Gihduz Hawj Vunz Rox 21:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Hoeng, doenghheij mbeiiq, mbouj sinq, yalw, gaj vunz, guh ndaeng guh ndwet, doeng loengh sae loengh coengqfap, baiq duz you caeuq gangj gyajvah hih vunz, cungj ij ngaiz gveng haeuj mwnq liuzvangz dawz feiz yiegyieg he bae. Gij neix couh dwg daixngeih mbat rai lo.”

Gihduz Hawj Vunz Rox 21:8 ပူးပေါင်းရင်းမြစ်များ

Gihduz Hawj Vunz Rox 2:11

Hoenzsaenz Cangqdiq yiengq gak gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih gaengjdingq mbouj ngaiz rai daixngeih mbat.”

Gihduz Hawj Vunz Rox 22:15

Hoeng, doenghheij vunz vaih, mageq he, mehsien, guhyoux he, gaj vunz he, baiq duz you he, haenj gangj gyajvah he, coemx vunz he, cungj mbouj ndaej haeuj singz bae.

Yozhanq It 3:15

Famz dwgcaengz gij beixnuengx bonjfaenh hih couh dangq gaj vunz; faenhsou caemh rox, famz gaj vunz hih couh mbouj ndaej seiqseiz lix.

Gihduz Hawj Vunz Rox 19:20

Hoeng, gajlaeng duz nyaen mwnq engq ngaiz gaemh dawz lo, daiqlienz boux youq dangqnaj duz nyaen mwnq doeng loengh sae loengh hwj coemx vunz, hawj vunz yaenq miz gij yaenq duz nyaen caeuq baiq duz you nyaen hih boux gyaj hih boux cenz gij vah Cangqdiq cungj ngaiz gaemh dawz lo, cungj ngaiz itheij gveng haeuj mwnq liuzvangz dawz feiz mwnq luj aen huz he bae lo.

Hihbwzlaiz Saw 13:4

Faenhsou daixgya cungj ij soenhcungq vwnhyenh; gvanjbaz dih ndaek cungj gvanhaeh mwnq mbouj ndaej boqvaiq, aenvih guh doenghgij ndaengndwet guhyoux hih vunz gaengjdingq ngaiz Cangqdiq saemjbuenq.

Dizmohdaiq It 4:2

aenvih miz doenghheij gyajcang guh simndei simsoh he ok daeuj luenhbangh cenzgangj samjciengz; doenghheij vunz neix aen sim de gaenq ngaiz ma gw lo, mij sim mij daep lo.

Majdaiq Saw 8:26

Yehsuh dingq gyoengq lwgsae yienghneix hemq le, couh doiq gyoengq lwgsae de naeuz: “Doenghheij mbouj gaeuq sinq gou hih faenhsou hax, vihmaz baenxlai lau nej?” De yienghneix naeuz le, couh ndwn hwnjdaeuj ndaq gij rumz caeuq gij bohlangq, yiengq rumzrumz raemxraemx couh doq dinghcub lo.

Gihduz Hawj Vunz Rox 9:21

Gyoengqde caemh mbouj vih bonjfaenh gaj vunz hah, coengqfap hah, ndaengndwet hah, guxcaeg hah hwj nginh loek gaijgoq.

Yozhanq Saw 8:44

Faenhsou baenjlaiz dwg gij lwg fangzvuengz, cij rox gaen boh sou soj siengj hih yienghmwnq ma guh saeh hih. Daj gaihcij de cix dwg boux gaj vunz he lo, coengzlaiz mbouj haeuj mbiengj saedsaeh he, aenvih ndaw sim de gaenhbaenj mbouj miz saedsaeh. De soqsingq cungj dwg gangj gyajvah he, dwg doenj gyajvah he.

Majdaiq Saw 10:28

“Gaejyungh lau doengh boux caenhgag ndaej gaj aen ndangdaej faenhsou, dauq mij bonjsaeh ndaej haih daengz gij hoenzsaenz faenhsou he. Faenhsou ij lau, dauq lau boux miz gienz lienz vunz lienz hoenzsaenz cungj ndaej hawj youq ndaw mwnq fad fangz, mwnq satsoq he hih boux mwnq.”

Yozhanq It 2:22

Yiengq, byawz dwg boux gangj gyajvah he nej? Mbouj dwg boux mbouj nginh Yehsuh dwg Gihduz, Cangqdiq baij daeuj hih vuengz hih maz? Mbouj nginh Bohmbwn caeuq mbouj nginh daeglwg de hih, couh dwg boux caeuq Gihduz doxngig he lo.

Yozhanq It 5:10

Sojhij, byawz sinq daeglwg Cangqdiq, ndaw sim byawz couh sinq gij cingqmingz neix; byawz mbouj sinq Cangqdiq, couh dwg dangq naeuz Cangqdiq gangj gyajvah, aenvih de mbouj sinq gij cingqmingz Cangqdiq.

Gihduz Hawj Vunz Rox 2:2

Gou rox mwngz soj guh hih dwgrengz caeuq gyenhciz roengzbae, caemh rox mwngz dwgcaengz vunz rwix vunz vaih. Mwngz caemh caz goq doenghheij gag naeuz bonjfaenh dwg dwzbaijyienz he, caz ndaej ok gyoengqde dwg gyaj hih, doenghheij vunz mwnq.

Dezsajloznizgyah Ngeih 2:9

Boux doegsieb neix ij daeuj guh gij hong Sajdanq fangzvuengz, guh gak cungj geizmiuj gyaj gingjdoengh he,

Hihbwzlaiz Saw 12:24

bae daengz dangqnaj Yehsuh, boux guh Cangqdiq caeuq vunz laeb hih gij baujcingq lienz diuzgyenq moq hih boux cungqgyan neix, bae daengz mwnq saj lwed mwnq; gij lwed neix beij gij lwed Yaqbwz gouz Cangqdiq vanzlij miz ik.

Dizdoh Saw 1:16

Conghbak gyoengqde gangj naeuz rox Cangqdiq, hoeng, gyoengqde soj guh hih cungj dwg caeuq de doxngig. Gyoengqde hawj vunz dwgcaengz, cungj dwg nga'ngangq, guh mbouj ok gijmaz ndeisaeh.

Gihduz Hawj Vunz Rox 9:17

Yiengq gou youq ndaw luj fangxngwnzloq gou yawjraen gyoengq bingmax hih baj dangj aek de hoengz luj feiz caeuq lamz luj lamzbaujsig caeuq henj luj liuzvangz. Ndaek raeuj gyoengq max luj raeuj caiceij, conghbak gyoengqde boq miz feiz miz oenq miz liuzvangz sam cungj neix ok daeuj hwj.

Gihduz Hawj Vunz Rox 14:10

caemh ij ngaiz gw gij laeuj get Cangqdiq lo; gij laeuj neix dwg caem youq aen cenj coux Cangqdiq aeuqheiq he. Mbouj danhcij yienghneix, vanzlij ij youq dangqnaj boux bouxcai Cangqdiq caeuq youq dangqnaj duz yiengzlwg ngaiz souh daengz feiz caeuq liuzvangz gyemz dawz.

Gihduz Hawj Vunz Rox 21:27

Hoeng, famz mbouj hab'eiq habhoz Cangqdiq hih, guh doenghgij doegsieb, simya, yalw, gangj gyajvah hih cungj mbouj ndaej haeuj aen singz neix bae; caenhgag doenghheij vunz ndaej daengh haeuj ndaw bonjbouh duz yiengzlwg, bonjbouh miz mingh mwnq bae hih, cij ndaej haeuj aen singz neix bae.

Majdaiq Saw 25:25

Sojhij gou lau mwngz, couh dawz gij ngaenz mwngz hoem youq laj doem hwj. Nex, seizneix gou hawj mwngz boiz.’

Majgoj Saw 9:44

yienghneix gannaeuz mwngz noix bae cik fawz he lah, hoeng, dauq ndaej seiqseiz lix, yienghmwnq giengz goq miz song cik fawz hoeng dauq ngaiz gveng roengz mwnq Cangqdiq fad fangz ndaw feiz mbouj rox maet he bae.