Gihduz Hawj Vunz Rox 3:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Sojhij mwngz ij singqsag goqdaeuj, dawz mwngz lij lw hih ij rai senxsenx hih fuk hwnjdaeuj, hoenz hwnjdaeuj bax, aenvih gou raen mwngz soj guh hih mij saek yiengh ndaej youq ndaw lwgra Cangqdiq gou suenq dwg guh ndaej liux he.

Gihduz Hawj Vunz Rox 3:2 ပူးပေါင်းရင်းမြစ်များ

Bijdwz It 5:8

Mboujgoq faenhsou ij siujsim, ij daezfuengz dizyinz fangzvuengz faenhsou; de luj duz guk iek maenj humxhumx dauqcawq byaij bae byaij dauq cimh vunz gyan gw he, de caemh dwg cauh baenz hawj vunz miz nanh he.

Gihduz Hawj Vunz Rox 16:15

Gajlaeng gou couh dingqri miz sing naeuz: “Aex! Yawj bax! Gou daeuj dwg luj bouxcaeg yienghmwnq sawqmwh caegcaeg daeuj daengz. Boux singqsag hih, siengzseiz raek buh youq henz ndang hih miz fuk lo! Aenvih boux de mbouj ngaiz loxgenz loxgangh byaij hawj vunz raen le ngaiz saetnaj saetnyaenq.”

Bijdwz It 4:7

Sojmiz hih couh ij daengz gatsat lo, sojhij faenhsou ij siujsim ij baujciz daezsingj, gag rox haed bonjfaenh, yienghneix couh ndaej haemq ndei gouzhaenh Cangqdiq lo.

Geiq Dwzbaijyienz 18:23

Daengz Anhdizah Singz le, de youq mwnq youq duenh he, gajlaeng youhcaiq bae daixlingh mwnq, bae fueng Gyahlahdaiq caeuq fueng Fozlijgyah, byaij doengh fueng mwnq goqdoh, dauqcawq bae bang gyoengq lwgsae, hawj gyoengqde ij gyenhciz sinq Cangqdiq, yungjyenj mbouj bienq sim.

Majdaiq Saw 25:13

Yehsuh gangj daengz dineix le, couh naeuz: “Sojhij, faenhsou ij siengzseiz daezsingj, aenvih gou dauq daeuj hih ngoenz de, faenhsou gaenhbaenj mbouj rox ngoenzlawz, seizlawz.”

Gihduz Hawj Vunz Rox 2:4

Hoeng, miz gienh saeh he, gou ij naeuz mwngz, couh dwg naeuz mwngz mbouj luj gaxgonq yienghmwnq miz aiqsim laem lo.

Majdaiq Saw 23:5

Gyoengqde soj guh hih cungj dwg guqiq guh hawj vunz yawj he; gyoengqde dawz hab coux Singqgingh mwnq guqiq guh hung hwj, raek youq gwnz fawz cixnaeuz najbyak, caemh youq gij foh bingbuh gya raez hwj, siengj hawj vunz naemqnaeuz gyoengqde gig yawjnaek fazliz dih gveihdingq.

Gihduz Hawj Vunz Rox 3:1

Boux de vanzlij caiq naeuz: “Mwngz ij sij saenq hawj bouxcai Sajdiz gyauqveiq; mwngz ij yienghneix sij naeuz: Boux miz caet gij Hoenzsaenz Cangqdiq caeuq miz caet aen ndaundeiq hih naeuz: Gou rox mwngz soj guh hih; gou caemh rox, gannaeuz miz vunz naeuz mwngz dwg lix hih, hoeng, gizsaed mwngz dauq dwg rai hih!

Gihduz Hawj Vunz Rox 3:3

Sojhij mwngz ijaeu ndaejgeiq mwngz soj dingq soj hag hih, cungj ij ciuq bae guh, caemh ij nginh loek gaijgoq. Hauhnaeuz mwngz mbouj singqsag goqdaeuj nex, gou couh luj bouxcaeg yienghmwnq sawqmwh bae daengz mwngz mwnq; gou seizlaw bae daengz mwngz mwnq, mwngz gaenhbaenj mbouj rox.

Majdaiq Saw 25:7

“Miz vunz hemq naeuz yienghneix le, doengh dah lwgsau mwnq couh hwnq lo, caemh dawz daeng diuz hwnjdaeuj lai rongh lo.