Gihduz Hawj Vunz Rox 14:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Doenghheij vunz neix cungj dwg mijyaengz yaek haeuj laeng vunzbaz bae goq he hih vunzsai. Gyoengq vunz neix cungj dwg daj ndaw gij vunz lajmbwn cueg ma gvi haeuj Cangqdiq caeuq gvi haeuj duz yiengzlwg hih daixit buek he. Gyoengqde mboujguenj duz yiengzlwg bae daengz mwnqlaw, gyoengqde cungj caemh gaen bae daengz mwnqlaw.

Gihduz Hawj Vunz Rox 14:4 ပူးပေါင်းရင်းမြစ်များ

Gihduz Hawj Vunz Rox 3:4

Cijmboujgoq youq Sajdiz mwngz mwnq vanzlij miz mbangj hih vunz mij ngaiz coih uq dawz; doenghgij vunz neix boiqndaej daenj buh bieg hwj caeuq gou gaen gou.

Gohlimzdoh Ngeih 11:2

Gou luj Cangqdiq aiq faenhsou yienghmwnq aiq faenhsou, aiq daengz mbouj siengj faenhsou bae gaen vunz, aenvih gou gaenq dawz faenhsou boiq hawj Gihduz lo, caemhdangq luj dawz dah lwgsau mijyaengz haq goq, mijyaengz ngaiz vunz yaek goq he boiq hawj boux vunzsai he lo.

Yajgoz Saw 1:18

De ciuq gij cawjeiq bonjfaenh de yungh gij saedsaeh ndei siuhsiz de ma hawj raeuz ndaej dauqlix, hawj gyoengqraeuz ndaej guh daixit buek de doiqyungz cauh he hwj guh gij vunz de.

Gihduz Hawj Vunz Rox 5:9

Gyoengqde ciengq diuz go moq he, ciengq naeuz: Mwngz boiqndaej dawz gienj saw, Boiqndaej mbek gij lab fung, Aenvih mwngz ngaiz vunz gaj goq. Mwngz yungh gij lwed mwngz Daj gak cuz, gak minzcuz, gak guek, gak mwnq vunz gangj mbouj doengz hih vah, Cueg gij vunz ma gvi hawj Cangqdiq,

Yozhanq Saw 12:26

Gou youq mwnqlaw, bouxhoiq gou caemh ij youq mwnqlaw. Couh dwg naeuz byawz siengj daeuj swqhaeuh gou hih, couh bietdingh ij daeuj gaen gou. Swqhaeuh gou hih vunz, daxboh gaengjdingq hawj de ndaej najrongh.”

Yozhanq Saw 10:27

Gij yiengz gou dingq rox gij sing gou, gou caemh rox gyoengqde, gyoengqde caemh gaen gou.

Gihduz Hawj Vunz Rox 17:14

Gyoengqde ij caeuq duz yiengzlwg doxhoenx, hoeng, duz yiengzlwg gaengjdingq hoenx ndaej hingz gyoengqde, aenvih de dwg sojmiz bouxcawj dih cawj, sojmiz vuengz dih vuengz. Doenghheij de senj hih heuh daeuj hih, yungjyenj gaen de mbouj bienq sim hih, caemh ndaej hingz.”

Gohlimzdoh It 6:20

Aenvih faenhsou dwg Cangqdiq yungh gauhgyaq cueg ma he, sojhij faenhsou wnggai youq gwnz ndang faenhsou yienh ok gij ndei he, mbouj hawj Cangqdiq saetnaj, wnggai hawj de najrongh.

Yozhanq Saw 8:12

Gajlaeng Yehsuh caiq doiq gyoengq vunz naeuz: “Gou couh dwg lajmbwn dih rongh; famz daeuj gaen gou hih couh mbouj caiq ngaiz byaij ndaw laep bae, couh ndaej miz gij rongh hawj vunz mbouj rox rai he.”

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Hijfuzsoj Saw 1:14

Gij Hoenzsaenz neix dwg Cangqdiq baujcingq baezneix hawj gij vunz de hih baengzgawq, daengj daengz mwh gij vunz de ndaej cueg okma hih mwhde cij hawj. De yienghneix guh dwg ij hawj gij vunz de haenh de najrongh.

Gohlimzdoh It 16:15

Gak boux beixnuengx hax, faenhsou rox Swhdizfaznaq ndaw ranz de bax; gyoengqde dwg Yaqgaihyaq Saengj sinq Gihduz ceiq caeux ceiq daixdaeuz he, caemh rox gyoengqde cungj dwg caensim swqhaeuh gyoengq lwgsae he. [15a]Gak boux beixnuengx hax, gou gienq faenhsou, [16]faenhsou wnggai dingq luj gyoengqde yienghneix hih vunz, caeuq dingq doenghheij caeuq gyoengqde itheij roengzrengz guh cungj hong he hih vunz.

Geiq Dwzbaijyienz 20:28

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

Yozhanq Saw 13:37

Bijdwz dingq le, caiq cam naeuz: “Bouxcawj hax, vihmaz seizneix gou mbouj ndaej gaen mwngz bae nej? Gou nyienh'eiq vih mwngz vwt mingh hah.”

Majdaiq Saw 25:1

Yehsuh vanzlij caiq naeuz: “Daengz mwhmwnq, guek Cangqdiq caemh luj miz cib dah lwgsau diemj daeng bae ciep gojyez moq.

Majdaiq Saw 8:19

Couh youq mwhneix, miz boux fazliz cenhgyah he goq daeuj doiq de naeuz: “Lauxsae, mboujguenj mwngz bae daengz mwnqlaw, gou cungj gaen mwngz bae daengz mwnqlaw.”

Dizmohdaiq It 4:3

Gyoengqde haed mbouj hawj vunz aeu, mbouj hawj vunz haq, haed mbouj hawj vunz gw gijlaw gijlaw. Hoeng, doenghgij gw he cungj dwg Cangqdiq cauh okdaeuj he; doenghgij vunz sinq Cangqdiq rox gij saedsaeh Cangqdiq hih, cijaeu gyoengqde miz aen sim rox docih Cangqdiq he, couh ndaej gw lo.

Gohlimzdoh It 7:28

Hoeng, hauhnaeuz mwngz lij siengj aeu yah hih, caemh mbouj suenq famh coih; lwgsau ok haq, caemh mij maz naeuz famh coih. Cijmboujgoq gyezvwnh hih vunz baenx seiqvunz cungj miz haujlai mazfanz; gou dauj muengh faenhsou ndaej duet ok gij mazfanz neix.

Majdaiq Saw 19:12

Doenghheij mbouj gyezvwnh hih gag miz gij dauhleix de: miz hih daiqseng baenz mbouj hab gyezvwnh, miz hih dwg ngaiz vunz iem hwj mbouj hab gyezvwnh hih, caiq miz hih dwg vih ij guh gij hong Cangqdiq hwj gag mbouj gyezvwnh hih. Byawz dungziq gij vah neix couh dungziq bax.”

Hijfuzsoj Saw 5:27

mij saek di uq, wenq upup ngaeuz nguebngueb, mij gijmaz ndaej diudik he hab'eiq habhoz de he dih gyauqveiq gvi hawj bonjfaenh de.

Hihbwzlaiz Saw 12:23

bae daengz mwnq miz gij lwgdaeuz Cangqdiq doxcomz hih mwnq; gij coh gyoengqde gaenq daengh youq gwnzmbwn de lo. Faenhsou dwg ndaej bae daengz saemjbuenq vunzlai dih Cangqdiq mwnq, bae daengz gwnzmbwn doenghheij hoenzsaenz youq ndaw lwgra Cangqdiq suenq dwg mij'z coih he, dwg hab'eiq habhoz de liuxliux he,

Gihduz Hawj Vunz Rox 21:22

Hoeng, gou mij yawjraen ndaw singz neix miz cangqbungz Cangqdiq, aenvih akak rengzrengz gaiqgaiq cungj ndaej guh daengz dih Cangqdiq bouxcawj caeuq duz yiengzlwg couh dangq dwg aen cangqbungz lo.

Gihduz Hawj Vunz Rox 21:23

Aen singz neix mboujyungh gyangjngoenz caeuq aen ndwen rongh nej, aenvih miz gij ronghndongq Cangqdiq caeuq miz duz yiengzlwg dangq dwg aen singz neix hih daeng he.