Gihduz Hawj Vunz Rox 21:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Gajlaeng caet boux bouxcai dawz vanj gim coux rim caet gij nanh mwnq hih boux he doiq gou naeuz: “Daeuj, gou ij hawj mwngz yawj boux bawxmoq mwnq, couh dwg mehyah duz yiengzlwg.”

Gihduz Hawj Vunz Rox 21:9 ပူးပေါင်းရင်းမြစ်များ

Gihduz Hawj Vunz Rox 21:2

Gajlaeng gou caiq raen aen singz Cangqdiq, couh dwg Yehluqsajlaengj Singz moq daj gwnzmbwn Cangqdiq mwnq roengz daeuj. Aen de cang hwj gyaeu gywtgywt, luj bawxmoq cang gyaeu hwj daengj gojyez moq yienghmwnq.

Gihduz Hawj Vunz Rox 19:7

Gyoengqraeuz ij haenjheiq, ij angq! Sojmiz hih najrongh cungj dwg gvi hawj de, aenvih duz yiengzlwg gaenq daengz mwh aeu yah he lo; bawxmoq gaenq cwnjbiq ndei lo.

Gihduz Hawj Vunz Rox 17:1

Gajlaeng ndaw caet boux bouxcai dawz vanj mwnq hih boux he daeuj doiq gou naeuz: “Mwngz dineix daeuj, gou ij hawj mwngz yawj boux lauxgawj geq naengh youq geij diuz dah mwnq soj souh daengz hih fad.

Gihduz Hawj Vunz Rox 1:1

Laj neix dwg Cangqdiq hawj Yehsuh Gihduz dawz gij saeh ijvanh fatseng he gangj naeuz doengh bouxhoiq de ni. Couh vih yienghneix, Yehsuh Gihduz couh baij bouxcai de daeuj naeuz gou, Yozhanq bouxhoiq de ni.

Gihduz Hawj Vunz Rox 21:17

Gajlaeng de caiq rau gij veizciengz hih gij na de, dwg ciuq vunz dih cikconq ma rau he, rau ndaej itgungh miz itbak seiqcib seiq caeuz.

Gihduz Hawj Vunz Rox 22:1

Gajlaeng, bouxcai mwnq caiq hawj gou raen [2a]doenghheij diuz gai ndaw singz mwnq hih [1b]diuz he dih cungqgyan de miz diuz dah miz mingh he. Diuz dah neix dwg daj aen lungzeij Cangqdiq caeuq duz yiengzlwg mwnq riuz okdaeuj he. Gij raemx de cingx luj ceijsingh nwih. [2b]Song hamq dah de cungj miz go faex hawj vunz ndaej miz mingh he. Go de binaengz cungj dawz cibngeih dangq mak, it ndwen it dangq. Gij mbaw de ndaej guh yw hwj, ndaej yw lajmbwn sojmiz minzcuz hih vunz.

Gihduz Hawj Vunz Rox 22:6

Gajlaeng bouxcai doiq gou gangj vah mwnq caiq doiq gou naeuz: “Sojmiz mwngz luj fangxngwnzloq yienghmwnq soj yawjraen soj dingqri hih doenghgij saeh neix cungj dwg saedsaeh hih, sinq ndaej goq hih. Couh dwg boux soengq Hoenzsaenz hawj doenghheij boux cenz gij vah Cangqdiq he dih boux Cangqdiq neix hawj bouxcai de daeuj naeuz bouxhoiq de ni gij saeh ijvanh fatseng he.”

Gihduz Hawj Vunz Rox 22:17

Hoenzsaenz caeuq bawxmoq naeuz: “Daeuj!” Dingqri hih vunz caemh wnggai naeuz: “Daeuj!” Hozhawq hih vunz caemh wnggai daeuj; haenj aeu gij raemx hawj vunz miz mingh hih vunz cungj ndaej daeuj begbeg aeu ma gw.