Gihduz Hawj Vunz Rox 22:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Aen singz neix mbouj caiq miz doengxhaemh; gyoengqde mboujyungh daeng caeuq gyangjngoenz, aenvih gij rongh Cangqdiq bouxcawj ndaej ciuq rongh hawj gyoengqde. Gyoengqde caemh ij yungjyenj guh vuengz.

Gihduz Hawj Vunz Rox 22:5 ပူးပေါင်းရင်းမြစ်များ

Gihduz Hawj Vunz Rox 20:4

Gajlaeng, gou caiq yawjraen miz geij aen lungzeij miz vunz naengh hwj, gyoengq vunz neix caemh ndaej miz gij gienz saemjbuenq he hwj. Gajlaeng, gou caiq yawjraen doenghgij hoenzsaenz doenghheij vih Yehsuh hwj guh cingqyinz caeuq vih cenzgangj gij vah Cangqdiq hwj ngaiz vunz raemj ndaek raeuj gat hih doenghheij vunz mwnq, yawjraen gyoengqde cungj ndaej dauqlix lo, cungj ndaej caeuq Gihduz itheij guh vuengz itcien bi. Doenghheij vunz neix, gyoengqde dwg mij baiq goq duz nyaen caeuq duz you nyaen, caemh mij youq najbyak cixnaeuz youq gwnz fawz yaenq miz gij geiqhauh he he.

Lozmaj Saw 5:17

Gannaeuz rai dwg youz boux vunz dog famh coih yinxhwnj hih lah, hoeng, Yehsuh Gihduz boux vunz dog soj guh hih mbouj engqgya haz! Sojhij doenghheij nyienh'eiq sou Cangqdiq dih aiq hwj bienqbaenz boux mij'z coih hih vunz cungj ndaej dunghgoq Yehsuh Gihduz boux vunz dog hwj ndaej giengz goq coih caeuq rai.

Gihduz Hawj Vunz Rox 11:15

Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”

Gihduz Hawj Vunz Rox 3:21

Doenghheij ndaej hingz hih vunz, gou couh ij nyok hawj de miz gienz ndaej caeuq gou itheij naengh youq aen lungzeij gou, caemh luj gou ndaej hingz le caeuq daxboh gou itheij naengh youq aen lungzeij de yienghmwnq.

Dizmohdaiq Ngeih 2:12

Hauhnaeuz gyoengqraeuz gyenhciz sinq de mbouj doeknaiq, Gyoengqraeuz couh ndaej caeuq de dang vuengz lo. Yiengq, caiq hauhnaeuz gyoengqraeuz mbouj nginh de nex, De caemh mbouj nginh raeuz lo.

Majdaiq Saw 25:34

“Faen ndei le, guh goengjvuengz hih couh doiq gyoengq youq baixgvaz de naeuz: ‘Doenghheij boh gou soengq fuk hawj faenhsou he hax, daeuj bax, daeuj ciep aeu daj mijyaengz cauh mbwn cauh deih cix cwnjbiq ndei hawj faenhsou hih aen guek neix bax!

Gihduz Hawj Vunz Rox 18:23

caemh mbouj caiq miz daeng rongh haem caeuq mbouj caiq miz sing aeu bawx haq sau haem lo. Gaxgonq gij vunz mwngz guh seng'eiq dwg lajmbwn ceiq lek he; lajmbwn sojmiz hih vunz cungj ngaiz gij fap mwngz haeuj liux, moengx liux.

Majdaiq Saw 25:46

“Luj yienghneix hih vunz, ij siengzseiz ngaiz fad; luj doenghheij simndei simsoh hih vunz, couh ndaej seiqseiz lix.”

Majdaiq Saw 19:28

Yehsuh dingq le, caiq doiq gyoengqde naeuz: “Gou saedsaeh naeuz sou ni, daengj daengz Cangqdiq dauqyungz dawz de soj cauh hih cungj luj gaxgonq yienghmwnq ndei boiz bae, gou, Vunz dih Daiqbiuj, couh naengh youq aen lungzeij rongh sagsag he, daengz mwhde, faenhsou gaen gou hih vunz caemh ij ndaej naengh youq cibngeih aen eij gwnz de hwj saemjbuenq gij vunz Hijswzlez dih cibngeih aen cuz lo.

Gihduz Hawj Vunz Rox 20:6

Doenghheij ndaej haeuj daixit mbat dauqlix hih vunz dwg miz fuk hih, dwg gij vunz Cangqdiq hih. Gyoengqde mbouj caiq ngaiz rai daixngeih mbat haem lo; gyoengqde ij ndaej guh goengjsae dajbwiz Cangqdiq caeuq Gihduz he, caemh ij caeuq Gihduz itheij guh vuengz cien bi.

Gihduz Hawj Vunz Rox 21:11

Aen singz neix miz gij rongh Cangqdiq hwj rongh sagsag, myig myiengzmyiengz, myig luj dijbauj dih baujsig, caeuq luj bizhiq, hoeng gij bizhiq neix dwg cingx hih.