Gihduz Hawj Vunz Rox 2:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Gou caemh rox mwngz vih gou hwj dwgrengz sinhoj, mbouj doeknaiq.

Gihduz Hawj Vunz Rox 2:3 ပူးပေါင်းရင်းမြစ်များ

Hihbwzlaiz Saw 10:36

Vih ij ciphengz Cangqdiq dih cawjeiq hwj ndaej daengz Cangqdiq dih soj baujcingq hih, faenhsou bietdingh ij gyenhciz naenxsim,

Hihbwzlaiz Saw 12:1

Yiengq, giqyienz miz baenx lai vunz cingqmingz sinq Cangqdiq lai luj miz fwj daeuj guem gyoengqraeuz vwz, gyoengqraeuz couh wnggai yoengq sojmiz gaz dawz gyoengqraeuz hih caeuq ep gyoengqraeuz dih coih hih hwj miz aen sim gyenhdingq he bae byaij diuz roen Cangqdiq yinx hawj gyoengqraeuz byaij he.

Gyahlahdaiq Saw 6:9

Sojhij, gyoengqraeuz gaejyungh mbwq guh ndeisaeh; hauhnaeuz gyoengqraeuz mbouj doeknaiq, daengz mwhde couh gaengjdingq sou ndaej.

Gohlozsih Saw 1:11

Gyoengqraeuz vanzlij gouz Cangqdiq, gouz de yungh gij veijdaq dih akak rengzrengz de ma hawj faenhsou ndaej engqgya miz rengz, ndaej engqgya gyenhdingq, hawj faenhsou vuenvuen heijheij cix rox naenxsim,

Yozhanq Saw 15:21

Gyoengqde vih gou hwj ij haih faenhsou, aenvih gyoengqde mbouj rox boux baij gou daeuj hih mwnq.

Gohlimzdoh It 13:7

Miz aiq, couh mboujguenj guxmaz cungj mbouj lau dwgrengz, cungj dwg sinq Cangqdiq, mbouj doeknaiq miz muengh, rox naenxsim.

Gihduz Hawj Vunz Rox 3:10

Aenvih mwngz gyenhciz ciuq gou gangj hih yienghmwnq bae guh, sojhij daengz baezneix lajmbwn sojmiz hih vunz cungj souh daengz daixnanh, cungj ngaiz sawq hih mwhde, gou gaengjdingq ij baujhuq mwngz.

Hihbwzlaiz Saw 6:15

Sojhij Yaqbwzlahhanj couh hozraez naenxsim hwj daengj. Gajlaeng cingqgawq gwhraix, cingqgawq luj Cangqdiq soj baujcingq hih yienghmwnq.

Hihbwzlaiz Saw 6:12

Caemh muengh faenhsou gak boux mbouj caeggyik, ij hag doenghheij baengh sinq Gihduz hih sim caeuq baengh naenxsim hwj ndaej ciep aeu Cangqdiq baujcingq nyok hawj hih.

Hihbwzlaiz Saw 6:10

Aenvih Cangqdiq dwg guh goengbingz hih. Faenhsou bang goq gij vunz de, caemh dwg vanzlij giqcuz bang gyoengqde; de gaengjdingq ndaejgeiq faenhsou soj guh hih ndeisaeh caeuq faenhsou yienh ok doiq de dih aiq hih.

Dizmohdaiq It 4:10

Sojhij, gyoengqraeuz dwg vih yienghneix hwj roengzrengz, aenvih raeuz rox caenhgag dwg de, seiqseiz lix dih Cangqdiq, cij ndaej soengq fuk hawj raeuz, caemh dwg de ndaej gouq vunz lajmbwn, engqgya dwg de gouq gij vunz sinq de he.

Dezsajloznizgyah Ngeih 3:13

Gangj daengz faenhsou gak boux beixnuengx hax, faenhsou ij gyenhciz guh ndeisaeh, mbouj ndaej doeknaiq.

Gohlimzdoh Ngeih 4:16

Sojhij gyoengqraeuz mbouj doeknaiq; cungjsuenq aen ndangnoh gyoengqraeuz menhmenh laux lo, aen sim gyoengqraeuz cungj mbouj laux, engqgya ij yied ngoenz yied oiq hwnjdaeuj.

Gohlimzdoh Ngeih 4:1

Yiengq, giqyienz Cangqdiq doiq gyoengqraeuz haijliengh, hawj gyoengqraeuz ndaej guh gij hong cenzgangj gij baujcingq moq de vwz, gyoengqraeuz gaengjdingq mbouj doeknaiq lo,

Lozmaj Saw 12:12

Mboujguenj daengj hajx cixnaeuz muengh, cungj ij miz aen sim vuenheij he; miz nanh ij naenxsim; gouz Cangqdiq ij miz sinqsim.

Lozmaj Saw 8:25

Hoeng hauhnaeuz gyoengqraeuz muengh gij yawj mbouj raen hih, couh ij hozraez, naenxsim daengj cij ndaej.

Luqgyah Saw 14:27

Famz mbouj aemq aen gyaq cixcib bonjfaenh daeuj gaen gou hih, sij mbouj ndaej diuz mingh bonjfaenh hih, couh mbouj ndaej guh gij lwgsae gou.

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Bijdwz Ngeih 1:6

miz ciqsiz lo, caemh ijaeu gag rox haed bonjfaenh cij ndaej; rox gag haed bonjfaenh lo, caemh ijaeu rox naenxsim cij ndaej; rox naenxsim lo, caemh ijaeu yawjnaek Cangqdiq cij ndaej;

Dezsajloznizgyah It 1:3

caemh siengzseiz ngeix daengz faenhsou vih sinq bouxcawj raeuz Yehsuh Gihduz hwj soj guh hih, vih aiq hwj roengzrengz guh hong caeuq vih doiq de miz muengh hwj rox gyenhciz naenxsim.

Gohlimzdoh Ngeih 11:23

Miz vunz gag naeuz bonjfaenh de dwg bouxhoiq Gihduz nex, gou gamj naeuz gou engqgya dwg. (Ox, gou caenh lujnaeuz fatvangh hoh nwih, gingqyienz gag haenh bonjfaenh lah.) Gou beij gyoengqde guh hong engqgya dwgrengz, engqgya lai ngaiz gyaeng haeuj ndaw lauz bae, engqgya ngaiz vunz doh, engqgya ngaiz ij rai senxsenx.

Gohlimzdoh Ngeih 5:9

Mboujguenj gyoengqraeuz caeuq mbouj caeuq bouxcawj raeuz youq itheij, gyoengqraeuz cungj ij guh gij hawj bouxcawj raeuz haenjheiq he,

Lozmaj Saw 2:7

Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

Luqgyah Saw 18:1

Miz baez he, Yehsuh caiq yungh gij beijgangj he ma naeuz gyoengq lwgsae de, hawj gyoengq lwgsae de ij siengzseiz gouz Cangqdiq, mbouj ndaej doeknaiq.

Luqgyah Saw 8:15

Hoeng doengh ceh doek youq ndaw doem biz mwnq nex, couh dwg gij vunz simndei simsoh mwnq. Gyoengqde dingq gij vah Cangqdiq le, couh caeng youq ndaw sim laeglaeg hwj. Cungj vunz neix mbouj lau dwgrengz sinhoj, ndaej guh gij saeh youq ndaw lwgra Cangqdiq miz yungh he.”

Hihbwzlaiz Saw 13:13

Yienghneix gyoengqraeuz caemh wnggai ok rog singz bae cimh de, caeuq de itheij ngaiz souh daengz vunz nyoegnyamx,

Dizmohdaiq It 5:17

Doenghheij lingjdauj rox guenjleix gyauqveiq hih, dwzbez dwg doenghheij naebsim cenzgangj Cangqdiq dih ndei siuhsiz caeuq son vunz hih, wnggai lai soenhgingq gyoengqde caeuq lai hawj gyoengqde ndaej,

Dezsajloznizgyah Ngeih 3:8

caemh mij begbeg gw vunz hoengq, dauq dwg ngwnzngoenz dwgrengz guh hong, gag ciengx bonjfaenh lah, vih mbouj hawj faenhsou fuqswz gyoengqraeuz dih saenghhoz.

Dezsajloznizgyah Ngeih 3:5

Muengh bouxcawj raeuz daiq faenhsou, hawj faenhsou ndaej luj Cangqdiq yienghmwnq miz aiqsim, luj Gihduz yienghmwnq gyenhciz naenxsim.

Dezsajloznizgyah It 2:9

Gak boux beixnuengx hax, faenhsou gaengjdingq ndaejgeiq gyoengqraeuz, vih ij dawz gij ndei siuhsiz Cangqdiq cenz hawj faenhsou, guh hwj gyoengqraeuz ngwnzngoenz cungj dwgrengz guh hong, vih mbouj siengj hawj faenhsou ciengx gyoengqraeuz rap gyoengqraeuz.

Feihlizbij Saw 4:3

Gou caemh gouz caeuq gou guxdoih guh gij hong he lauxsaed he hih mwngz, gouz mwngz bang song boux vunzbaz neix, aenvih song boux de vih cenz ndei siuhsiz hwj caeuq gou itheij guh hong goq, caemh vanzlij caeuq Gwzliqmenj caeuq gizdah caeuq gou doxdoengz itheij guh hong hih guh hong goq, caemh dwg dwgrengz sinhoj goq. Gyoengqde youq ndaw bonjbouh miz mingh cungj daengh miz coh hwj.

Gyahlahdaiq Saw 6:2

Faenhsou miz maz nanz, ijaeu doxbang; yienghneix couh dwg soenhsouj Gihduz dih fazliz lo.

Gohlimzdoh Ngeih 10:15

Gyoengqraeuz haenh hih, caenhgag haenh gyoengqraeuz soj guh daengz hih lah. Heijvunz guh hih, gyoengqraeuz mbouj gamj dawz ma dangq dwg bonjfaenh guh hwj haenh nej. Hoeng, gyoengqraeuz muengh faenhsou sinq Gihduz hih sim engqgya gyenhdingq, yienghmwnq couh ndaej hawj gyoengqraeuz engqgya ndaej youq Cangqdiq soj dingh hih, ndaej youq faenhsou mwnq dawz gij ndei siuhsiz Cangqdiq cenz roengzbae.

Lozmaj Saw 16:12

Gou vanzlij caiq cingj faenhsou cam Dujfeihnaz caeuq Dujfuqsaj ndei; song boux vunzbaz neix guh gij hong bouxcawj raeuz cungj dwg gaenzgaenz gaenjgaenj he. Caemh cam Bijsiz boux vih guh gij hong bouxcawj raeuz hwj gaenz guh hih boux baengzyoux neix ndei.

Luqgyah Saw 21:19

cijaeu faenhsou gyenhciz mbouj bienq sim, couh ndaej baux gij hoenzsaenz faenhsou lo.”

Majgoj Saw 15:21

Couh yienghneix, Yehsuh ngaiz gyoengqde daiq bae lo. De ngaiz daiq bae hih mwhde, daengz buenqroen raen miz boux daj lajmbanj haeuj singz bae he. Boux de dwg vunz Gujliqnaiq he, gij coh de heuh Sihmaenz, dwg daxboh Yaqlizcanhdaq caeuq Lujfuz he. Gyoengqde raen le, couh gaemh dawz de ep de aemq aen gyaq cixcib Yehsuh bae.

Dezsajloznizgyah It 5:12

Gak boux beixnuengx hax, gyoengqraeuz seizneix gienq faenhsou, gienq faenhsou soenhcungq doenghheij youq faenhsou mwnq guh hong dwgrengz hih vunz, couh dwg doenghheij lingjdauj faenhsou caeuq gienq son faenhsou hih vunz,

Luqgyah Saw 5:5

Sihmaenz han de naeuz: “Goengjsae hax, gyoengqraeuz gaenq dwk baenxngwnz, caemh dwgrengz baenxngwnz lo hoeng, cungj mij dwk ndaej saek duz haem. Yiengq, giqyienz mwngz seizneix naeuz vwz, raeuz couh sawqsawq dwk yawj sat leq.”