Gihduz Hawj Vunz Rox 20:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Gajlaeng, gou caiq yawjraen miz geij aen lungzeij miz vunz naengh hwj, gyoengq vunz neix caemh ndaej miz gij gienz saemjbuenq he hwj. Gajlaeng, gou caiq yawjraen doenghgij hoenzsaenz doenghheij vih Yehsuh hwj guh cingqyinz caeuq vih cenzgangj gij vah Cangqdiq hwj ngaiz vunz raemj ndaek raeuj gat hih doenghheij vunz mwnq, yawjraen gyoengqde cungj ndaej dauqlix lo, cungj ndaej caeuq Gihduz itheij guh vuengz itcien bi. Doenghheij vunz neix, gyoengqde dwg mij baiq goq duz nyaen caeuq duz you nyaen, caemh mij youq najbyak cixnaeuz youq gwnz fawz yaenq miz gij geiqhauh he he.

Gihduz Hawj Vunz Rox 20:4 ပူးပေါင်းရင်းမြစ်များ

Majdaiq Saw 19:28

Yehsuh dingq le, caiq doiq gyoengqde naeuz: “Gou saedsaeh naeuz sou ni, daengj daengz Cangqdiq dauqyungz dawz de soj cauh hih cungj luj gaxgonq yienghmwnq ndei boiz bae, gou, Vunz dih Daiqbiuj, couh naengh youq aen lungzeij rongh sagsag he, daengz mwhde, faenhsou gaen gou hih vunz caemh ij ndaej naengh youq cibngeih aen eij gwnz de hwj saemjbuenq gij vunz Hijswzlez dih cibngeih aen cuz lo.

Gihduz Hawj Vunz Rox 6:9

De mbek daengz daixhaj mwnq lab fung hih mwhde, gou yawjraen laj aen luz dajbwiz miz doenghheij vunz vih cenzgangj gij vah Cangqdiq caeuq vih gij saedsaeh Cangqdiq guh cingqyinz hwj ngaiz gaj hih doenghgij vunz mwnq hih hoenzsaenz,

Gihduz Hawj Vunz Rox 3:21

Doenghheij ndaej hingz hih vunz, gou couh ij nyok hawj de miz gienz ndaej caeuq gou itheij naengh youq aen lungzeij gou, caemh luj gou ndaej hingz le caeuq daxboh gou itheij naengh youq aen lungzeij de yienghmwnq.

Dizmohdaiq Ngeih 2:12

Hauhnaeuz gyoengqraeuz gyenhciz sinq de mbouj doeknaiq, Gyoengqraeuz couh ndaej caeuq de dang vuengz lo. Yiengq, caiq hauhnaeuz gyoengqraeuz mbouj nginh de nex, De caemh mbouj nginh raeuz lo.

Gihduz Hawj Vunz Rox 20:6

Doenghheij ndaej haeuj daixit mbat dauqlix hih vunz dwg miz fuk hih, dwg gij vunz Cangqdiq hih. Gyoengqde mbouj caiq ngaiz rai daixngeih mbat haem lo; gyoengqde ij ndaej guh goengjsae dajbwiz Cangqdiq caeuq Gihduz he, caemh ij caeuq Gihduz itheij guh vuengz cien bi.

Luqgyah Saw 22:30

Yienghneix, faenhsou couh ndaej youq ndaw guek gou caeuq gou doxcaemh daiz gw haeux gw laeuj lo, caemh ndaej naengh youq gwnz he saemjbuenq gij vunz Hijswzlez dih cibngeih aen cuz lo.”

Gihduz Hawj Vunz Rox 22:5

Aen singz neix mbouj caiq miz doengxhaemh; gyoengqde mboujyungh daeng caeuq gyangjngoenz, aenvih gij rongh Cangqdiq bouxcawj ndaej ciuq rongh hawj gyoengqde. Gyoengqde caemh ij yungjyenj guh vuengz.

Gihduz Hawj Vunz Rox 12:11

Gyoengq beixnuengx ndaej hingz dwg baengh yiengzlwg riuz hih lwed caeuq baengh bonjfaenh gyoengqde soj cenzgangj dih gij saedsaeh Cangqdiq, sijndaej diuz mingh bonjfaenh hwj guh Yehsuh Gihduz dih cingqyinz hwj ndaej hingz hih.

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Lozmaj Saw 8:17

Yiengq, giqyienz gyoengqraeuz bienqbaenz caen lwg Cangqdiq vwz, gyoengqraeuz couh ndaej caeuq Gihduz doxdoengz ndaej yangjcouq gij fuk Cangqdiq. Sojhij, hauhnaeuz gyoengqraeuz seizneix caeuq daeglwg de Gihduz caez souh nanh nex, baezneix gyoengqraeuz couh ndaej caeuq de caez najrongh lo.

Gihduz Hawj Vunz Rox 15:2

Gajlaeng gou caiq yawjraen aen haij he; aen haij neix caenh lujnaeuz dwg bohliz haij, ndaw de cab miz feiz hwj. Gwnz haij miz doenghheij vunz ndaej hingz goq duz nyaen caeuq hingz goq duz you nyaen caeuq gij vunz yiem gij hauqmaj caeuq gij coh duz nyaen he, ndwn youq gwnz de. Ndaw fawz gyoengqde dawz miz Cangqdiq soengq hawj hih gimz,

Gihduz Hawj Vunz Rox 14:11

Gyemz dawz gyoengqde hih feiz yungjyenj mbouj rox maet. Doenghheij baiq duz nyaen caeuq baiq duz you nyaen hih caeuq doenghheij yaenq miz gij coh duz nyaen hih gyoengqde ngwnzngoenz cungj mbouj ndaej an'onj.”

Gihduz Hawj Vunz Rox 11:7

Song boux cingqyinz mwnq cenzgangj liux le, miz duz nyaen geizheih he daj ndaw vaengz mwnq ok daeuj hoenx song boux de, hoenxhingz song boux de, gajrai song boux de.

Yozhanq Saw 14:19

Goq mbouj geijlwh caez, gij vunz mbouj caiq raen gou haem lo, hoeng, faenhsou dauq ndaej raen gou, aenvih gou ij dauqlix, faenhsou caemh ij ndaej dauqlix.

Gihduz Hawj Vunz Rox 17:8

Mwngz yawjraen hih duz nyaen neix doenghbaez dwg lix hih, hoeng, seizneix gaenq rai lo. Duz de couh ij daj ndaw vaengz he hwnj daeuj, gajlaeng caiq byaij haeuj gij satsoq he bae. Lajmbwn doenghheij dajlwh cauh mbwn cauh deih doxdaeuj gij coh mij ndaej daengh haeuj ndaw bonjbouh miz mingh he bae hih vunz raen duz doenghbaez lix, seizneix rai, gajlaeng caiq dauqlix hih duz nyaen mwnq cungj geizheih ij rai.

Gihduz Hawj Vunz Rox 11:15

Yiengq daengz daixcaet boux bouxcai boq gywnhhauh. Boq hih mwhde, gwnzmbwn miz sing hemq goggog naeuz: “Aen ciqgyaiq neix gaenq bienqbaenz aen guek Cangqdiq caeuq aen guek Yehsuh, Cangqdiq soj laeb dih Gihduz lo! Cangqdiq ij yungjyungj yenjyenj guh vuengz gaem gienz roengzbae!”

Gihduz Hawj Vunz Rox 11:11

Hoeng, sam ngoenz buenq goq le, Cangqdiq couh hawj gij heiq miz mingh he haeuj gwnz ndang song boux de bae, yiengq song boux de couh ndaej ndwn hwnjdaeuj, guh hwj youq mwnq sojmiz yawjraen hih vunz cungj lau hwj ij rai.

Gihduz Hawj Vunz Rox 11:3

Gou ij hawj gienz hawj song boux cingqyinz gou, hawj song boux de daenj buh daehmaz hwj, hawj song boux de bae cenzgangj gij vah Cangqdiq, ij cenz itcien songbak roekcib ngoenz.”

Lozmaj Saw 11:15

Yiengq, hauhnaeuz Cangqdiq yiem gyoengqde, lajmbwn hih vunz couh ndaej caeuq Cangqdiq doxndei; yiengq, hauhnaeuz Cangqdiq nginh gyoengqde nex, gyoengqde mbouj dwg dangq rai ndaej dauqlix maz?

Luqgyah Saw 1:17

De caemh miz luj Hijliqyaq boux cenz gij vah Cangqdiq neix dih ndaek cungj singjsaenz caeuq ndaek cungj bonjsaeh mwnq; de daeuj gaxgonq bouxcawj, hawj boh gaijbienq goqma naek lwg, hawj gij vunz mbouj dingq gij vah Cangqdiq he bienqbaenz simndei simsoh hih vunz, dwg cwnjbiq gij vunz ndei hwj daengj bouxcawj daeuj.”

Majgoj Saw 9:11

Gajlaeng gyoengqde cam Yehsuh naeuz: “Mohsih dih fazliz cenhgyah vihmaz naeuz Hijliqyaq boux cenz gij vah Cangqdiq neix gaengjdingq ij sien daeuj gaxgonq nej?”

Majgoj Saw 6:27

Gajlaeng, de couh majcangq baij boux bing he bae ndaw lauz raemj aeu ndaek raeuj Yozhanq ma. Couh yienghneix, boux bing de couh bae ndaw lauz raemj ndaek raeuj Yozhanq,

Majgoj Saw 6:16

Goeng de dingq daengz doenghgij neix le, dauq naeuz: “Ox! De couh dwg boux ngaiz gou raemj ndaek raeuj de gat hih Yozhanq; de dauqlix lo!”

Majdaiq Saw 24:10

Daengz mwhmwnq, miz haujlai vunz saet sinqyangj, mbouj caiq sinq gij saedsaeh Cangqdiq haem lo, boux cuzmaiq boux, boux haenq boux.

Luqgyah Saw 14:14

Gannaeuz gyoengqde mij bonjsaeh ndaej dauq cingj mwngz boiz lah, hoeng daengz boux youq ndaw lwgra Cangqdiq dwg boux simndei simsoh he dih vunz dauqlix mwhde, Cangqdiq gaengjdingq vih gyoengqde hwj boiz mwngz.”

Gihduz Hawj Vunz Rox 1:2

Gajlaeng gou, Yozhanq couh dawz gij vah Cangqdiq caeuq Yehsuh Gihduz soj cingqmingz hih, fanjcingq bonjfaenh gou soj yawjraen hih soj dingqri hih, cungj sij hwnjdaeuj guh baengzgawq.

Gihduz Hawj Vunz Rox 2:26

Doenghheij ndaej hingz hih ndaej gyenhciz ciuq gou soj gangj hih yienghmwnq bae guh hih, gou ij nyok gienz hawj de, hawj de ndaej guenjciq lajmbwn sojmiz hih guek,

Gihduz Hawj Vunz Rox 4:4

Seiqhenz eij de caemh vanzlij miz ngeihseiq mwnq naengh, caemh miz ngeihseiq boux boux gangj vah couh baenz he daenj buh bieg hwj, gwnz raeuj gyoengqde caemh gyok miz gyokraeuj gim hwj, naengh youq mwnq.

Gihduz Hawj Vunz Rox 7:3

“Faenhsou mbouj ndaej sienghaih dieg, haij caeuq faex; daengj raeuz sien yaenq aen cangh haeuj najbyak doenghheij hoiq Cangqdiq bae gaenq.”