Gihduz Hawj Vunz Rox 3:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Gou caemh rox mwngz gag naeuz: ‘Gou fouqmiz hwx, gaenq fatcaiz lo; gijmaz cungj miz.’ Hoeng, gou naeuz mwngz hax, mwngz gaenhbaenj mbouj rox bonjfaenh mwngz baenxlai camj, baenxlai siliengz, baenxlai gungz, ra cix fangz, cix mij'z buh daenj, loxgenz loxgangh.

Gihduz Hawj Vunz Rox 3:17 ပူးပေါင်းရင်းမြစ်များ

Gihduz Hawj Vunz Rox 2:9

Gou rox mwngz souh nanh caemh gungz, hoeng gizsaed mwngz dwg fouqmiz hih. Gou caemh rox, doenghheij gag naeuz bonjfaenh dwg Youzdaiq vunz hih bangjlaih mwngz—gizsaed gyoengqde gaenhbaenj mbouj dwg Youzdaiq vunz, dauq dwg buek vunz Sajdanq fangzvuengz lah.

Lozmaj Saw 7:24

Gou saedsaeh simnyap ij rai! Byawz ndaej gouq gou duet ok gij ndangnoh hawj gou rai hih nej?

Luqgyah Saw 1:53

De hawj boux iek gw ndei gw imq, Hawj boux fouq boux miz baet fawz hoengq maj.

Majdaiq Saw 9:12

Yehsuh dingqri gij vah neix le, couh yungh gij beijgangj he ma naeuz: “Ndang cangq hih vunz mboujyungh canghyw nej; yungh canghyw hih cungj dwg doenghheij vunz miz bingh he lah.

Gihduz Hawj Vunz Rox 16:15

Gajlaeng gou couh dingqri miz sing naeuz: “Aex! Yawj bax! Gou daeuj dwg luj bouxcaeg yienghmwnq sawqmwh caegcaeg daeuj daengz. Boux singqsag hih, siengzseiz raek buh youq henz ndang hih miz fuk lo! Aenvih boux de mbouj ngaiz loxgenz loxgangh byaij hawj vunz raen le ngaiz saetnaj saetnyaenq.”

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.

Lizsij dih Gaihcij 3:7

Song boux de gw le, couh majcangq singqsag hwnjdaeuj; singqsag hwnjdaeuj le, laixlawz cij rox naeuz bonjfaenh yienzlaiz dwg loxgenz loxgangh he. Gajlaeng gyoengqde couh aeu mbaw faex hung, couh dwg mbaw go uzvahgoj, aeu ma neb hwj dangj bonjfaenh.

Bijdwz Ngeih 1:9

Hoeng, hauhnaeuz faenhsou mbouj miz doenghgij byimjdwz neix nex, faenhsou couh dwg ginqciqyenj yawj mbouj ndaej gyae, couh dangq rafangz lo, yawj mbouj raen Yehsuh Gihduz vih faenhsou soj guh hih saeh lo, lumz gaxgonq bonjfaenh faenhsou dih coih gaenq ndaej duet lo.

Majdaiq Saw 5:3

“Mbouj rasang yawjhwnj Cangqdiq hih vunz hax, miz fuk lo, aenvih de dwg haeuj guek Cangqdiq hih.

Luqgyah Saw 6:24

“Hoeng, fouq hih vunz hax, faenhsou satsoq lo, aenvih faenhsou gaenq ndaej faenh faenhsou lo.

Ok Ngaihgiz 32:35

Aenvih gyoengq vunz hawj Yaqlwnz cauh cwzlwg ma baiq, sojhij, Yehhozvaz couh hawj gyoengqde miz nanh.

Lozmaj Saw 11:25

Gak boux beixnuengx hah, gou muengh faenhsou rox gij saeh nanz neix, mienxndaej faenhsou cungj gag naemqnaeuz bonjfaenh rem raixcaix. Gij saeh nanz neix couh dwg: Miz mbangj hih Hijswzlez vunz simgyeng nga'ngangq, hoeng, daengj daengz gij vunz linghvaih minzcuz Cangqdiq soj senj hih vunz cungj ndaej gaep haeuj aen guek de le,

Lozmaj Saw 11:20

Gij vah neix deng hih, mbouj loek law. Gyoengqde ngaiz raemj roengzma dwg aenvih gyoengqde mbouj sinq; mwngz ndaej ciep hwnjbae dwg aenvih mwngz sinq. Hoeng, mwngz mbouj ndaej daekeiq, dauq ij lau Cangqdiq;

Gihduz Hawj Vunz Rox 3:16

Aenvih mwngz luj raemx raeuj remxremh yienghmwnq, mbouj caep mbouj ndat mij'z yungh, sojhij gou ij daj ndaw bak gou byiq mwngz okdaeuj.