Gihduz Hawj Vunz Rox 6:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Gyoengqde yienghneix hemq naeuz le, gajlaeng gijgij hoenzsaenz cungj ndaej diuz buhbauz bieg he. Gajlaeng, caiq miz sing doiq doenghheij hoenzsaenz mwnq naeuz, hawj gyoengqde caiq daengjdaengj, daengj daengz doenghheij caeuq gyoengqde doxdoengz swqhaeuh Cangqdiq dih doenghheij beixbeix nuengxnuengx caemh ij ngaiz gaj he daeuj caeuq gyoengqde ndaej gaeuq soq le cij ndaej.

Gihduz Hawj Vunz Rox 6:11 ပူးပေါင်းရင်းမြစ်များ

Gihduz Hawj Vunz Rox 7:9

Gajlaeng gou caiq yawjraen miz baenxbienh vunz, geq cungj hoj geq ndaej liux he, daj ciqgyaiq gak guek, gak cuz, gak minzcuz, gak mwnq vunz gangj mbouj doengz hih vah daeuj. Gyoengqde daenj buh bieg, fawz caemh dawz mbaw faex luj mbaw bingqbeiz he hwj ndwn youq dangqnaj aen lungzeij caeuq duz yiengzlwg

Gihduz Hawj Vunz Rox 14:13

Couh youq mwhneix, gou caiq dingqri miz sing daj gwnzmbwn naeuz: “Mwngz ij dawz doenghgij vah laj neix sij hwnjdaeuj, couh dwg: ‘Daj seizneix hwnj, doenghheij gvi haeuj bouxcawj raeuz hih vunzrai hih miz fuk lo!’” Gajlaeng gou dingqri Hoenzsaenz Cangqdiq han naeuz: “Deng lo! Mbouj loek! Seizneix gyoengqde ndaej souhong yietbaeg lo, aenvih gyoengqde soj guh hih caemh gaengjdingq ndaej yangjcouq.”

Gihduz Hawj Vunz Rox 7:14

Gajlaeng gou han boux de naeuz: “Goengjau, mwngz rox hih.” Gajlaeng boux de couh naeuz: “Doenghheij vunz neix dwg dunghgoq daixnanh, dwg daj ndaw nanh gouq okdaeuj hih, dwg yungh gij lwed duz yiengzlwg ma swiq gij buh gyoengqde hwj bieg hih.

Hihbwzlaiz Saw 11:40

aenvih Cangqdiq hawj gyoengqde daeuj caeuq gyoengqraeuz itheij yangjcouq de vih gyoengqraeuz hwj nganhbaiz gij engqgya ndei he. Yienghneix gyoengqde cij ndaej hab'eiq habhoz Cangqdiq liuxliux.

Yozhanq Saw 16:2

aenvih couh ij miz vunz boenq faenhsou ok veiqdangz bae lo, simqciq ij gaj faenhsou, hoeng, gyoengqde vanzlij naemqnaeuz yienghneix guh dwg swqhaeuh Cangqdiq hih lah. Mwhneix hih couh ij daengz lo.

Gihduz Hawj Vunz Rox 17:6

Gajlaeng gou caiq yawjraen boux vunzbaz mwnq gw gij lwed gij vunz Cangqdiq vih Yehsuh hwj guh cingqyinz ngaiz rai he fiz lo. Gou yawjraen de yienghneix le, couh doeksaet ij rai bae.

Gihduz Hawj Vunz Rox 13:15

Duz de vanzlij miz gienz ndaej hawj gij heiq miz mingh he ndaenj haeuj laeng duz you nyaen mwnq bae, ndaej hawj duz you nyaen mwnq gangj vah, caemh hawj doenghheij vunz mbouj baiq duz you nyaen mwnq ngaiz rai.

Majdaiq Saw 10:21

“Gou caiq naeuz sou ni, faenhsou caemh ij ngaiz gij vunz ndaw ranz bonjfaenh cuzmaiq, beixnuengx haih beixnuengx, bohmeh caeuq lwg doxmiz haemzcaeuz, doxhaih rai.

Luqgyah Saw 15:22

Hoeng, daxboh de dauq doiq bouxhoiq naeuz: ‘Vaiqdi maj dawz diuz buh ceiq ndei he daeuj hawj daeglwg iq gou daenj, caemh daenj haedfawz hawj de, caiq aeu haiz hawj de daenj haem,

Geiq Dwzbaijyienz 20:24

Hoeng mboujguenj baenzlawz yiengh, cungj mbouj ndaej laengz gou; diuz mingh gou doiq gou ma gangj gaenhbaenj mbouj suenq guxmaz, cijaeu byaij sat diuz roen gou, couh dwg guh ndei gij hong bouxcawj raeuz Yehsuh gyau hawj gou hih, ndaej cenzgangj Cangqdiq haijliengh aiq vunz dih ndei siuhsiz couh ndaej lo.

Dezsajloznizgyah Ngeih 1:7

caemh gaengjdingq hawj faenhsou doenghheij ngaiz souh daengz nanh hih ndaej caeuq gyoengqraeuz doxdoengz ndaej bingzan. Daengz mwh bouxcawj raeuz Yehsuh Gihduz caeuq bouxcai ak de youq ndaw feiz daj gwnzmbwn yienh okdaeuj hih mwhde,

Dizmohdaiq Ngeih 4:7

Gou dih saenghhoz caemh luj ywnqdungqyienz bijcaiq; gou gaenq camhgyah ciengz bijcaiq mwnq lo, caiq caemh ndaej ndei caemh caiq sat lo. Couh dwg naeuz gou baenxseiq cungj caensim swqhaeuh Cangqdiq he.

Hihbwzlaiz Saw 4:10

Aenvih mboujguenj byawz, ndaej miz faenh yangjcouq gij yietbaeg Cangqdiq hih, boux de couh dwg ndaej dingz hong yietbaeg lo, cingq luj Cangqdiq yienghmwnq dingz hong hwj yietbaeg yienghmwnq.

Hihbwzlaiz Saw 12:23

bae daengz mwnq miz gij lwgdaeuz Cangqdiq doxcomz hih mwnq; gij coh gyoengqde gaenq daengh youq gwnzmbwn de lo. Faenhsou dwg ndaej bae daengz saemjbuenq vunzlai dih Cangqdiq mwnq, bae daengz gwnzmbwn doenghheij hoenzsaenz youq ndaw lwgra Cangqdiq suenq dwg mij'z coih he, dwg hab'eiq habhoz de liuxliux he,

Gihduz Hawj Vunz Rox 10:6

yinx laeng boux cauh mbwn cauh deih, cauh haij caeuq cauh sojmiz hih seiqseiz lix dih Cangqdiq bae fazsiq baujcingq naeuz: “Cizgyenh daengz lo!