Gihduz Hawj Vunz Rox 17:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Mwngz yawjraen hih duz nyaen neix doenghbaez dwg lix hih, hoeng, seizneix gaenq rai lo. Duz de couh ij daj ndaw vaengz he hwnj daeuj, gajlaeng caiq byaij haeuj gij satsoq he bae. Lajmbwn doenghheij dajlwh cauh mbwn cauh deih doxdaeuj gij coh mij ndaej daengh haeuj ndaw bonjbouh miz mingh he bae hih vunz raen duz doenghbaez lix, seizneix rai, gajlaeng caiq dauqlix hih duz nyaen mwnq cungj geizheih ij rai.

Gihduz Hawj Vunz Rox 17:8 ပူးပေါင်းရင်းမြစ်များ

Gihduz Hawj Vunz Rox 17:11

Yiengq duz gaxgonq lix goq seizneix gaenq rai hih duz nyaen mwnq couh dwg daixbet goengjvuengz lo; goeng de caemh caeuq caet goeng mwnq doxdoengz, caemh dwg yamq haeuj gij satsoq he bae.

Gihduz Hawj Vunz Rox 11:7

Song boux cingqyinz mwnq cenzgangj liux le, miz duz nyaen geizheih he daj ndaw vaengz mwnq ok daeuj hoenx song boux de, hoenxhingz song boux de, gajrai song boux de.

Gihduz Hawj Vunz Rox 3:10

Aenvih mwngz gyenhciz ciuq gou gangj hih yienghmwnq bae guh, sojhij daengz baezneix lajmbwn sojmiz hih vunz cungj souh daengz daixnanh, cungj ngaiz sawq hih mwhde, gou gaengjdingq ij baujhuq mwngz.

Gihduz Hawj Vunz Rox 3:5

Doenghheij ndaej hingz hih vunz couh ij daenj buh bieg. Doenghheij vunz neix, gou gaengjdingq mbouj daj ndaw bonjbouh daengh miz doenghgij coh doengh boux miz mingh he duz bae; mbouj danhcij yienghneix, vanzlij youq dangqnaj daxboh gou caeuq dangqnaj gyoengq cai daxboh gou nginh de dwg gij vunz gou.

Majdaiq Saw 25:34

“Faen ndei le, guh goengjvuengz hih couh doiq gyoengq youq baixgvaz de naeuz: ‘Doenghheij boh gou soengq fuk hawj faenhsou he hax, daeuj bax, daeuj ciep aeu daj mijyaengz cauh mbwn cauh deih cix cwnjbiq ndei hawj faenhsou hih aen guek neix bax!

Gihduz Hawj Vunz Rox 20:12

Gajlaeng, gou caiq yawjraen miz vunzrai, mboujguenj boux dang ak, cixnaeuz boux mij dang saek yiengh yaqyuij he, cungj ndwn youq dangqnaj aen lungzeij mwnq, caemh raen miz geij gienj saw hoi hwj, caemhcaiq raen miz daixlingh gienj ndaw de sij miz gij coh doengh boux ndaej lix he, dwg bonjbouh miz mingh he; gienj de caemh hoi hwj. Yiengq gij vunz gaenq rai he hih gij vunz neix, Cangqdiq cungj ciuq gyoengqde soj guh hih sij youq ndaw gienj saw hih ma saemjbuenq gyoengqde.

Hijfuzsoj Saw 1:4

De simqciq youq mijyaengz cauh mbwn cauh deih cihsenz cix aiq gyoengqraeuz cix dunghgoq Yehsuh Gihduz hwj senj gyoengqraeuz, hawj gyoengqraeuz ndaej youq ndaw lwgra de bienqbaenz boux mij'z coih he, mij gijmaz ndaej diudik he.

Yozhanq Saw 17:24

“Boh hax, muengh gij vunz mwngz nyok hawj gou hih gyoengq vunz mwnq, gou youq mwnqlaw gyoengqde caemh youq mwnqlaw, yienghmwnq hawj gyoengqde ndaej raen mwngz hawj gou ndaej najrongh, aenvih youq mijyaengz cauh mbwn cauh deih cihsenz, mwngz gaenq aiq gou lo.

Gihduz Hawj Vunz Rox 20:15

Famz gij coh byawz mij daengh youq ndaw bonjbouh miz mingh hih cungj ngaiz gveng haeuj mwnq feiz dawz mwnq bae.

Gihduz Hawj Vunz Rox 20:10

Coemx gyoengqde hih fangzvuengz ngaiz gveng haeuj mwnq liuzvangz dawz feiz bae, couh dwg mwnq duz nyaen caeuq boux gyaj hih boux cenz gij vah Cangqdiq youq he. Youq mwnq ngwnzngwnz ngoenzngoenz yungjyungj yenjyenj souh haemz souh hoj mbouj dingz.

Geiq Dwzbaijyienz 15:18

Gij neix dwg Cangqdiq daj gaihcij cix gangj hih lo.”

Bijdwz It 1:20

Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.

Luqgyah Saw 8:31

Gajlaeng gyoengq fangz youq gwnz ndang boux de mwnq rox naeuz Yehsuh ij boenq gyoengqde okbae lo, gyoengqde couh simvueng hwj gouz Yehsuh, mbouj hawj Yehsuh boenq gyoengqde okbae gveng roengz aen vaengz Cangqdiq fad fangz he mwnq bae.

Luqgyah Saw 10:20

Hoeng, faenhsou gaejyungh vih fangz fug faenhsou hwj angq; faenhsou wnggai ij dwg vih gij coh faenhsou ndaej daengh haeuj ndaw guek Cangqdiq bae hwj angq cij deng.”

Gihduz Hawj Vunz Rox 17:2

Gou naeuz mwngz ni, lajmbwn hih vuengz cungj caeuq de guhyoux, lajmbwn hih vunz cungj caemh luj gw laeuj fiz yienghmwnq caeuq de guh ndaeng guh ndwet.”