Gihduz Hawj Vunz Rox 2:26 - Gij Baujcingq Moq Caeuq Geij Bonj Gij Baujcingq Daeuzdaeuz

²⁶ Doenghheij ndaej hingz hih ndaej gyenhciz ciuq gou soj gangj hih yienghmwnq bae guh hih, gou ij nyok gienz hawj de, hawj de ndaej guenjciq lajmbwn sojmiz hih guek,

Gihduz Hawj Vunz Rox 2:26 ပူးပေါင်းရင်းမြစ်များ

Gihduz Hawj Vunz Rox 3:21

Doenghheij ndaej hingz hih vunz, gou couh ij nyok hawj de miz gienz ndaej caeuq gou itheij naengh youq aen lungzeij gou, caemh luj gou ndaej hingz le caeuq daxboh gou itheij naengh youq aen lungzeij de yienghmwnq.

Gihduz Hawj Vunz Rox 20:4

Gajlaeng, gou caiq yawjraen miz geij aen lungzeij miz vunz naengh hwj, gyoengq vunz neix caemh ndaej miz gij gienz saemjbuenq he hwj. Gajlaeng, gou caiq yawjraen doenghgij hoenzsaenz doenghheij vih Yehsuh hwj guh cingqyinz caeuq vih cenzgangj gij vah Cangqdiq hwj ngaiz vunz raemj ndaek raeuj gat hih doenghheij vunz mwnq, yawjraen gyoengqde cungj ndaej dauqlix lo, cungj ndaej caeuq Gihduz itheij guh vuengz itcien bi. Doenghheij vunz neix, gyoengqde dwg mij baiq goq duz nyaen caeuq duz you nyaen, caemh mij youq najbyak cixnaeuz youq gwnz fawz yaenq miz gij geiqhauh he he.

Gihduz Hawj Vunz Rox 2:7

Hoenzsaenz Cangqdiq yiengq gak aen gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih vunz, gou couh nyok gienz hawj de, hawj de ndaej gw gij mak ndaw suen Cangqdiq hih gij mak go faex hawj vunz ndaej miz mingh mwnq.”

Gihduz Hawj Vunz Rox 22:5

Aen singz neix mbouj caiq miz doengxhaemh; gyoengqde mboujyungh daeng caeuq gyangjngoenz, aenvih gij rongh Cangqdiq bouxcawj ndaej ciuq rongh hawj gyoengqde. Gyoengqde caemh ij yungjyenj guh vuengz.

Yozhanq It 5:5

Yiengq, byawz ndaej giengz goq lajmbwn nej? Mbouj dwg caenhgag sinq Yehsuh dwg daeglwg Cangqdiq hih cij ndaej giengz goq hih maz?

Yozhanq Saw 6:29

Yehsuh han naeuz: “Sinq Cangqdiq baij daeuj hih boux mwnq, couh dwg guh gij hong Cangqdiq lo.”

Majdaiq Saw 24:13

Hoeng, doengh boux mbouj doeknaiq, gyenhciz roengzbae hih couh ndaej gouq lo.

Gihduz Hawj Vunz Rox 2:11

Hoenzsaenz Cangqdiq yiengq gak gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih gaengjdingq mbouj ngaiz rai daixngeih mbat.”

Gihduz Hawj Vunz Rox 3:12

Ndaej hingz hih vunz, gou ij hawj de bienqbaenz diuz saeu ndaw gunghdenq Cangqdiq gou, hawj de ndaej seiqseiz youq mwnq. Gou caemh ij youq gwnz ndang de sij gij coh Cangqdiq gou, caeuq gij coh moq gou, caeuq gij coh aen singz Cangqdiq gou, couh dwg daj gwnzmbwn Cangqdiq gou mwnq roengz daeuj hih aen singz moq Yehluqsajlaengj.

Gihduz Hawj Vunz Rox 2:17

Hoenzsaenz Cangqdiq yiengq gak gyauqveiq soj gangj hih vah, faenhsou cungj ijaeu dawz haeuj rwz dingq! Ndaej hingz hih, gou gaengjdingq ij nyok gij mahnaq yo hwnjdaeuj mwnq hawj de. Mbouj danhcij nyok gij neix, vanzlij ij nyok ngauq rin bieg he hawj de. Ngauq rin neix gwnz de sij miz gij coh moq he. Caenhgag doengh boux ndaej daengz ngauq rin neix hih vunz cij rox gij coh neix dwg gijmaz; doengh boux mbouj ndaej hih gaenhbaenj mbouj rox.”

Yozhanq It 3:23

Gij vah de couh dwg hawj gyoengqraeuz sinq daeglwg de Yehsuh Gihduz, ciuq de raengq hih yienghmwnq bae doxaiq.

Yajgoz Saw 2:20

Gij vunz ngawz faenhsou hax! Faenhsou mbouj rox caenhgag naeuz sinq hoeng mij guh ndeisaeh hih dwg mij'z yungh hih mah?

Lozmaj Saw 8:37

lah, hoeng, cungj mbouj ndaej laengz; gyoengqraeuz baengh Gihduz, boux aiq raeuz neix, sojmiz hih cungj ndaej giengz goq.

Lozmaj Saw 2:7

Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

Gihduz Hawj Vunz Rox 21:7

Doenghheij ndaej hingz hih vunz gaengjdingq ndaej doenghgij fuk neix; gou ij guh gyoengqde dih Cangqdiq, gyoengqde caemh ij guh gij lwg gou.

Hihbwzlaiz Saw 3:6

Hoeng, Gihduz dwg daeglwg Cangqdiq, dwg guenjleix Cangqdiq cenz ranz sojmiz hih. Yiengq, hauhnaeuz gyoengqraeuz baujciz mbouj lau, gyenhciz sinq gyoengqraeuz soj muengh hih nginhnaeuz dwg najrongh hih nex, gyoengqraeuz couh dwg ndaw ranz Cangqdiq hih vunz lo.

Majdaiq Saw 19:28

Yehsuh dingq le, caiq doiq gyoengqde naeuz: “Gou saedsaeh naeuz sou ni, daengj daengz Cangqdiq dauqyungz dawz de soj cauh hih cungj luj gaxgonq yienghmwnq ndei boiz bae, gou, Vunz dih Daiqbiuj, couh naengh youq aen lungzeij rongh sagsag he, daengz mwhde, faenhsou gaen gou hih vunz caemh ij ndaej naengh youq cibngeih aen eij gwnz de hwj saemjbuenq gij vunz Hijswzlez dih cibngeih aen cuz lo.

Gihduz Hawj Vunz Rox 3:5

Doenghheij ndaej hingz hih vunz couh ij daenj buh bieg. Doenghheij vunz neix, gou gaengjdingq mbouj daj ndaw bonjbouh daengh miz doenghgij coh doengh boux miz mingh he duz bae; mbouj danhcij yienghneix, vanzlij youq dangqnaj daxboh gou caeuq dangqnaj gyoengq cai daxboh gou nginh de dwg gij vunz gou.

Yozhanq It 2:19

Doenghgij vunz neix mbouj dwg gaep buek vunz raeuz law. Hauhnaeuz dwg gaep buek vunz raeuz nex, couh mbouj daj ndaw gyoengqraeuz ok bae lo; daj ndaw gyoengqraeuz ok bae hih, couh mbouj suenq dwg gij vunz raeuz lo.

Dezsajloznizgyah It 3:5

Sojhij, couh vih yienghneix, gou roxnginh mbouj ndaej daengj lo, cij baij Dizmohdaiq bae faenhsou mwnq vih ij rox faenhsou sinq Gihduz dih sim dauqdaej dwg baenzlaw. Gou lau faenhsou ngaiz Sajdanq yaeuh faenhsou le, faenhsou ngaiz sinq de hwj gyoengqraeuz soj guh hih hong bienqbaenz vwt hoengq.

Majdaiq Saw 10:22

Faenhsou caemh vih gou hwj ngaiz vunz haenq. Hoeng, cijaeu faenhsou gyenhciz roengzbae, daengz gajlaeng faenhsou couh gaengjdingq ndaej gouq.