Gihduz Hawj Vunz Rox 4:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Gihduz Hawj Vunz Rox 4:8 ပူးပေါင်းရင်းမြစ်များ

Gihduz Hawj Vunz Rox 1:8

Bouxcawj raeuz Cangqdiq naeuz: “Gou dwg Ahlahfaz, gou dwg Ngozmeizgyaz; gou dwg boux gaxgonq seizneix baezneix yungjyenj miz dih akak rengzrengz gaiqgaiq cungj ndaej guh daengz dih Cangqdiq.”

Gihduz Hawj Vunz Rox 4:6

Dangqnaj aen lungzeij mwnq miz aen haij bohliz he myig myiengzmyiengz luj ceijsingh nwih. Seiqhenz aen lungzeij mwnq couh dwg ngeihseiq aen eij caeuq lungzeij dih cungqgyan de miz seiq duz doenghduz; doengh duz de dangqnaj baixlaeng cungj miz ra.

Hihbwzlaiz Saw 13:8

Dwzbez dwg Yehsuh Gihduz; de mboujguenj seizlawz, ngoenzlwenz cixnaeuz ngoenzneix cixnaeuz daengz yungjyenj, cungj dwg doxdoengz.

Ok Ngaihgiz 15:11

Yehhozvaz hax, miz maz cwnz ndaej luj mwngz, Luj mwngz yienghmwnq miz vi najrongh, Hawj vunz haenh, hawj vunz lau, Ndaej guh gij geizmiuj he?

Gihduz Hawj Vunz Rox 15:3

ciengq gij go Mohsih bouxhoiq Cangqdiq caeuq gij go duz yiengzlwg. Gyoengqde ciengq naeuz: Akak rengzrengz gaiqgaiq cungj ndaej guh daengz dih Cangqdiq bouxcawj hax! Mwngz soj guh hih cix veijdaq cix geizmiuj! Fanh guek dih vuengz hax! Mwngz dih guhfap cix deng cix saedsaeh!

Gihduz Hawj Vunz Rox 11:17

naeuz: “Gaxgonq, seizneix dih Cangqdiq, akak rengzrengz gaiqgaiq cungj ndaej guh daengz dih Cangqdiq bouxcawj, gyoengqraeuz docih mwngz, aenvih mwngz guh vuengz gaem gienz.

Gihduz Hawj Vunz Rox 16:7

Gajlaeng gou caiq dingqri miz sing daj aen luz dajbwiz han naeuz: “Deng lo! Akak rengzrengz gaiqgaiq cungj ndaej guh daengz dih Cangqdiq bouxcawj hax, mwngz dih saemjbuenq dwg goengbingz hih, dwg saedsaeh hih!”

Gihduz Hawj Vunz Rox 7:15

Sojhij, gyoengqde ndwn youq dangqnaj aen lungzeij Cangqdiq, caemh youq aen cangqbungz Cangqdiq fungh baixndaw ngwnzngoenz swqhaeuh Cangqdiq. Boux naengh youq aen lungzeij mwnq caemh baujhuq gyoengqde,

Lizsij dih Gaihcij 17:1

Yaqbwzlanz ndaej goujcib gouj bi mwhde, Yehhozvaz yienh hawj de raen, doiq de naeuz: “Gou dwg akak rengzrengz cauh gwnzmbwn caeuq lajdeih sojmiz hih gaiqgaiq cungj ndaej guh daengz dih Cangqdiq. Mwngz ijaeu dingq gou gaen gou, ij guh boux vunz cix soh cix lauxsaed he.

Gihduz Hawj Vunz Rox 21:22

Hoeng, gou mij yawjraen ndaw singz neix miz cangqbungz Cangqdiq, aenvih akak rengzrengz gaiqgaiq cungj ndaej guh daengz dih Cangqdiq bouxcawj caeuq duz yiengzlwg couh dangq dwg aen cangqbungz lo.

Gihduz Hawj Vunz Rox 19:15

Conghbak de hamz miz fag giemq raeh rwdrwd he, gij byai giemq de dwg yiengq doxok he. De dwg yungh fag giemq neix ma hoenxhingz lajmbwn sojmiz hih guek, yungh mbaenq diet ma guenjciq gyoengqde, caemh caij benj gij buzdauz ndaw ciz, yienghneix ndaej yienh ok akak rengzrengz gaiqgaiq cungj ndaej guh daengz dih Cangqdiq dih aeuqheiq.

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Gihduz Hawj Vunz Rox 1:4

Gou, Yozhanq, sij saenq hawj Yaqsiqyaq Saengj caet aen gyauqveiq. Muengh boux gaxgonq seizneix baezneix yungjyenj miz dih Cangqdiq caeuq youq dangqnaj aen lungzeij de hih caet gij hoenzsaenz

Gihduz Hawj Vunz Rox 4:4

Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

Gohlimzdoh Ngeih 6:18

Gou ij guh daxboh faenhsou, faenhsou caemh ij guh gij lwg gou. Gij vah neix dwg gou, akak rengzrengz dih Cangqdiq gangj hih.

Gihduz Hawj Vunz Rox 16:14

Doenghheij fangz mwnq rox doeng loengh sae loengh doenghgij geizmiuj he. Gyoengqde ok bae cimh lajmbwn sojmiz hih vuengz, cimh gyoengqde hawj gyoengqde doxcomz hwj cwnjbiq daengz ngoenz akak rengzrengz gaiqgaiq cungj ndaej guh daengz hih Cangqdiq saemjbuenq vunz lajmbwn hih ngoenz dwzbez mwnq doxhoenx.

Gihduz Hawj Vunz Rox 14:11

Gyemz dawz gyoengqde hih feiz yungjyenj mbouj rox maet. Doenghheij baiq duz nyaen caeuq baiq duz you nyaen hih caeuq doenghheij yaenq miz gij coh duz nyaen hih gyoengqde ngwnzngoenz cungj mbouj ndaej an'onj.”

Dizmohdaiq Ngeih 4:2

mingqlingq mwngz ij cenzgangj Cangqdiq dih ndei siuhsiz, mboujguenj seizlaw, fung mbouj fungbienh, caemh ij naiqsim bihbingz vunz, naeuz vunz, gienq vunz; mboujguenj guxmaz cungj ij son aeu.

Dizmohdaiq It 4:16

Mwngz ij siengzseiz cuqhiq daengz bonjfaenh, gangj vah hah, guh saeh hah, caeuq mwngz soj son hih, cungj ij wnggai cuqhiq. Gou doiq mwngz soj gangj hih, mwngz ijaeu guh daengz, mbouj ndaej doeknaiq. Yienghneix mbouj danhcij naeuz ndaej gouq bonjfaenh, caemh vanzlij ndaej gouq doenghheij vunz dingq mwngz gangj he.

Dezsajloznizgyah It 2:9

Gak boux beixnuengx hax, faenhsou gaengjdingq ndaejgeiq gyoengqraeuz, vih ij dawz gij ndei siuhsiz Cangqdiq cenz hawj faenhsou, guh hwj gyoengqraeuz ngwnzngoenz cungj dwgrengz guh hong, vih mbouj siengj hawj faenhsou ciengx gyoengqraeuz rap gyoengqraeuz.

Geiq Dwzbaijyienz 20:31

Sojhij, faenhsou ij siujsim, ijaeu ndaejgeiq, youq ndaw sam bi neix gou ngwnzngoenz mbouj dingz hih riuz raemxra, mbouj dingz hih naeuz faenhsou, son faenhsou.

Ok Ngaihgiz 3:14

Yiengq Cangqdiq han naeuz: “Gou couh dwg boux gag miz seiqseiz miz he.” De caiq doiq Mohsih naeuz: “Mwngz ij yienghneix doiq gij vunz Hijswzlez naeuz: ‘Boux gag miz mwnq baij gou daeuj laeng faenhsou dineix lah.’”

Gihduz Hawj Vunz Rox 4:9

Moix it mbat roeb daengz seiq duz mwnq haenh najrongh ing'yungz docih cungj dwg gvi hawj boux seiqseiz lix hih boux naengh youq aen lungzeij mwnq hih mwhde,

Gihduz Hawj Vunz Rox 5:6

Gajlaeng gou caiq yawjraen duz yiengzlwg luj ngaiz vunz gaj goq he ndwn youq gaenh aen lungzeij baixndaw seiq duz doenghduz mwnq; gwnz ndang de miz caet gij gok caeuq caet cehra, couh dwg baij bae daengz ciqgyaiq gak dieg dih caet gij Hoenzsaenz Cangqdiq he.

Gihduz Hawj Vunz Rox 6:1

Gajlaeng gou yawjraen duz yiengzlwg mwnq mbek caet mwnq lab fung gienj saw mwnq hih daixit mwnq hih mwhde, gou dingqri seiq duz doenghduz mwnq hih duz he gij sing de luj byajraez nwih naeuz: “Daeuj!”

Gihduz Hawj Vunz Rox 6:6

Gajlaeng gou caiq dingqri youq ndaw seiq duz mwnq lujnaeuz miz sing naeuz: “Ngoenz he dih ngaenzhong cijngamq ndaej cawx it cingh hih mienh'iq; ngoenz he dih ngaenzhong cijngamq ndaej cawx sam cingh hih mienhhung. Youz caeuq laeuj mbouj ndaej luenh sai.”

Gihduz Hawj Vunz Rox 7:11

Gyoengq cai Cangqdiq caemh ndwn youq seiqhenz aen lungzeij caeuq gyoengq boux gangj vah couh baenz he caeuq seiq duz doenghduz mwnq, naj yiengq aen lungzeij bae baiqsax Cangqdiq,

Gihduz Hawj Vunz Rox 14:3

Gyoengqde youq dangqnaj aen lungzeij Cangqdiq caeuq youq dangqnaj seiq duz doenghduz caeuq gyoengq vunz gangj vah couh baenz mwnq ciengq gij go moq. Diuz go moq neix, caenhgag doenghheij daj lajmbwn cueg ma hih, couh dwg cibseiqfanx seiq hih doenghheij vunz neix, hag ndaej rox ciengq sat hoh.

Gihduz Hawj Vunz Rox 15:7

Yiengq seiq duz doenghduz mwnq hih duz he dawz caet aen vanj gim hawj caet boux bouxcai mwnq; aen'aen vanj gim cungj coux rim seiqseiz lix dih Cangqdiq dih gij aeuqheiq de.

Gihduz Hawj Vunz Rox 19:4

Gij sing mwnq yienghneix hemq le, gou caiq yawjraen ngeihseiq boux vunz gangj vah couh baenz mwnq caeuq seiq duz doenghduz mwnq couh bomz sax naengh youq aen lungzeij mwnq dih Cangqdiq; gyoengqde naeuz: “Ahmaenz! Hahliqluqyaq!”