Gihduz Hawj Vunz Rox 5:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Gihduz Hawj Vunz Rox 5:9 ပူးပေါင်းရင်းမြစ်များ

Yozhanq It 1:7

Yiengq, caiq hauhnaeuz gyoengqraeuz goq dih saedceij cungj dwg rongh sagsag he, luj Cangqdiq youq ndaw rongh yienghmwnq, gyoengqraeuz couh ndaej doxgaep guh buek vunz he lo, gij lwed daeglwg de Yehsuh caemh dawz gij coih raeuz swiq cengh lo.

Majdaiq Saw 26:28

Gij neix dwg daiqbiuj gij lwed gou, dwg daiqbiuj Cangqdiq yiengq vunz dinghlaeb dih baujcingq lienz diuzgyenq. Gij lwed gou dwg vih mienx coih vunz lai hwj ngaiz riuz hih.

Gihduz Hawj Vunz Rox 14:6

Gajlaeng gou vanzlij caiq yawjraen miz boux bouxcai Cangqdiq he mbin youq gwnzmbwn. De miz seiqseiz mbouj rox bienq dih ndei siuhsiz ij cenz hawj lajmbwn sojmiz hih vunz, mboujguenj aen gueklaw, aen minzcuzlaw, aen cuzlaw, gangj gijmaz vah, de cungj cenz.

Gohlimzdoh It 6:20

Aenvih faenhsou dwg Cangqdiq yungh gauhgyaq cueg ma he, sojhij faenhsou wnggai youq gwnz ndang faenhsou yienh ok gij ndei he, mbouj hawj Cangqdiq saetnaj, wnggai hawj de najrongh.

Gihduz Hawj Vunz Rox 5:12

hemq goggog naeuz: Ngaiz gaj goq hih yiengzlwg boiqndaej gaem gienz, Boiqndaej fouqmiz, Boiqndaej coengjmingz, Boiqndaej miz rengz, Boiqndaej ing'yungz, Boiqndaej najrongh caeuq haenh.

Gihduz Hawj Vunz Rox 4:11

“Bouxcawj raeuz, Cangqdiq raeuz, mwngz dwg boiqndaej najrongh, ing'yungz caeuq gaem gienz he, aenvih mwngz cauh liux sojmiz hih; sojmiz hih cungj dwg ciuq mwngz dih cawjeiq hwj ndaej cauh ndaej miz he.”

Geiq Dwzbaijyienz 20:28

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

Majdaiq Saw 20:28

Caemh luj Vunz dih Daiqbiuj daeuj ityiengh; de mbouj dwg daeuj hawj vunz swqhaeuh de nej, dauq dwg daeuj swqhaeuh vunz lah. Mbouj danhcij naeuz dwg yienghneix, vanzlij dwg bang vunz cueg coih hwj ngaiz vwt mingh lah.”

Gihduz Hawj Vunz Rox 5:6

Gajlaeng gou caiq yawjraen duz yiengzlwg luj ngaiz vunz gaj goq he ndwn youq gaenh aen lungzeij baixndaw seiq duz doenghduz mwnq; gwnz ndang de miz caet gij gok caeuq caet cehra, couh dwg baij bae daengz ciqgyaiq gak dieg dih caet gij Hoenzsaenz Cangqdiq he.

Dizdoh Saw 2:14

De vih ij cueg raeuz, hawj raeuz ndaej duet ok sojmiz hih doenghgij doegdoeg siebsieb he hwj sijndaej diuz mingh bonjfaenh, hawj raeuz ndaej guh boux youq ndaw lwgra Cangqdiq suenq dwg boux mij'z coih he, hawj raeuz ndaej gvi haeuj de, hawj gyoengqraeuz ndaej bienqbaenz boux haenj guh ndeisaeh he.

Bijdwz Ngeih 2:1

Doenghbaez youq Hijswzlez miz boux gyaj hih boux cenz gij vah Cangqdiq; caemh doxdoengz, baezneix faenhsou ndaw de caemh ij miz boux gyaj hih gyauqveiq lauxsae he ok daeuj, gangj gij vah coemx vunz he, daeuj gangj gij caeuq gij saedsaeh Cangqdiq doxngig he, hawj vunz satsoq he. Gyoengqde mbouj nginh gouq gyoengqde dih bouxcawj mwnq; couh vih yienghneix, sawjhawj gyoengqde satsoq engqgya vaiq.

Gohlozsih Saw 1:14

hawj gyoengqraeuz ndaej baengh de aiq hih lwg hwj ndaej cueg gij coih gyoengqraeuz, ndaej mienx coih, ndaej swqyouz.

Hijfuzsoj Saw 1:7

De baenxlai aiq baenxlai haijliengh, simqciq sijndaej daeglwg dog de vih cueg gij coih gyoengqraeuz hwj riuz lwed.

Yozhanq It 2:2

Yehsuh aeu rai ma cueg gij coih gyoengqraeuz. De mboujdanh caenhgag vih gyoengqraeuz cueg coih, vanzlij caemh vih baenx cenz lajmbwn hih vunz cueg coih.

Gohlimzdoh It 7:23

Gou naeuz sou hax, faenhsou dwg Cangqdiq yungh gauhgyaq cueg faenhsou ma hih, sojhij faenhsou gaejyungh bienqbaenz guh gij hoiq vunz.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Gihduz Hawj Vunz Rox 11:9

Gij seihaiz song boux de baij youq mwnq sam ngoenz buenq, mbouj hawj vunz dawz bae moek, coengq hwj lajmbwn mboujguenj guxmaz vunz cungj ndaej raen: gak minzcuz hah, gak aen cuz hah, gak gangj mbouj doengz hih vah hah, gak guek hah cungj miz vunz raen gij seihaiz song boux de.

Hihbwzlaiz Saw 11:14

Luj gyoengqde miz cungj daiqduq neix hih vunz, dwg cingqmingz gyoengqde siengj gag miz mwnq dieg bonjfaenh he.

Gohlozsih Saw 1:23

Hoeng faenhsou bietdingh ij baujciz sinq faenhsou soj sinq hih, mbouj doeknaiq hwj sinq gij ndei siuhsiz mwh faenhsou ngamq dingq daengz couh sinq he hih, caemh mbouj ndaej hawj vunz ingjyangj faenhsou hwj lumz gij fuk ndei siuhsiz hawj vunz miz muengh he. Gij ndei siuhsiz neix seizneix gaenq cenz bae baenx cenz lajmbwn lo; gou Baujloz couh dwg bouxhoiq Cangqdiq cenz gij ndei siuhsiz neix he lo.

Hijfuzsoj Saw 5:19

Faenhsou wnggai caensim ciengq gij go ndaw Singqgingh, gij go haenh Cangqdiq caeuq ciengq Hoenzsaenz Cangqdiq hawj raeuz angq hwj haenh hih gij go he ma doxgujliq.

Gihduz Hawj Vunz Rox 10:11

Gajlaeng bouxcai mwnq caiq doiq gou naeuz: “Mwngz bietdingh ij dawz gij vah Cangqdiq gvanhhih lajmbwn sojmiz hih vunz hih saeh cenzgangj naeuz vunz ni; mboujguenj aen minzcuzlaw, aen gueklaw, goeng'aklaw, gangj guxmaz vah, cungj ij cenzgangj.”

Gihduz Hawj Vunz Rox 13:7

caemh bae hoenx gij vunz Cangqdiq, caemh hoenx ndaej goq, caemh bae guenjciq lajmbwn sojmiz hih minzcuz, gak aen cuz hah, gak gangj mbouj doxdoengz hih vah hah, gak guek hih vunz hah.

Gihduz Hawj Vunz Rox 15:3

ciengq gij go Mohsih bouxhoiq Cangqdiq caeuq gij go duz yiengzlwg. Gyoengqde ciengq naeuz: Akak rengzrengz gaiqgaiq cungj ndaej guh daengz dih Cangqdiq bouxcawj hax! Mwngz soj guh hih cix veijdaq cix geizmiuj! Fanh guek dih vuengz hax! Mwngz dih guhfap cix deng cix saedsaeh!

Gihduz Hawj Vunz Rox 17:15

Gajlaeng, bouxcai vanzlij caiq doiq gou naeuz: “Mwngz yawjraen boux lauxgawj mwnq soj naengh hih geij diuz dah mwnq couh dwg daiqbiuj gak cungj vunz, gak aen minzcuz, gak aen guek, gak gangj mbouj doengz hih vah he.