Gihduz Hawj Vunz Rox 22:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Gajlaeng gou couh dingqri Yehsuh naeuz: “Yawj hux, gou couh ij daeuj lo! Famz ciuq gij vah ndaw saw neix bae guh hih miz fuk lo!”

Gihduz Hawj Vunz Rox 22:7 ပူးပေါင်းရင်းမြစ်များ

Gihduz Hawj Vunz Rox 3:11

Gou naeuz mwngz ni, gou couh ij daeuj daengz lo. Mwngz ij baux ndei mwngz soj miz hih, mienxndaej ngaiz vunz dued aeu gij cangjbyimj mwngz ijvanh ndaej daengz hih.

Gihduz Hawj Vunz Rox 1:3

Doeg bonj saw neix hih vunz caeuq dingq daengz ndaw saw neix soj sij hih gij vah Cangqdiq hih caemh ciuq ndaw de soj naeuz hih yienghmwnq bae guh hih vunz miz fuk lo, aenvih mwhde couh ij daengz lo.

Gihduz Hawj Vunz Rox 22:20

Boux cingqmingz doenghgij saeh neix hih boux mwnq caiq naeuz: “Deng lo, gou couh ij daeuj lo.” Ahmaenz! Yehsuh bouxcawj raeuz hax, gou muengh mwngz daeuj!

Gihduz Hawj Vunz Rox 22:12

Youq ndaw loq gou, gou caiq dingqri Yehsuh naeuz: “Yawj bax, gou couh ij daeuj lo! Daengz mwhde, gou ij ciuq gak vunz soj guh hih ma bauqwngq gak vunz.

Gihduz Hawj Vunz Rox 16:15

Gajlaeng gou couh dingqri miz sing naeuz: “Aex! Yawj bax! Gou daeuj dwg luj bouxcaeg yienghmwnq sawqmwh caegcaeg daeuj daengz. Boux singqsag hih, siengzseiz raek buh youq henz ndang hih miz fuk lo! Aenvih boux de mbouj ngaiz loxgenz loxgangh byaij hawj vunz raen le ngaiz saetnaj saetnyaenq.”

Gihduz Hawj Vunz Rox 1:11

“Mwngz ij dawz mwngz soj yawjraen hih sij hwnjdaeuj, fak bae hawj Hijfuzsoj Singz hih gyauqveiq hah, Swqmeijnaz Singz hih gyauqveiq hah, Bezgyahmoh Singz hih gyauqveiq hah, Deihyajdeihlah Singz hih gyauqveiq hah, Sajdiz Singz hih gyauqveiq hah, Feihlahdezfeih Singz hih gyauqveiq hah, Laujdijgyah Singz hih gyauqveiq hah, caet aen gyauqveiq neix.”

Gihduz Hawj Vunz Rox 2:16

Sojhij, gou naeuz hax, mwngz ij wnggai nginh loek gaijgoq; mbouj nex, gou couh ij bae laeng mwngz mwnq, yungh fag giemq ndaw bak gou ma hoenx gyoengqde.

Gihduz Hawj Vunz Rox 3:3

Sojhij mwngz ijaeu ndaejgeiq mwngz soj dingq soj hag hih, cungj ij ciuq bae guh, caemh ij nginh loek gaijgoq. Hauhnaeuz mwngz mbouj singqsag goqdaeuj nex, gou couh luj bouxcaeg yienghmwnq sawqmwh bae daengz mwngz mwnq; gou seizlaw bae daengz mwngz mwnq, mwngz gaenhbaenj mbouj rox.

Gihduz Hawj Vunz Rox 22:18

Gou, Yozhanq, gingjgauq sojmiz dingq daengz yawj daengz gou soj sij hih doenghgij vah neix hih vunz: hauhnaeuz miz vunz doeng gya sae gya gijmaz vah haeujbae nex, Cangqdiq gaengjdingq dawz gij nanh sij youq ndaw de gya hawj boux de.

Gihduz Hawj Vunz Rox 22:19

Yiengq, caiq hauhnaeuz miz vunz gemj gij vah ndaw de bae nex, Cangqdiq caemh gaengjdingq gemj mbouj hawj boux de ndaej gij fuk gij mak go faex hawj vunz miz mingh he caeuq gij fuk aen singz ndei liuxliux mwnq.

Gihduz Hawj Vunz Rox 22:21

Muengh Yehsuh bouxcawj raeuz doiq gij vunz Cangqdiq haijliengh! Ahmaenz.