Gihduz Hawj Vunz Rox 2:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Gou naeuz mwngz ni, mwngz gaej lau mwngz ij ngaiz souh daengz hih nanh, couh dwg fangzvuengz ij dawz faenhsou ndaw de geij boux bae gyaeng, bae sawq, bwkhaih cib ngoenz. Mwngz cungj ij gyenhciz, rai cungj mbouj lau; yienghmwnq gou couh nyok cangjbyimj hawj mwngz ndaej seiqseiz lix.

Gihduz Hawj Vunz Rox 2:10 ပူးပေါင်းရင်းမြစ်များ

Yajgoz Saw 1:12

Dingx ndaej gaujniemq hih vunz dwg miz fuk hih, aenvih de dunghgoq gaujniemq ndaej gaeuqgwz le, couh cangjliq ndaej seiqseiz lix dih gij najrongh mwnq lo; gij najrongh neix dwg bouxcawj raeuz baujcingq hawj gij vunz aiq de he.

Majdaiq Saw 10:22

Faenhsou caemh vih gou hwj ngaiz vunz haenq. Hoeng, cijaeu faenhsou gyenhciz roengzbae, daengz gajlaeng faenhsou couh gaengjdingq ndaej gouq.

Bijdwz It 5:4

Yienghneix daengz Cangqdiq dih boux ciengxyiengz daeuzdaeuz, Yehsuh Gihduz, yienh okdaeuj hih mwhde, faenhsou gaengjdingq ndaej daengz gij cangjbyimj rongh sagsag yungjyenj mbouj rox gaeuq mbouj rox vaih he.

Majgoj Saw 13:13

Faenhsou caemh vih gou hwj ngaiz vunz haenq. Hoeng, cijaeu faenhsou gyenhciz naenxsim roengzbae, couh gaengjdingq ndaej gouq.”

Hijfuzsoj Saw 6:12

aenvih caeuq gyoengqraeuz doxhoenx hih dizyinz mbouj dwg miz lwed miz noh hih vunz, dauq dwg caeuq aen seiqgyaiq neix dih miz gienz dang ak ndaej guenjciq hih fangz yak caeuq gwnzmbwn doenghheij gaem gienz hih fangz yak doxhoenx lah.

Gihduz Hawj Vunz Rox 2:9

Gou rox mwngz souh nanh caemh gungz, hoeng gizsaed mwngz dwg fouqmiz hih. Gou caemh rox, doenghheij gag naeuz bonjfaenh dwg Youzdaiq vunz hih bangjlaih mwngz—gizsaed gyoengqde gaenhbaenj mbouj dwg Youzdaiq vunz, dauq dwg buek vunz Sajdanq fangzvuengz lah.

Majdaiq Saw 24:13

Hoeng, doengh boux mbouj doeknaiq, gyenhciz roengzbae hih couh ndaej gouq lo.

Bijdwz It 5:8

Mboujgoq faenhsou ij siujsim, ij daezfuengz dizyinz fangzvuengz faenhsou; de luj duz guk iek maenj humxhumx dauqcawq byaij bae byaij dauq cimh vunz gyan gw he, de caemh dwg cauh baenz hawj vunz miz nanh he.

Gohlimzdoh It 9:25

Yiengq, famz camhgyah bijcaiq hih vunz cungj ij dunghgoq yiemzgwz ywnqlenq. Gyoengqde yienghneix guh cijmboujgoq dwg siengj hingz ndaej gij cangjbyimj rox naeuh rox lanh hih lah; hoeng, gyoengqraeuz siengj hingz hih gij cangjbyimj mwnq dauq dwg yungjyenj mbouj rox naeuh hih.

Majdaiq Saw 10:28

“Gaejyungh lau doengh boux caenhgag ndaej gaj aen ndangdaej faenhsou, dauq mij bonjsaeh ndaej haih daengz gij hoenzsaenz faenhsou he. Faenhsou ij lau, dauq lau boux miz gienz lienz vunz lienz hoenzsaenz cungj ndaej hawj youq ndaw mwnq fad fangz, mwnq satsoq he hih boux mwnq.”

Gihduz Hawj Vunz Rox 13:7

caemh bae hoenx gij vunz Cangqdiq, caemh hoenx ndaej goq, caemh bae guenjciq lajmbwn sojmiz hih minzcuz, gak aen cuz hah, gak gangj mbouj doxdoengz hih vah hah, gak guek hih vunz hah.

Hijfuzsoj Saw 2:2

Mwhde, faenhsou dwg gaen gij vunz aen seiqgyaiq neix guh saeh hih, dwg dingq aen seiqgyaiq neix gaem gienz dang daeuz dih fangzvuengz hih, couh dwg seizneix yungx doenghheij vunz mbouj dingq gij vah Cangqdiq hih Sajdanq lo.

Yozhanq Saw 13:2

Yehsuh caeuq gyoengq lwgsae de gw haeuxcaeuz hih mwhde, fangzvuengz gaenq dawz gij ij cuzmaiq Yehsuh hih naemjfap coengq haeuj ndaw sim Youzdaq, daeglwg Sihmaenz, Gyahloz vunz bae lo.

Yozhanq Saw 12:25

Caemh doxdoengz, it boux vunz hauhnaeuz de cij rox baux diuz mingh bonjfaenh hih, dauq ngaiz vwt mingh; doengh boux mbouj yawjnaek diuz mingh bonjfaenh hih, dauq ndaej baux mingh—mbouj danhcij naeuz ndaej baux, vanzlij ndaej baux daengz seiqseiz.

Luqgyah Saw 21:12

“Hoeng, doenghgij neix mijyaengz fatseng hih mwhde, faenhsou ij ngaiz vunz haih, ngaiz vunz gaemh dawz gyau hawj veiqdangz, caemh ngaiz vunz gyaeng haeuj ndaw lauz bae. Youhcaiq vih gou hwj ngaiz rag bae hawj goengjvuengz caeuq cingqfuj.

Majgoj Saw 8:35

aenvih doengh boux ijsiengj gouq gij mingh bonjfaenh hih, dauqfanj ngaiz vwt mingh; doengh boux vih gou caeuq vih gij ndei siuhsiz hwj ngaiz vwt mingh hih, dauqfanj ndaej gouq mingh.

Gihduz Hawj Vunz Rox 13:2

Duz de luj duz gukbeuq, hoeng, gij ha de dauq luj gij ha duz goujyungz, conghbak de luj conghbak duz caiceij. Duz de daj ndaw haij hwnj daeuj le, duz lungz mwnq couh dawz gij rengz bonjfaenh de caeuq aen lungzeij bonjfaenh de caeuq gij gienz bonjfaenh de cungj gyau hawj duz de.

Geiq Dwzbaijyienz 21:13

Hoeng, Baujloz dauq naeuz: “Faenhsou vihmaz ij yienghneix gikheiq daej hax, daej hawj gou siengsim bae nej? Gou gaenq guh ndei cwnjbiq lo; vih bouxcawj raeuz Yehsuh hwj ngaiz vunz goenj, simqciq ngaiz rai youq Yehluqsajlaengj, gou cungj simgam hah.”

Geiq Dwzbaijyienz 20:24

Hoeng mboujguenj baenzlawz yiengh, cungj mbouj ndaej laengz gou; diuz mingh gou doiq gou ma gangj gaenhbaenj mbouj suenq guxmaz, cijaeu byaij sat diuz roen gou, couh dwg guh ndei gij hong bouxcawj raeuz Yehsuh gyau hawj gou hih, ndaej cenzgangj Cangqdiq haijliengh aiq vunz dih ndei siuhsiz couh ndaej lo.

Yozhanq Saw 13:27

Yiengq Youzdaq couh aeu ma gw. Gw le, Sajdanq fangzvuengz couh majcangq doz hwnj gwnz ndang de bae lo. Gajlaeng Yehsuh couh doiq Youzdaq naeuz: “Mwngz vaiq bae guh gij saeh mwngz ij guh he bax!”

Gihduz Hawj Vunz Rox 2:13

Gou rox, gannaeuz mwngz youq mwnq Sajdanq fangzvuengz soj guenjciq hih deixfueng lah, hoeng mwngz vanzlij dwg gyenhciz mbouj yiem gou, mbouj vwt gou, simqciq mwh Anhdizbaq boux sinq ndaej goq neix dih boux cingqyinz gou youq faenhsou mwnq, couh dwg youq Sajdanq soj youq hih deixfueng, ngaiz gaj hih mwhde, mwngz vanzlij gyenhciz sinq gou, mbouj doeknaiq.

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Gihduz Hawj Vunz Rox 17:14

Gyoengqde ij caeuq duz yiengzlwg doxhoenx, hoeng, duz yiengzlwg gaengjdingq hoenx ndaej hingz gyoengqde, aenvih de dwg sojmiz bouxcawj dih cawj, sojmiz vuengz dih vuengz. Doenghheij de senj hih heuh daeuj hih, yungjyenj gaen de mbouj bienq sim hih, caemh ndaej hingz.”