Gihduz Hawj Vunz Rox 7:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ aenvih youq cungqgyan dangqnaj henz aen lungzeij mwnq hih duz yiengzlwg ij ciengx gyoengqde, daiq gyoengqde bae daengz mwnq doenj raemx miz mingh he bae. Gyoengqde sojmiz hih raemxra, Cangqdiq caemh swk hawq hawj gyoengqde.”

Gihduz Hawj Vunz Rox 7:17 ပူးပေါင်းရင်းမြစ်များ

Yozhanq Saw 4:14

hoeng, famz gw goq gij raemx gou hawj he hih vunz couh ndaej yungjyenj mbouj rox hozhawq, aenvih gou hih gij raemx neix ij youq gwnz ndang de bienqbaenz aen cingjraemx riuz mbouj rox sat, hawj de ndaej seiqseiz lix.”

Yozhanq Saw 4:11

Boux vunzbaz mwnq dingq le, cam de naeuz: “Goengjau, mwngz cungj mij aen daekraemx hih haem, cingj caemhcix laeg; mwngz nwj bae ndaej aeu gij raemx hawj vunz ndaej seiqseiz lix he nej?

Gihduz Hawj Vunz Rox 22:1

Gajlaeng, bouxcai mwnq caiq hawj gou raen [2a]doenghheij diuz gai ndaw singz mwnq hih [1b]diuz he dih cungqgyan de miz diuz dah miz mingh he. Diuz dah neix dwg daj aen lungzeij Cangqdiq caeuq duz yiengzlwg mwnq riuz okdaeuj he. Gij raemx de cingx luj ceijsingh nwih. [2b]Song hamq dah de cungj miz go faex hawj vunz ndaej miz mingh he. Go de binaengz cungj dawz cibngeih dangq mak, it ndwen it dangq. Gij mbaw de ndaej guh yw hwj, ndaej yw lajmbwn sojmiz minzcuz hih vunz.

Gihduz Hawj Vunz Rox 21:4

Cangqdiq ij bang gyoengqde swk raemxra hawq liux bae, hawj gyoengqde mbouj caiq miz rai, miz siengsim, miz daej, miz indot, hawj doenghbaez hih saeh goq couh goq lo, mbouj caiq miz haem lo.”

Gihduz Hawj Vunz Rox 21:6

Gajlaeng de vanzlij doiq gou naeuz: “Guh sat lo! Gou dwg Ahlahfaz, gou dwg Ngozmeizgyaz; gou dwg gaihcij, gou dwg gatsat. Gou ij dawz gij raemx mboq miz mingh he begbeg soengq hawj gij vunz hozhawq he gw.

Yozhanq Saw 10:11

“Gou dwg boux ciengxyiengz ndei he, dwg vih yiengz hwj sijndaej diuz mingh bonjfaenh hih.

Yozhanq Saw 10:14

“Gou dwg boux ciengxyiengz ndei he. [15a]Cingq luj boh rox gou, gou caemh rox boh. [14b]Caemh doxdoengz, gou rox gij yiengz gou, gij yiengz gou caemh rox gou. [15b]Gou nyienh'eiq vih gyoengqde hwj sijndaej diuz mingh gou.

Gihduz Hawj Vunz Rox 5:6

Gajlaeng gou caiq yawjraen duz yiengzlwg luj ngaiz vunz gaj goq he ndwn youq gaenh aen lungzeij baixndaw seiq duz doenghduz mwnq; gwnz ndang de miz caet gij gok caeuq caet cehra, couh dwg baij bae daengz ciqgyaiq gak dieg dih caet gij Hoenzsaenz Cangqdiq he.

Majdaiq Saw 2:6

Dieg Youzdaiq dih Bwzliqhaengz Singz hax, mwngz gaenhbaenj mbouj dwg youq dieg Youzdaiq dih gak aen singz dih aen ceiq iq ceiq yaez he, aenvih ij miz goengjvuengz he dajlaeng mwngz ok daeuj daiq gij vunz Cangqdiq, Hijswzlez vunz.”

Gihduz Hawj Vunz Rox 4:11

“Bouxcawj raeuz, Cangqdiq raeuz, mwngz dwg boiqndaej najrongh, ing'yungz caeuq gaem gienz he, aenvih mwngz cauh liux sojmiz hih; sojmiz hih cungj dwg ciuq mwngz dih cawjeiq hwj ndaej cauh ndaej miz he.”

Bijdwz It 5:2

faenhsou ij ciengx ndei gyoengq yiengz Cangqdiq gyau hawj faenhsou he, ij ciuq Cangqdiq dih cawjeiq guenj ndei gyoengqde; mbouj ndaej hozgwg, cix mbouj ndaej vih cienzcaiz, dauq ij dwg nyienh'eiq caensim hwj ciengx he cij deng.

Geiq Dwzbaijyienz 20:28

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

Majdaiq Saw 5:4

“Siengsim hih vunz hax, miz fuk lo, aenvih Cangqdiq couh ij vued de lo.

Yozhanq Saw 4:10

Gajlaeng Yehsuh han naeuz: “Hauhnaeuz mwngz rox Cangqdiq siengj hawj mwngz gijmaz caeuq rox seizneix cam mwngz aeu raemx ma gw hih dwg byawz nex, mwngz cungj senqsi cix gouz de lo; de caemh senqsi cix hawj gij raemx hawj vunz ndaej seiqseiz lix he lo.”

Gihduz Hawj Vunz Rox 14:4

Doenghheij vunz neix cungj dwg mijyaengz yaek haeuj laeng vunzbaz bae goq he hih vunzsai. Gyoengq vunz neix cungj dwg daj ndaw gij vunz lajmbwn cueg ma gvi haeuj Cangqdiq caeuq gvi haeuj duz yiengzlwg hih daixit buek he. Gyoengqde mboujguenj duz yiengzlwg bae daengz mwnqlaw, gyoengqde cungj caemh gaen bae daengz mwnqlaw.

Gihduz Hawj Vunz Rox 21:22

Hoeng, gou mij yawjraen ndaw singz neix miz cangqbungz Cangqdiq, aenvih akak rengzrengz gaiqgaiq cungj ndaej guh daengz dih Cangqdiq bouxcawj caeuq duz yiengzlwg couh dangq dwg aen cangqbungz lo.

Gihduz Hawj Vunz Rox 21:23

Aen singz neix mboujyungh gyangjngoenz caeuq aen ndwen rongh nej, aenvih miz gij ronghndongq Cangqdiq caeuq miz duz yiengzlwg dangq dwg aen singz neix hih daeng he.