Gihduz Hawj Vunz Rox 3:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Aenvih mwngz gyenhciz ciuq gou gangj hih yienghmwnq bae guh, sojhij daengz baezneix lajmbwn sojmiz hih vunz cungj souh daengz daixnanh, cungj ngaiz sawq hih mwhde, gou gaengjdingq ij baujhuq mwngz.

Gihduz Hawj Vunz Rox 3:10 ပူးပေါင်းရင်းမြစ်များ

Bijdwz Ngeih 2:9

Couh vih yienghneix hwj couh ndaej cingqmingz Cangqdiq rox baenzlaw gouq doengh boux yawjnaek de he duet ok nanh, de caemh rox baenzlaw dawz doenghheij vunz vaih he gven haeuj ndaw fad vunz mwnq bae, hawj gyoengqde youq mwnq ngaiz souh daengz mbouj dingz hih fad hwj daengj daengz ngoenz saemjbuenq.

Gihduz Hawj Vunz Rox 14:12

Hoeng gangj daengz doenghheij soenhsouj Cangqdiq dih mingqlingq, sinq Yehsuh hih doenghheij vunz Cangqdiq, gyoengqde ijaeu gyenhciz naenxsim.

Gihduz Hawj Vunz Rox 2:10

Gou naeuz mwngz ni, mwngz gaej lau mwngz ij ngaiz souh daengz hih nanh, couh dwg fangzvuengz ij dawz faenhsou ndaw de geij boux bae gyaeng, bae sawq, bwkhaih cib ngoenz. Mwngz cungj ij gyenhciz, rai cungj mbouj lau; yienghmwnq gou couh nyok cangjbyimj hawj mwngz ndaej seiqseiz lix.

Gohlimzdoh It 10:13

Mboujgoq, faenhsou roeb daengz ngaiz yaeuh ngaiz longx hwj famh coih hih, cungj dwg caeuq sojmiz hih vunz ngaiz yaeuh ngaiz longx hih doxdoengz lah. Hoeng, Cangqdiq dwg sinq ndaej goq hih; de gaengjdingq mbouj hawj faenhsou ngaiz souh daengz yaeuh longx hwj dingx mbouj ndaej law. Dauq dwg youq mwh faenhsou ngaiz yaeuh ngaiz longx hih mwhde, hawj rengz hawj faenhsou, hawj faenhsou ndaej dingx ndaej goq, hawj faenhsou hoi diuz roen he lah.

Bijdwz It 4:12

Cinhngaiq dih gak boux beixnuengx hax, faenhsou gaejyungh vih roeb daengz nanh dih gaujniemq hwj geizheih, lujnaeuz yienghneix mbouj dwg cingqcangz he,

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Majdaiq Saw 6:13

Caemh muengh raeuz mbouj ngaiz yungx bae guh vaihsaeh; Gouq gyoengqraeuz duet ok boux simdoeg simsieb mwnq. [Aenvih caenhgag mwngz cij dwg vuengz, cij miz gienz, cij boiqndaej vunz haenh, yungjyenj haenh roengzbae. Ahmaenz.]

Gihduz Hawj Vunz Rox 13:10

Ij ngaiz gaemh dawz hih vunz gaengjdingq ngaiz gaemh dawz; ij ngaiz giemq ndaemq rai hih gaengjdingq ij ngaiz rai youq bakgyiemq. Sojhij naeuz dwg gij vunz Cangqdiq hih ijaeu miz naenxsim caeuq miz sinqsim.

Hijfuzsoj Saw 6:13

Sojhij ij dawz ij daiq ij daenj ndei Cangqdiq soj nyok hawj hih, guh ndei boux bing Cangqdiq yungjgamj he hwj ndaej youq mwh veizyiemj he ndaej dangx dizyinz, ndaej caeuq de hoenx daengxdaej, caemh ndwn ndaej gaenj.

Gihduz Hawj Vunz Rox 8:13

Gajlaeng gou caiq yawjraen miz duz yiuh he mbin youq gwnzmbwn, caemh dingqri duz de hemq naeuz: “Satsoq lo! Satsoq lo! Lajmbwn hih vunz satsoq lo! Vanzlij miz sam boux bouxcai haem couh ij boq lo!”

Gihduz Hawj Vunz Rox 6:10

hemq goggog naeuz: “Veijdaq dih caenhgag mwngz cij dwg caencwnz dih Cangqdiq hax, ij daengj daengz seizlaw mwngz cij saemjbuenq doenghgij vunz gaj raeuz he, hawj gyoengqde bauqwngq dawz nej?”

Gihduz Hawj Vunz Rox 17:8

Mwngz yawjraen hih duz nyaen neix doenghbaez dwg lix hih, hoeng, seizneix gaenq rai lo. Duz de couh ij daj ndaw vaengz he hwnj daeuj, gajlaeng caiq byaij haeuj gij satsoq he bae. Lajmbwn doenghheij dajlwh cauh mbwn cauh deih doxdaeuj gij coh mij ndaej daengh haeuj ndaw bonjbouh miz mingh he bae hih vunz raen duz doenghbaez lix, seizneix rai, gajlaeng caiq dauqlix hih duz nyaen mwnq cungj geizheih ij rai.

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Majdaiq Saw 26:41

Faenhsou ij baujciz cinghsingj, mbouj dingz hih gouz Cangqdiq; daengz mwhde cij mbouj ngaiz guh loek. Aenvih gou rox ndaw sim faenhsou gannaeuz nyienh'eiq luj gou yienghneix naeuz lah, hoeng, aen ndang faenhsou nyieg, guh mbouj daengz hax.”

Majdaiq Saw 24:14

Daengz mwhmwnq, guek Cangqdiq dih ndei siuhsiz cenz baenx cenz lajmbwn, hawj sojmiz hih vunz cungj rox. Gajlaeng cij daengz ciqgyaiq dih ngoenz gatsat.”

Lozmaj Saw 1:8

Youq dineix, gou vih faenhsou hwj dunghgoq Yehsuh Gihduz daeuj docih Cangqdiq, aenvih faenhsou sinq Gihduz dih sinqsim gaenq cenz bae baenx cenz lajmbwn lo.

Gihduz Hawj Vunz Rox 11:10

Lajmbwn hih vunz cungj vih song boux de ngaiz rai hwj angq ij rai, cungj doxsoengq laex, aenvih song boux cenz gij vah Cangqdiq neix hawj gij vunz lajmbwn souh nanh goq.

Majgoj Saw 14:9

Gou saedsaeh naeuz sou ni, mboujguenj Cangqdiq dih ndei siuhsiz cenz bae daengz lajmbwn hih goklaw, boux vunzbaz neix soj guh hih saeh caemh gaengjdingq miz vunz cenz bae daengz goklaw, vunz caemh gaengjdingq ndaejgeiq de.”

Luqgyah Saw 2:1

Youq Yozhanq seng ndaej mbouj geij caez hih mwh he, goengjvuengz Lozmaj, Yezgujswqduz, mingqlingq naeuz ij yinzgouj bujcaz, sojhij Lozmaj sojmiz dih vunz cungj ij daenghgiq.

Yajgoz Saw 3:12

Go uzvahgoj ndaej dawz makmbi maz? Go buzdauz ndaej dawz uzvahgoj haz? Mboq raemx ndaengq mbouj ok raemx diemz.

Yozhanq Saw 17:6

“Mwngz senj hawj gou hih vunz, gou gaenq naeuz hawj gyoengqde ni, hawj gyoengqde rox mwngz lo. Baenjlaiz gyoengqde dwg gij vunz mwngz hih, hoeng, mwngz dawz gyoengqde soengq hawj gou lo; gyoengqde caemh dingq gij vah mwngz hwj.

Dizmohdaiq Ngeih 2:12

Hauhnaeuz gyoengqraeuz gyenhciz sinq de mbouj doeknaiq, Gyoengqraeuz couh ndaej caeuq de dang vuengz lo. Yiengq, caiq hauhnaeuz gyoengqraeuz mbouj nginh de nex, De caemh mbouj nginh raeuz lo.

Gihduz Hawj Vunz Rox 3:8

Gou rox mwngz soj guh hih; gannaeuz mwngz rengz noix lah, hoeng, mwngz dauq gyenhciz ciuq gou soj gangj hih yienghmwnq bae guh, caemh nginh dwg lwgsae gou, mbouj yiem gou. Sojhij gou youq dangqnaj mwngz hoi aen dou he hawj mwngz; aen dou neix dwg mij'z vunz ndaej haep hih.

Gihduz Hawj Vunz Rox 14:6

Gajlaeng gou vanzlij caiq yawjraen miz boux bouxcai Cangqdiq he mbin youq gwnzmbwn. De miz seiqseiz mbouj rox bienq dih ndei siuhsiz ij cenz hawj lajmbwn sojmiz hih vunz, mboujguenj aen gueklaw, aen minzcuzlaw, aen cuzlaw, gangj gijmaz vah, de cungj cenz.

Gihduz Hawj Vunz Rox 16:14

Doenghheij fangz mwnq rox doeng loengh sae loengh doenghgij geizmiuj he. Gyoengqde ok bae cimh lajmbwn sojmiz hih vuengz, cimh gyoengqde hawj gyoengqde doxcomz hwj cwnjbiq daengz ngoenz akak rengzrengz gaiqgaiq cungj ndaej guh daengz hih Cangqdiq saemjbuenq vunz lajmbwn hih ngoenz dwzbez mwnq doxhoenx.

Gihduz Hawj Vunz Rox 17:2

Gou naeuz mwngz ni, lajmbwn hih vuengz cungj caeuq de guhyoux, lajmbwn hih vunz cungj caemh luj gw laeuj fiz yienghmwnq caeuq de guh ndaeng guh ndwet.”