Gihduz Hawj Vunz Rox 3:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Sojhij mwngz ijaeu ndaejgeiq mwngz soj dingq soj hag hih, cungj ij ciuq bae guh, caemh ij nginh loek gaijgoq. Hauhnaeuz mwngz mbouj singqsag goqdaeuj nex, gou couh luj bouxcaeg yienghmwnq sawqmwh bae daengz mwngz mwnq; gou seizlaw bae daengz mwngz mwnq, mwngz gaenhbaenj mbouj rox.

Gihduz Hawj Vunz Rox 3:3 ပူးပေါင်းရင်းမြစ်များ

Gihduz Hawj Vunz Rox 2:5

Mwngz gag ngeixngeix yawj, mwngz bienq vaih daengz yienghlaw bae lo. Mwngz ij nginh loek gaijgoq, ij dauqyungz luj gaxgonq yienghmwnq miz aiqsim hwj bae guh saeh. Mbouj nex, gou couh bae mwngz mwnq, dawz aen gyaqdaeng mwngz daj mwnq yienzlaiz he dawz deuz.

Bijdwz Ngeih 3:10

Mboujgoq, bouxcawj raeuz dauq daeuj hih ngoenz mwnq, couh luj bouxcaeg sawqmwh daeuj daengz yienghmwnq. Mwhde aen mbwn couh yiengj ndaek sing hung he couh byaeu liux, gwnzmbwn sojmiz hih cungj ngaiz feiz coemh siu liux. Diqgiuz caeuq gwnz diqgiuz sojmiz hih cungj ngaiz feiz coemh byaeu liux.

Dezsajloznizgyah It 5:2

aenvih faenhsou gaenq rox, bouxcawj raeuz dauq daeuj hih mwhde, caenh luj bouxcaeg yienghmwnq sawqmwh singjngwnz daeuj daengz.

Gihduz Hawj Vunz Rox 16:15

Gajlaeng gou couh dingqri miz sing naeuz: “Aex! Yawj bax! Gou daeuj dwg luj bouxcaeg yienghmwnq sawqmwh caegcaeg daeuj daengz. Boux singqsag hih, siengzseiz raek buh youq henz ndang hih miz fuk lo! Aenvih boux de mbouj ngaiz loxgenz loxgangh byaij hawj vunz raen le ngaiz saetnaj saetnyaenq.”

Majdaiq Saw 25:13

Yehsuh gangj daengz dineix le, couh naeuz: “Sojhij, faenhsou ij siengzseiz daezsingj, aenvih gou dauq daeuj hih ngoenz de, faenhsou gaenhbaenj mbouj rox ngoenzlawz, seizlawz.”

Hihbwzlaiz Saw 2:1

Sojhij, gyoengqraeuz ij engqgya louzsim gyoengqraeuz soj dingq daengz hih saedsaeh, mienxndaej ngaiz lumz ngaiz vwt gij saedsaeh neix.

Dizmohdaiq It 6:20

Dizmohdaiq hax, mwngz ij gyenhciz baujhuq ndei Cangqdiq soj gyau hawj mwngz hih; mbouj ndaej cimyex haeuj doenghheij gangj rumz gangj rengx hwj mbouj dawz haeuj rwz Cangqdiq he, caeuq caeuq saedsaeh doxbyonj doxeuq doxceng hih gag naemqnaeuz bonjfaenh rox raixcaix hih.

Majgoj Saw 13:36

Yiengq, hauhnaeuz de sawqmwh ma nej, gaejyungh hawj de raen faenhsou ralaep lo.

Majgoj Saw 13:33

Faenhsou ij siujsim, ij singqsag, aenvih faenhsou mbouj rox ngoenz mwnq seizlaw daeuj daengz.

Gihduz Hawj Vunz Rox 3:19

Famz dwg gou aiq hih, gou cungj naeuz cungj guenj. Sojhij mwngz mbouj ndaej caiq mbouj caep mbouj ndat haem lo; ij ndat hwnjdaeuj cij ndaej, caemh ij nginh loek gaijgoq.

Bijdwz Ngeih 3:1

Cinhngaiq dih gak boux beixnuengx hax, gou seizneix sij daixngeih fung saenq hawj faenhsou. Gou sij hih song fung saenq cungj dwg daezsingj faenhsou, gujliq faenhsou, hawj faenhsou swhsiengj gyenqgangh,

Gihduz Hawj Vunz Rox 3:11

Gou naeuz mwngz ni, gou couh ij daeuj daengz lo. Mwngz ij baux ndei mwngz soj miz hih, mienxndaej ngaiz vunz dued aeu gij cangjbyimj mwngz ijvanh ndaej daengz hih.

Gihduz Hawj Vunz Rox 2:25

Hoeng, faenhsou ij gyenhciz sinq gij saedsaeh Cangqdiq, itcig gyenhciz daengz gou daeuj.

Bijdwz Ngeih 1:13

Gou naemj hax, gou vanzlij dwg cijaeu gou vanzlij lix youq ngoenz he, couh ij wnggai siengzseiz daezsingj faenhsou, hawj faenhsou ndaejgeiq,

Dizmohdaiq Ngeih 1:13

Mwngz ij geiq ndei gou soj son mwngz hih, caemh ij ciuq gou soj son mwngz hih ma son vunz, caemh ij baengh Yehsuh Gihduz caeuq de nyok hawj mwngz dih aiq hwj ma son vunz.

Gihduz Hawj Vunz Rox 3:2

Sojhij mwngz ij singqsag goqdaeuj, dawz mwngz lij lw hih ij rai senxsenx hih fuk hwnjdaeuj, hoenz hwnjdaeuj bax, aenvih gou raen mwngz soj guh hih mij saek yiengh ndaej youq ndaw lwgra Cangqdiq gou suenq dwg guh ndaej liux he.

Gihduz Hawj Vunz Rox 22:7

Gajlaeng gou couh dingqri Yehsuh naeuz: “Yawj hux, gou couh ij daeuj lo! Famz ciuq gij vah ndaw saw neix bae guh hih miz fuk lo!”