Gihduz Hawj Vunz Rox 7:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ “Faenhsou mbouj ndaej sienghaih dieg, haij caeuq faex; daengj raeuz sien yaenq aen cangh haeuj najbyak doenghheij hoiq Cangqdiq bae gaenq.”

Gihduz Hawj Vunz Rox 7:3 ပူးပေါင်းရင်းမြစ်များ

Gihduz Hawj Vunz Rox 22:4

caemh ndaej yawjraen de, gij coh de caemh gaengjdingq yaenq youq najbyak gyoengqde.

Gihduz Hawj Vunz Rox 9:4

Gajlaeng vanzlij dingqri miz sing raengq gyoengq daek, raengq mbouj hawj gyoengqde sienghaih nywj caeuq faex caeuq gak cungj doenghgo heu he, caenhgag ndaej sienghaih doenghheij vunz najbyak mbouj yaenq miz aen yaenq Cangqdiq he.

Gihduz Hawj Vunz Rox 20:4

Gajlaeng, gou caiq yawjraen miz geij aen lungzeij miz vunz naengh hwj, gyoengq vunz neix caemh ndaej miz gij gienz saemjbuenq he hwj. Gajlaeng, gou caiq yawjraen doenghgij hoenzsaenz doenghheij vih Yehsuh hwj guh cingqyinz caeuq vih cenzgangj gij vah Cangqdiq hwj ngaiz vunz raemj ndaek raeuj gat hih doenghheij vunz mwnq, yawjraen gyoengqde cungj ndaej dauqlix lo, cungj ndaej caeuq Gihduz itheij guh vuengz itcien bi. Doenghheij vunz neix, gyoengqde dwg mij baiq goq duz nyaen caeuq duz you nyaen, caemh mij youq najbyak cixnaeuz youq gwnz fawz yaenq miz gij geiqhauh he he.

Gihduz Hawj Vunz Rox 14:1

Gajlaeng gou caiq luj fangxngwnzloq yienghmwnq yawjraen duz yiengzlwg mwnq ndwn youq gwnz bya Cizanh. Caeuq duz de ndwn youq mwnq hih miz cibseiqfanx seiq vunz, najbyak gyoengqde cungj sij miz gij coh duz yiengzlwg mwnq caeuq gij coh daxboh de.

Gihduz Hawj Vunz Rox 13:16

Duz de vanzlij ep sojmiz hih vunz, mboujguenj dang ak cixnaeuz mij dang saek yiengh yaqyuij he, mboujguenj fouq cixnaeuz gungz, mboujguenj swqyouz cixnaeuz guh hoiq hih, cungj ij youq fawz gvaz cixnaeuz youq najbyak yaenq aen yaenq he guh geiqhauh.

Ok Ngaihgiz 12:13

Gij lwed gwnz begdou couh dwg geiqhauh faenhsou soj youq dih ranz. Gou baex raen lwed couh bienq goq faenhsou bae; gou gaj gij lwgdaeuz Ngaihgiz mwhde, mbouj ngaiz haih daengz faenhsou law.

Gihduz Hawj Vunz Rox 19:2

De dih saemjbuenq dwg gunghbingz gunghcingq hih, saedsaeh hih; de saemjbuenq boux lauxgawj geq haih baenx cenz lajmbwn mwnq, bang gij hoiq bonjfaenh ngaiz de haihrai boixhaemz.”

Gihduz Hawj Vunz Rox 6:6

Gajlaeng gou caiq dingqri youq ndaw seiq duz mwnq lujnaeuz miz sing naeuz: “Ngoenz he dih ngaenzhong cijngamq ndaej cawx it cingh hih mienh'iq; ngoenz he dih ngaenzhong cijngamq ndaej cawx sam cingh hih mienhhung. Youz caeuq laeuj mbouj ndaej luenh sai.”

Ok Ngaihgiz 12:23

aenvih Yehhozvaz ij lieb cenz Ngaihgiz, ij gaj gij lwgdaeuz Ngaihgiz; de lieb raen bakdou bouxlawz gwnz goemqdou caeuq song mbiengj begdou hoz miz lwed hih, couh bienq goq bae, mbouj hawj bouxcai de haeuj ndaw ranz mwnq bae gaj gij lwgdaeuz faenhsou.

Yozhanq Saw 12:26

Gou youq mwnqlaw, bouxhoiq gou caemh ij youq mwnqlaw. Couh dwg naeuz byawz siengj daeuj swqhaeuh gou hih, couh bietdingh ij daeuj gaen gou. Swqhaeuh gou hih vunz, daxboh gaengjdingq hawj de ndaej najrongh.”

Majdaiq Saw 24:22

Gou naeuz sou ni, doengh ngoenz cainanh neix, hauhnaeuz mbouj dwg Cangqdiq gemj bae nex, gaenhbaenj mij'z vunz ndaej lix roengzbae. Cangqdiq vih gij vunz de senj okdaeuj he, de couh gemj doengh ngoenz cainanh mwnq.”

Lozmaj Saw 6:22

Hoeng, seizneix faenhsou gaenq ndaej daj ndaw coih duet okdaeuj hwj guh Cangqdiq dih hoiq lo, ndaej guh boux hab'eiq habhoz Cangqdiq he dih vunz hwj ndaej seiqseiz lix lo.

Majdaiq Saw 24:31

Daengz mwhmwnq, gou couh hawj miz sing boq gywnhhauh yiengj, couh baij bouxcai gou bae daengz ciqgyaiq gak dieg bae heuh doenghgij vunz gou senj okdaeuj he daeuj doxcomz.”

Yozhanq Saw 3:33

Yiengq, hauhnaeuz miz vunz dingq de gangj hih, couh ndaej cingqmingz gyoengqde dwg nginh Cangqdiq dwg saedsaeh hih.

Gihduz Hawj Vunz Rox 7:1

Doenghgij saeh neix goq le, gajlaeng gou caiq luj fangxngwnzloq yienghmwnq yawjraen miz seiq boux bouxcai Cangqdiq ndwn youq lajmbwn, ndwn youq seiq mienh, it boux it mienh dangx seiq mienh hih rumz, dangx mbouj hawj rumz ci lajdoem, ci haij, caeuq ci faex.

Gihduz Hawj Vunz Rox 7:2

Gajlaeng, gou caiq yawjraen miz daixlingh boux bouxcai Cangqdiq dawz aen yaenq yungjyenj mbouj rox rai dih Cangqdiq daj baixdoeng daeuj, daeuj doiq seiq boux bouxcai ndaej miz gienz ndaej sienghaih dieg caeuq haij caeuq faex mwnq hemq naeuz:

Gihduz Hawj Vunz Rox 13:17

Aen yaenq geiqhauh neix couh dwg gij coh duz nyaen mwnq cixnaeuz dwg gij coh duz de dih hauqmaj. Famz mbouj yaenq miz aen yaenq neix hih vunz, mbouj ndaej hai mbouj ndaej cawx.

Gihduz Hawj Vunz Rox 14:9

Gajlaeng caiq miz daixsam boux bouxcai caemh gaen song boux bouxcai gaxgonq mwnq hemq goggog naeuz: “Byawz baiq duz nyaen caeuq baiq duz you nyaen, caeuq youq najbyak cixnaeuz youq gwnz fawz yaenq miz yaenq hih,