Gihduz Hawj Vunz Rox 2:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Boux de vanzlij caiq naeuz: “Mwngz ij sij saenq hawj bouxcai Deihyajdeihlah gyauqveiq; mwngz ij yienghneix sij naeuz: Daeglwg Cangqdiq, couh dwg boux cehra de ronghndongq luj duj feiz, gij ha de myig luj doengz he, de yienghneix naeuz:

Gihduz Hawj Vunz Rox 2:18 ပူးပေါင်းရင်းမြစ်များ

Gihduz Hawj Vunz Rox 1:11

“Mwngz ij dawz mwngz soj yawjraen hih sij hwnjdaeuj, fak bae hawj Hijfuzsoj Singz hih gyauqveiq hah, Swqmeijnaz Singz hih gyauqveiq hah, Bezgyahmoh Singz hih gyauqveiq hah, Deihyajdeihlah Singz hih gyauqveiq hah, Sajdiz Singz hih gyauqveiq hah, Feihlahdezfeih Singz hih gyauqveiq hah, Laujdijgyah Singz hih gyauqveiq hah, caet aen gyauqveiq neix.”

Yozhanq Saw 1:14

Gij vah Cangqdiq bienqbaenz miz lwed miz noh hih vunz; de youq laeng gyoengqraeuz youq. Gyoengqraeuz yawjraen gij rongh de, gij veijdaq de; gij rongh neix couh dwg daeglwg dog Cangqdiq Bohmbwn cij ndaej he. De dwg sinq ndaej goq he, haijliengh raixcaix he, gig aiq vunz he.

Majdaiq Saw 3:17

Caemh miz sing daj gwnzmbwn doiq de naeuz: “Mwngz dwg daeglwg gou; gou gig aiq mwngz. Mwngz hawj gou roxnginh hab'eiq habhoz raixcaix.”

Lozmaj Saw 8:32

Cangqdiq daiqlienz daeglwg dog de cungj sijndaej, sijndaej hawj de vih gyoengqraeuz hwj rai; yiengq de mbouj engqgya dawz sojmiz hih cungj nyok hawj gyoengqraeuz maz?

Lozmaj Saw 1:4

hoeng, aenvih Hoenzsaenz Cangqdiq hawj de daj rai ndaej dauqlix, de yungh gij akak rengzrengz bonjfaenh de ma cingqmingz de, yienghneix couh mingzmingz ndaej hawj vunz rox de dwg daeglwg Cangqdiq, dwg bouxcawj raeuz Yehsuh Gihduz, Cangqdiq baij daeuj dih vuengz.

Yozhanq Saw 10:36

gangjnaeuz dwg gou hwx, gou couh dwg daxboh senj okdaeuj baij daeuj lajmbwn he. Gou gag naeuz gou dwg daeglwg Cangqdiq, faenhsou vihmaz ij naeuz gou daekcoih Cangqdiq nej?

Yozhanq Saw 5:25

Gou caiq saedsaeh naeuz sou ni, mwhde couh ij daengz lo, seizneix couh dwg lo, vunzrai ndaej dingqri gij sing daeglwg Cangqdiq; ndaej dingqri hih couh dwg ndaej dauqlix lo.

Yozhanq Saw 3:18

“Famz sinq de hih vunz cungj mbouj ngaiz dingh miz coih; mbouj sinq de hih vunz gaenq dingh hawj miz coih lo, aenvih gyoengqde mbouj sinq daeglwg dog Cangqdiq.

Yozhanq Saw 3:16

Cangqdiq gig ndiep vunz lajmbwn, simqciq daiqlienz daeglwg dog de cungj nyok hawj vunz, hawj gij vunz sinq de he mbouj ngaiz raicied, dauq ndaej seiqseiz lix,

Luqgyah Saw 1:35

Yiengq bouxcai naeuz: “Hoenzsaenz Cangqdiq ij hwnj gwnz ndang mwngz; gij rengz gienz akak rengzrengz dih Cangqdiq ij mwg daengz mwngz. Sojhij mwngz ij seng hih daeglwg daj Cangqdiq daeuj hih daeglwg neix, gij vunz caemh ij heuh de ‘lwg Cangqdiq.’”

Majdaiq Saw 27:54

Yiengq, gam youq henz Yehsuh hih boux Lozmaj lienzcangj caeuq doenghheij binggyep mwnq yawjraen deih doengh caeuq soj fatseng hih saeh le, cungj lau hwj hemq naeuz: “Ox! De cingqcaen dwg lwg Cangqdiq!”

Majdaiq Saw 17:5

Bijdwz gangj doenghgij vah neix hih mwhde, miz ndaek vangq fwj rongh sagsag he daeuj guem gyoengqde. Ndaw fwj ndaw de caemh miz sing gangj naeuz: “Boux neix dwg daeglwg gou, dwg gou aiq dih lwg; de hawj gou roxnginh hab'eiq habhoz he. Faenhsou ijaeu dingq gij vah de.”

Gihduz Hawj Vunz Rox 2:1

Boux de yienghneix naeuz le, gajlaeng vanzlij caiq doiq gou naeuz: “Mwngz ij sij saenq hawj bouxcai Hijfuzsoj gyauqveiq; mwngz ij yienghneix sij naeuz: Boux fawz gvaz dawz caet aen ndaundeiq, youq cungqgyan caet aen gyaqdaeng gim mwnq byaij hih boux mwnq yienghneix naeuz:

Yozhanq Saw 1:49

Gajlaeng Nazdanqnez naeuz: “Ox! Lahbij! Mwngz dwg daeglwg Cangqdiq, dwg Hijswzlez dih vuengz!”

Geiq Dwzbaijyienz 8:36

Couh yienghneix, Feihliq doq bae doq gangj naeuz de ni. Gajlaeng ngamqluj bae daengz mwnq he miz raemx, boux de couh naeuz: “Aeq, yawj veiq! Mwnq miz raemx hwj; gou ndaej mbouj ndaej youq mwnq sijlij hax?”

Geiq Dwzbaijyienz 16:14

Yiengq, mwnq miz boux vunzbaz he, gij coh de heuh Lijdijyaq, dwg Deihyajdeihlah Singz vunz he, dwg guh dajhai boiq aeuj gw he. De soqlaiz cungj dwg baiq Cangqdiq. Cangqdiq hawj de cuqhiq dingq Baujloz gangj vah, caemh hawj de sinq de gangj hih vah.

Gihduz Hawj Vunz Rox 2:24

Doiq doenghheij youq Deihyajdeihlah lij lw hih mbouj dingq mbouj gaen meh vunz mwnq hih, caemh mbouj hag Sajdanq dih ndaek cungj geizheih hawj vunz hoj rox hih cungj dauhleix mwnq hih vunz, gou naeuz sou ni, gou mbouj hawj faenhsou miz maz law.