Gihduz Hawj Vunz Rox 2:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Hoenzsaenz Cangqdiq yiengq gak aen gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih vunz, gou couh nyok gienz hawj de, hawj de ndaej gw gij mak ndaw suen Cangqdiq hih gij mak go faex hawj vunz ndaej miz mingh mwnq.”

Gihduz Hawj Vunz Rox 2:7 ပူးပေါင်းရင်းမြစ်များ

Gihduz Hawj Vunz Rox 2:17

Hoenzsaenz Cangqdiq yiengq gak gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih, gou gaengjdingq ij nyok gij mahnaq yo hwnjdaeuj mwnq hawj de. Mbouj danhcij nyok gij neix, vanzlij ij nyok ngauq rin bieg he hawj de. Ngauq rin neix gwnz de sij miz gij coh moq he. Caenhgag doengh boux ndaej daengz ngauq rin neix hih vunz cij rox gij coh neix dwg gijmaz; doengh boux mbouj ndaej hih gaenhbaenj mbouj rox.”

Gihduz Hawj Vunz Rox 2:11

Hoenzsaenz Cangqdiq yiengq gak gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih gaengjdingq mbouj ngaiz rai daixngeih mbat.”

Majdaiq Saw 11:15

Gou gangj hih doenghgij vah neix, faenhsou ij wnggai dawz haeuj rwz!”

Gihduz Hawj Vunz Rox 13:9

Miz rwz ndaej dingq hih couh wnggai dingq bax!

Majdaiq Saw 13:43

Daengz mwhmwnq, doengh boux simndei simsoh he couh ndaej youq guek Bohmbwn mwnq ndaej najrongh luj gyangjngoenz yienghmwnq rongh sagsag.” De gangj daengz dineix le, couh naeuz: “Gou soj gangj hih, faenhsou ijaeu dawz haeuj rwz.”

Majdaiq Saw 13:9

Yehsuh gangj daengz dineix le, couh naeuz: “Daxbaenh gou soj gangj hih, faenhsou ijaeu dawz haeuj rwz.”

Gihduz Hawj Vunz Rox 22:14

“Famz saeg gij buh bonjfaenh cengh hih vunz miz fuk lo! Gyoengqde miz gienz ndaej gw gij mak go faex hawj vunz miz mingh mwnq. Mbouj danhcij yienghneix, caemh vanzlij ndaej daj baksingz haeuj singz bae.

Gihduz Hawj Vunz Rox 21:7

Doenghheij ndaej hingz hih vunz gaengjdingq ndaej doenghgij fuk neix; gou ij guh gyoengqde dih Cangqdiq, gyoengqde caemh ij guh gij lwg gou.

Luqgyah Saw 23:43

Yehsuh dingq de yienghneix naeuz le, couh doiq de naeuz: “Gou saedsaeh naeuz mwngz ni, ngoenzneix mwngz ndaej caeuq gou itheij bae yangjfuk lo.”

Lizsij dih Gaihcij 2:9

De caiq hawj doengh go faex gyaeugyaeu ndeindei he daj lajdoem did hwnjdaeuj, caemh giet gij mak ndei gw he. Youq cungqgyan suen caemh miz go faex hawj vunz mbouj rox rai he, caeuq miz go faex hawj vunz ndaej rox faenbied ndei caeuq yak he.

Gihduz Hawj Vunz Rox 22:17

Hoenzsaenz caeuq bawxmoq naeuz: “Daeuj!” Dingqri hih vunz caemh wnggai naeuz: “Daeuj!” Hozhawq hih vunz caemh wnggai daeuj; haenj aeu gij raemx hawj vunz miz mingh hih vunz cungj ndaej daeuj begbeg aeu ma gw.

Majgoj Saw 7:15

couh dwg naeuz daj rog haeuj bae daengz gwnz ndang vunz hih mbouj ndaej hawj Cangqdiq dwgcaengz nej; hawj Cangqdiq dwgcaengz hih dauq dwg daj gwnz ndang vunz ok daeuj cij ndaej hawj Cangqdiq dwgcaengz lah.”

Gohlimzdoh It 2:10

Hoeng, Cangqdiq dunghgoq Hoenzsaenz bonjfaenh de hwj yienh hawj raeuz rox lo, aenvih Hoenzsaenz Cangqdiq rox sojmiz hih saeh; de yawj gijmaz cungj cingx goq gingq bohliz bae, daiqlienz ndaw sim Cangqdiq dih gij iqswh laeglaeg de, de cungj caemh rox.

Yozhanq Saw 16:33

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Gohlimzdoh Ngeih 12:4

De ndaej youq mwnq ndaej yangjfuk he dingqri gij vah he, dwg vunz mij banqfaz aeu bak ma gangj he, dwg Cangqdiq mbouj hawj gangj he.

Gihduz Hawj Vunz Rox 15:2

Gajlaeng gou caiq yawjraen aen haij he; aen haij neix caenh lujnaeuz dwg bohliz haij, ndaw de cab miz feiz hwj. Gwnz haij miz doenghheij vunz ndaej hingz goq duz nyaen caeuq hingz goq duz you nyaen caeuq gij vunz yiem gij hauqmaj caeuq gij coh duz nyaen he, ndwn youq gwnz de. Ndaw fawz gyoengqde dawz miz Cangqdiq soengq hawj hih gimz,

Gihduz Hawj Vunz Rox 14:13

Couh youq mwhneix, gou caiq dingqri miz sing daj gwnzmbwn naeuz: “Mwngz ij dawz doenghgij vah laj neix sij hwnjdaeuj, couh dwg: ‘Daj seizneix hwnj, doenghheij gvi haeuj bouxcawj raeuz hih vunzrai hih miz fuk lo!’” Gajlaeng gou dingqri Hoenzsaenz Cangqdiq han naeuz: “Deng lo! Mbouj loek! Seizneix gyoengqde ndaej souhong yietbaeg lo, aenvih gyoengqde soj guh hih caemh gaengjdingq ndaej yangjcouq.”

Majgoj Saw 4:9

Yehsuh gangj doengh gawq neix le, couh naeuz: “Daxbaenh gou soj gangj hih, faenhsou ijaeu dawz haeuj rwz!”

Luqgyah Saw 8:8

Hoeng doengh ceh doek youq ndaw doem biz he, baex did hwnjdaeuj he couh noengq nwtnwt lo, caemh beij ceh doek mwnq sou ndaej lai baenx bak boix.” Yehsuh gangj doengh gawq neix le, couh sing sang hwnjdaeuj naeuz: “Daxbaenh gou soj gangj hih, faenhsou ijaeu dawz haeuj rwz!”

Yozhanq It 2:13

Guh boh hih vunz hax, gou sij saenq hawj faenhsou dwg aenvih faenhsou rox boux daj gaihcij cix miz he hih. Hauxseng hih vunz hax, gou sij saenq hawj faenhsou dwg aenvih faenhsou gaenq giengz goq Sajdanq boux doegsieb neix lo. Lwg hax, gou sij saenq hawj faenhsou dwg aenvih faenhsou rox Bohmbwn.

Majgoj Saw 7:16

[Yehsuh yienghneix doiq gyoengq vunz gangj sat le, couh naeuz: “Daxbaenh gou soj gangj hih faenhsou ijaeu dawz haeuj rwz.”]