Gihduz Hawj Vunz Rox 7:15 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁵ Sojhij, gyoengqde ndwn youq dangqnaj aen lungzeij Cangqdiq, caemh youq aen cangqbungz Cangqdiq fungh baixndaw ngwnzngoenz swqhaeuh Cangqdiq. Boux naengh youq aen lungzeij mwnq caemh baujhuq gyoengqde,

Gihduz Hawj Vunz Rox 7:15 ပူးပေါင်းရင်းမြစ်များ

Gihduz Hawj Vunz Rox 22:3

Aen singz neix mij gijmaz ngaiz souh daengz mang, aenvih ndaw singz neix miz aen lungzeij Cangqdiq caeuq duz yiengzlwg youq ndaw de. Bouxhoiq Cangqdiq caemh ij swqhaeuh Cangqdiq,

Gohlimzdoh Ngeih 6:16

Duz you ij baenzlawz ndaej coengq youq gunghdenq Cangqdiq nej? Gyoengqraeuz dwg gunghdenq seiqseiz lix dih Cangqdiq, cingq luj Cangqdiq naeuz: Gou ij caeuq gij vunz gou doxcaeuq youq, gou ij caeuq gyoengqde miz laizvangj. Gou ij guh gyoengqde dih Cangqdiq, gyoengqde caemh ij guh gij vunz gou.

Hihbwzlaiz Saw 12:2

Gyoengqraeuz caemh wnggai dawz singjsaenz coengq youq gwnz ndang Yehsuh, aenvih de dwg daiq daeuz hawj gyoengqraeuz sinq he, caeuq hawj gyoengqraeuz ndaej gyenhciz sinq raixcaix he. De vih miz gij engqgya angq he hwj daengj de he, de couh naenxsim mbouj dawz de ngaiz ding hwnj gwnz gyaq cixcib bae rai hih dangqbaenz dwg gij saetnaj saetnyaenq he. Seizneix de gaenq ndaej naengh youq baixgvaz Cangqdiq lo.

Yozhanq Saw 1:14

Gij vah Cangqdiq bienqbaenz miz lwed miz noh hih vunz; de youq laeng gyoengqraeuz youq. Gyoengqraeuz yawjraen gij rongh de, gij veijdaq de; gij rongh neix couh dwg daeglwg dog Cangqdiq Bohmbwn cij ndaej he. De dwg sinq ndaej goq he, haijliengh raixcaix he, gig aiq vunz he.

Gihduz Hawj Vunz Rox 22:5

Aen singz neix mbouj caiq miz doengxhaemh; gyoengqde mboujyungh daeng caeuq gyangjngoenz, aenvih gij rongh Cangqdiq bouxcawj ndaej ciuq rongh hawj gyoengqde. Gyoengqde caemh ij yungjyenj guh vuengz.

Gihduz Hawj Vunz Rox 11:19

Couh youq mwh gyoengqde yienghneix haenh naeuz hih mwhde, aen cangqbungz gwnzmbwn Cangqdiq fungh baixndaw hoi lo; aen gvih coengq miz baengzgawq ndaw cangqbungz mwnq yienh sagsag lo. Gajlaeng, couh miz byajmyig byajraez byagcaej, miz sing yiengj rumxrumx, cix miz deihdoengh.

Gihduz Hawj Vunz Rox 7:9

Gajlaeng gou caiq yawjraen miz baenxbienh vunz, geq cungj hoj geq ndaej liux he, daj ciqgyaiq gak guek, gak cuz, gak minzcuz, gak mwnq vunz gangj mbouj doengz hih vah daeuj. Gyoengqde daenj buh bieg, fawz caemh dawz mbaw faex luj mbaw bingqbeiz he hwj ndwn youq dangqnaj aen lungzeij caeuq duz yiengzlwg

Gihduz Hawj Vunz Rox 4:4

Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

Hihbwzlaiz Saw 8:1

Gyoengqraeuz gwnz neix soj gangj daengz hih ceiq cungqyauq hih dwg, gyoengqraeuz saedsaeh miz boux goengjsae dajbwiz daeuzdaeuz he, Yehsuh; de gaenq naengh youq gwnzmbwn baixgvaz akak rengzrengz dih Cangqdiq lo.

Gohlimzdoh It 3:16

Nanzdauh faenhsou mbouj rox faenhsou dangq dwg gunghdenq Cangqdiq, Hoenzsaenz Cangqdiq youq ndaw faenhsou youq mah?

Ok Ngaihgiz 29:45

Gou ij youq ndaw Hijswzlez vunz youq, guh gyoengqde dih Cangqdiq.

Gihduz Hawj Vunz Rox 20:10

Coemx gyoengqde hih fangzvuengz ngaiz gveng haeuj mwnq liuzvangz dawz feiz bae, couh dwg mwnq duz nyaen caeuq boux gyaj hih boux cenz gij vah Cangqdiq youq he. Youq mwnq ngwnzngwnz ngoenzngoenz yungjyungj yenjyenj souh haemz souh hoj mbouj dingz.

Gihduz Hawj Vunz Rox 4:8

Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Gihduz Hawj Vunz Rox 4:9

Moix it mbat roeb daengz seiq duz mwnq haenh najrongh ing'yungz docih cungj dwg gvi hawj boux seiqseiz lix hih boux naengh youq aen lungzeij mwnq hih mwhde,

Gihduz Hawj Vunz Rox 13:6

Duz nyaen mwnq ndaej miz doenghgij neix le, couh gaihcij gangj gij vah daekcoih Cangqdiq he, yawj mbouj hwnj Cangqdiq caeuq yawj mbouj hwnj aen cangqbungz Cangqdiq caeuq yawj mbouj hwnj sojmiz youq gwnzmbwn youq he,

Gihduz Hawj Vunz Rox 21:22

Hoeng, gou mij yawjraen ndaw singz neix miz cangqbungz Cangqdiq, aenvih akak rengzrengz gaiqgaiq cungj ndaej guh daengz dih Cangqdiq bouxcawj caeuq duz yiengzlwg couh dangq dwg aen cangqbungz lo.