Gihduz Hawj Vunz Rox 3:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Gou naeuz mwngz ni, gou couh ij daeuj daengz lo. Mwngz ij baux ndei mwngz soj miz hih, mienxndaej ngaiz vunz dued aeu gij cangjbyimj mwngz ijvanh ndaej daengz hih.

Gihduz Hawj Vunz Rox 3:11 ပူးပေါင်းရင်းမြစ်များ

Yajgoz Saw 1:12

Dingx ndaej gaujniemq hih vunz dwg miz fuk hih, aenvih de dunghgoq gaujniemq ndaej gaeuqgwz le, couh cangjliq ndaej seiqseiz lix dih gij najrongh mwnq lo; gij najrongh neix dwg bouxcawj raeuz baujcingq hawj gij vunz aiq de he.

Gihduz Hawj Vunz Rox 22:12

Youq ndaw loq gou, gou caiq dingqri Yehsuh naeuz: “Yawj bax, gou couh ij daeuj lo! Daengz mwhde, gou ij ciuq gak vunz soj guh hih ma bauqwngq gak vunz.

Gihduz Hawj Vunz Rox 2:10

Gou naeuz mwngz ni, mwngz gaej lau mwngz ij ngaiz souh daengz hih nanh, couh dwg fangzvuengz ij dawz faenhsou ndaw de geij boux bae gyaeng, bae sawq, bwkhaih cib ngoenz. Mwngz cungj ij gyenhciz, rai cungj mbouj lau; yienghmwnq gou couh nyok cangjbyimj hawj mwngz ndaej seiqseiz lix.

Gihduz Hawj Vunz Rox 2:25

Hoeng, faenhsou ij gyenhciz sinq gij saedsaeh Cangqdiq, itcig gyenhciz daengz gou daeuj.

Dizmohdaiq Ngeih 4:8

Youq gwnzmbwn gaenq cwnjbiq cangjbyimj ij hawj gou lo, couh dwg hawj gij vunz simndei simsoh he. Gij cangjbyimj neix dwg boux ndwn ndaej cingq saemjbuenq vunz hih bouxcawj raeuz soengq hawj he, dwg de dauq daeuj hih ngoenz mwnq soengq hawj hih. Mbouj danhcij naeuz soengq hawj gou, vanzlij ij soengq hawj sojmiz muengh de dauq daeuj hih vunz.

Dizmohdaiq Ngeih 2:5

Caemh doxdoengz, ywnqdungqyienz bijcaiq bietdingh ij soenhsouj bijcaiq dih gveihswz, yienghmwnq cij ndaej hingz, ndaej cangjliq.

Gihduz Hawj Vunz Rox 22:20

Boux cingqmingz doenghgij saeh neix hih boux mwnq caiq naeuz: “Deng lo, gou couh ij daeuj lo.” Ahmaenz! Yehsuh bouxcawj raeuz hax, gou muengh mwngz daeuj!

Gihduz Hawj Vunz Rox 1:3

Doeg bonj saw neix hih vunz caeuq dingq daengz ndaw saw neix soj sij hih gij vah Cangqdiq hih caemh ciuq ndaw de soj naeuz hih yienghmwnq bae guh hih vunz miz fuk lo, aenvih mwhde couh ij daengz lo.

Gihduz Hawj Vunz Rox 4:10

ngeihseiq boux boux gangj vah couh baenz mwnq cungj gvih bomz roengz dangqnaj boux seiqseiz lix hih boux naengh youq aen lungzeij mwnq bae sax de, caemh duet aen gyokraeuj gim coengq youq dangqnaj aen lungzeij mwnq hwj haenh naeuz:

Gohlimzdoh It 9:25

Yiengq, famz camhgyah bijcaiq hih vunz cungj ij dunghgoq yiemzgwz ywnqlenq. Gyoengqde yienghneix guh cijmboujgoq dwg siengj hingz ndaej gij cangjbyimj rox naeuh rox lanh hih lah; hoeng, gyoengqraeuz siengj hingz hih gij cangjbyimj mwnq dauq dwg yungjyenj mbouj rox naeuh hih.

Gihduz Hawj Vunz Rox 3:3

Sojhij mwngz ijaeu ndaejgeiq mwngz soj dingq soj hag hih, cungj ij ciuq bae guh, caemh ij nginh loek gaijgoq. Hauhnaeuz mwngz mbouj singqsag goqdaeuj nex, gou couh luj bouxcaeg yienghmwnq sawqmwh bae daengz mwngz mwnq; gou seizlaw bae daengz mwngz mwnq, mwngz gaenhbaenj mbouj rox.

Gihduz Hawj Vunz Rox 4:4

Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

Gihduz Hawj Vunz Rox 2:13

Gou rox, gannaeuz mwngz youq mwnq Sajdanq fangzvuengz soj guenjciq hih deixfueng lah, hoeng mwngz vanzlij dwg gyenhciz mbouj yiem gou, mbouj vwt gou, simqciq mwh Anhdizbaq boux sinq ndaej goq neix dih boux cingqyinz gou youq faenhsou mwnq, couh dwg youq Sajdanq soj youq hih deixfueng, ngaiz gaj hih mwhde, mwngz vanzlij gyenhciz sinq gou, mbouj doeknaiq.

Gihduz Hawj Vunz Rox 22:7

Gajlaeng gou couh dingqri Yehsuh naeuz: “Yawj hux, gou couh ij daeuj lo! Famz ciuq gij vah ndaw saw neix bae guh hih miz fuk lo!”

Yajgoz Saw 5:9

Gak boux beixnuengx hax, gaejyungh boux ienq boux lo, mienxndaej faenhsou ngaiz saemjbuenq. Hawjm'z yawj lux, boux saemjbuenq vunz hih couh ndwn youq bakdou faenhsou lo.

Feihlizbij Saw 4:5

Faenhsou caemh ij hawj vunz rox faenhsou dwg soh semxsemh hih; faenhsou caemh ijaeu ndaejgeiq, bouxcawj raeuz couh ij daeuj lo.

Gihduz Hawj Vunz Rox 16:15

Gajlaeng gou couh dingqri miz sing naeuz: “Aex! Yawj bax! Gou daeuj dwg luj bouxcaeg yienghmwnq sawqmwh caegcaeg daeuj daengz. Boux singqsag hih, siengzseiz raek buh youq henz ndang hih miz fuk lo! Aenvih boux de mbouj ngaiz loxgenz loxgangh byaij hawj vunz raen le ngaiz saetnaj saetnyaenq.”