Gihduz Hawj Vunz Rox 7:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Gajlaeng gou caiq yawjraen miz baenxbienh vunz, geq cungj hoj geq ndaej liux he, daj ciqgyaiq gak guek, gak cuz, gak minzcuz, gak mwnq vunz gangj mbouj doengz hih vah daeuj. Gyoengqde daenj buh bieg, fawz caemh dawz mbaw faex luj mbaw bingqbeiz he hwj ndwn youq dangqnaj aen lungzeij caeuq duz yiengzlwg

Gihduz Hawj Vunz Rox 7:9 ပူးပေါင်းရင်းမြစ်များ

Gihduz Hawj Vunz Rox 5:9

Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Yozhanq Saw 12:13

couh dawz mbaw rong bae ciep de, angq hwj hemq naeuz: “Vanqseiq! Vanqseiq Cangqdiq baij daeuj dih! Vanqseiq! Vanqseiq Hijswzlez dih vuengz!”

Gihduz Hawj Vunz Rox 11:15

Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”

Gihduz Hawj Vunz Rox 6:11

Gyoengqde yienghneix hemq naeuz le, gajlaeng gijgij hoenzsaenz cungj ndaej diuz buhbauz bieg he. Gajlaeng, caiq miz sing doiq doenghheij hoenzsaenz mwnq naeuz, hawj gyoengqde caiq daengjdaengj, daengj daengz doenghheij caeuq gyoengqde doxdoengz swqhaeuh Cangqdiq dih doenghheij beixbeix nuengxnuengx caemh ij ngaiz gaj he daeuj caeuq gyoengqde ndaej gaeuq soq le cij ndaej.

Gihduz Hawj Vunz Rox 3:18

Sojhij gou vanzlij dwg gienq mwngz laeng gou cawx gij gim gaenq dizlenq goq he suenq lox, yienghmwnq hawj mwngz ndaej bienqbaenz cingqcaen fouqmiz he, hawj mwngz ndaej cawx buh bieg, ndaej daenj hwj cw aen ndangnoh hawj vunz rox saetnaj saetnyaenq mwngz, caemh ndaej cawx yw ra ma cat cehra mwngz, hawj mwngz yawj ndaej raen.

Lozmaj Saw 11:25

Gak boux beixnuengx hah, gou muengh faenhsou rox gij saeh nanz neix, mienxndaej faenhsou cungj gag naemqnaeuz bonjfaenh rem raixcaix. Gij saeh nanz neix couh dwg: Miz mbangj hih Hijswzlez vunz simgyeng nga'ngangq, hoeng, daengj daengz gij vunz linghvaih minzcuz Cangqdiq soj senj hih vunz cungj ndaej gaep haeuj aen guek de le,

Luqgyah Saw 21:36

Sojhij faenhsou ij singqsag, ij siengzseiz caeuq Cangqdiq gangj vah, gouz Cangqdiq soengq rengz hawj faenhsou, hawj faenhsou ndaej miz rengz ndoj goq sojmiz ij fatseng he, hawj faenhsou mij naih saek yiengh hwj miz naj ndwn youq dangqnaj gou.”

Luqgyah Saw 12:1

Yied ngoenz yied miz vunz lai daeuj dingq Yehsuh gangj vah. Yiengq miz mbat he, miz baenx cien baenx fanh vunz daeuj dingq de gangj vah, lai hwj doxcaenx doxnap bae. Gajlaeng Yehsuh doiq gyoengq lwgsae de naeuz: “Faenhsou ij siujsim, mbouj ndaej luj gij vunz gaep haeuj Fazliqcaiq baij hih yienghmwnq cang guh vunz ndei. Yienghmwnq sawjhawj vunz bienq simya, yied bienq yied ya, couh luj gij yauqmuj fat guh menqbauh he, dihdi he couh fat baenxbienh lo.

Gihduz Hawj Vunz Rox 4:4

Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

Hihbwzlaiz Saw 12:22

Hoeng, faenhsou nej, faenhsou dauq dwg ndaej bae daengz aen bya Cizanh, bae daengz aen singz yungjyenj lix dih Cangqdiq, couh dwg youq gwnzmbwn dih Yehluqsajlaengj Singz, bae daengz mwnq miz ciencien fanhfanh bouxcai Cangqdiq angq vaujvauq hwj doxcomz youq hih mwnq,

Hihbwzlaiz Saw 11:12

Sojhij, de, Yaqbwzlahhanj, aen ndang de caenh luj mij'z yungh lo, hoeng, dauq ndaej miz lwg miz lan lai luj gij ndaundeiq gwnzmbwn, luj gij sa henz haij.

Hijfuzsoj Saw 6:13

Sojhij ij dawz ij daiq ij daenj ndei Cangqdiq soj nyok hawj hih, guh ndei boux bing Cangqdiq yungjgamj he hwj ndaej youq mwh veizyiemj he ndaej dangx dizyinz, ndaej caeuq de hoenx daengxdaej, caemh ndwn ndaej gaenj.

Lizsij dih Gaihcij 49:10

Youzdaq gaem gienz mbouj rox duet, Vuengzdwngx mbouj liz song fawz de. Fanh guek cungj ij lau de, Couh ij nab doxgaiq hawj de; Fanh guek cungj ij sax de.

Gihduz Hawj Vunz Rox 5:11

Gyoengqde yienghneix ciengq le, gajlaeng, gou vanzlij caiq yawjraen caemh dingqri youq seiqhenz aen lungzeij mwnq caeuq seiq duz doenghduz mwnq caeuq doengh boux boux gangj vah couh baenz mwnq miz ciencien fanhfanh boux bouxcai Cangqdiq

Lizsij dih Gaihcij 13:16

Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.”

Gihduz Hawj Vunz Rox 7:8

Sihbuqlwnz cuz miz fanhngeih vunz, Yozswz cuz miz fanhngeih vunz, Benqyajminj cuz miz fanhngeih vunz.

Gihduz Hawj Vunz Rox 22:3

Aen singz neix mij gijmaz ngaiz souh daengz mang, aenvih ndaw singz neix miz aen lungzeij Cangqdiq caeuq duz yiengzlwg youq ndaw de. Bouxhoiq Cangqdiq caemh ij swqhaeuh Cangqdiq,