz mbouj sinq de; hoeng, mbouj sinq de hih couh ngaiz satsoq. Caemh miz haujlai vunz sinq de; sinq de hih couh ndaej raen ndei. De caemh miz haujlai vunz fanjdeiq de soj daiqbiuj hih,

Gyahlahdaiq Saw 6:14

Gou nej, gou caenhgag cawzok bouxcawj raeuz Yehsuh Gihduz dih gyaq cixcib wnggai haenh, sojmiz hih gou cungj mbouj haenh, aenvih dunghgoq gyaq cixcib hwj aen seiqgyaiq neix doiq gou ma gangj gaenq ding rai youq gwnz gyaq cixcib lo; gou, doiq aen seiqgyaiq neix ma gangj, caemh gaenq ding rai youq gwnz gyaq cixcib lo.

Majdaiq Saw 13:57

Gyoengqde yienghneix naeuz le, cungj yawj mbouj hwnj de, dwgcaengz de. Gajlaeng, Yehsuh rox daengz gyoengqde yienghneix yawj de le, couh doiq gyoengqde naeuz: “Gou naeuz sou ni, mij saek boux boux cenz gij vah Cangqdiq youq ndaw ranz bonjfaenh cixnaeuz youq dieg bonjfaenh ndaej miz vunz soenhcungq de.”

Majdaiq Saw 11:6

Famz mbouj yiem gou hih vunz miz fuk lo!”

Hijfuzsoj Saw 3:8

Gannaeuz gou youq ndaw gij vunz Cangqdiq ndaw de dwg boux ceiq yaqyuij ceiq yawj mbouj hwnj rwz he lah, hoeng, gou gingqyienz ndaej daengz de dih aiq, ndaej gij gienz neix, hawj gou ndaej naeuz linghvaih minzcuz hih vunz ni gvanhhih Gihduz hih hawj vunz liuh mbouj daengz hih baenxlai dijbauj hih,

Gyahlahdaiq Saw 3:1

Gij vunz ngawz Gyahlahdaiq faenhsou hax! Byawz yaeuh faenhsou hax! Yehsuh Gihduz ngaiz ding hwnj gwnz gyaq cixcib bae rai, mbouj dwg gaenq ra raen youq dangqnaj faenhsou myiengxmyiengx lo mah?

Gohlimzdoh Ngeih 4:5

Gyoengqraeuz soj cenzgangj hih mbouj dwg cenzgangj gyoengqraeuz bonjfaenh nej; dwg cenzgangj Yehsuh Gihduz dwg bouxcawj hih lah. Vih Yehsuh Gihduz hwj, gyoengqraeuz bienqbaenz bouxhoiq faenhsou,

Gohlimzdoh It 1:28

De senj doenghheij vunz vunz yawj mbouj hwnj rwz he, vunz dwgcaengz he, vunz naemqnaeuz de mbouj suenq guxmaz vunz he, ma hawj doenghheij gag naemqnaeuz bonjfaenh cungj cungqyauq raixcaix he bienqbaenz mij'z yungh,

Gohlimzdoh It 1:21

Caenhgag Cangqdiq cij dwg cingqcaen coengjmingz he; de itmienh hawj aen seiqgyaiq neix hih vunz mij banqfaz dunghgoq gij coengjmingz bonjfaenh ma rox de, itmienh dunghgoq gyoengqraeuz soj cenz hih, couh dwg ciuq aen seiqgyaiq neix hih vunz ma yawj suenq dwg mazmwnh hih gij siuhsiz neix, ma gouq doenghheij sinq Yehsuh hih vunz.

Gohlimzdoh It 4:10

Gyoengqraeuz vih Gihduz hwj ngaiz vunz yawj dangq dwg vunz ngawz he, hoeng, faenhsou dauq ndaej hawj vunz yawj faenhsou dangq dwg Gihduz hih boux coengjmingz he. Gyoengqraeuz ngaiz vunz yawjngawz, mij bonjsaeh. Hoeng, faenhsou nej? Faenhsou dauq dwg hawj vunz yawjdij, dwg vunz rem he.

Hihbwzlaiz Saw 12:2

Gyoengqraeuz caemh wnggai dawz singjsaenz coengq youq gwnz ndang Yehsuh, aenvih de dwg daiq daeuz hawj gyoengqraeuz sinq he, caeuq hawj gyoengqraeuz ndaej gyenhciz sinq raixcaix he. De vih miz gij engqgya angq he hwj daengj de he, de couh naenxsim mbouj dawz de ngaiz ding hwnj gwnz gyaq cixcib bae rai hih dangqbaenz dwg gij saetnaj saetnyaenq he. Seizneix de gaenq ndaej naengh youq baixgvaz Cangqdiq lo.