Gihduz Hawj Vunz Rox 12:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ ngaiz daj gwnzmbwn gveng roengz doem bae lo. Duz lungz neix couh dwg duz fangzvuengz mwnq, caemh dwg heuh Sajdanq hih yaeuh baenx cenz lajmbwn hih duz ngwz laux mwnq lo. De ngaiz gveng roengz doem bae; doenghheij cai de caemh ngaiz gaen gveng roengz doem bae.

Gihduz Hawj Vunz Rox 12:9 ပူးပေါင်းရင်းမြစ်များ

Luqgyah Saw 10:18

Yehsuh dingq le, couh doiq gyoengqde naeuz: “Dwg hwj, gou caemh raen fangzvuengz, couh dwg Sajdanq, luj byajmyig yienghmwnq daj gwnzmbwn doek roengzdaeuj hwj.

Yozhanq Saw 12:31

Seizneix dwg aen seiqgyaiq neix hih vunz souh daengz saemjbuenq hih mwhde lo. Aen seiqgyaiq neix hih vuengz, Sajdanq, couh ij ngaiz luetgyeuq lo.

Gihduz Hawj Vunz Rox 20:10

Coemx gyoengqde hih fangzvuengz ngaiz gveng haeuj mwnq liuzvangz dawz feiz bae, couh dwg mwnq duz nyaen caeuq boux gyaj hih boux cenz gij vah Cangqdiq youq he. Youq mwnq ngwnzngwnz ngoenzngoenz yungjyungj yenjyenj souh haemz souh hoj mbouj dingz.

Yozhanq It 5:19

Gyoengqraeuz rox, gannaeuz aen seiqgyaiq neix hih vunz cungj dwg ngaiz boux guh doeg guh sieb neix guenjciq lah, hoeng gyoengqraeuz mbouj ngaiz de guenjciq; gyoengqraeuz vanzlij dwg gij vunz Cangqdiq.

Gohlimzdoh Ngeih 4:4

Doenghheij vunz neix mbouj sinq Gihduz, dwg ngaiz aen ciqgyaiq neix dih cwnz, Sajdanq, loengh hwj sim mazmwnh ra fangz yawj mbouj raen gij rongh gij ndei siuhsiz Gihduz lah. Hoeng, Gihduz couh dwg Cangqdiq dih saeksiengq hah.

Lizsij dih Gaihcij 3:1

Yehhozvaz Cangqdiq cauh hih sojmiz doenghduz, suenq duz ngwz ceiq ganvad. Duz ngwz cam boux vunzbaz mwnq naeuz: “Cangqdiq cingqcaen naeuz faenhsou, mbouj hawj faenhsou gw ndaw suen neix sojmiz hih mak haz?”

Gihduz Hawj Vunz Rox 12:7

Gajlaeng gwnzmbwn couh miz doxhoenx. Mijgyahlwz, couh dwg bouxcai Cangqdiq dih daeuzdaeuz, daiq gyoengq cai de daeuj hoenx duz lungz. Yiengq duz lungz caemh caeuq doenghheij cai bonjfaenh de hoenx gyoengq cai,

Yozhanq Saw 8:44

Faenhsou baenjlaiz dwg gij lwg fangzvuengz, cij rox gaen boh sou soj siengj hih yienghmwnq ma guh saeh hih. Daj gaihcij de cix dwg boux gaj vunz he lo, coengzlaiz mbouj haeuj mbiengj saedsaeh he, aenvih ndaw sim de gaenhbaenj mbouj miz saedsaeh. De soqsingq cungj dwg gangj gyajvah he, dwg doenj gyajvah he.

Gihduz Hawj Vunz Rox 20:8

De ndaej coengq okdaeuj le, gaengjdingq bae coemx lajmbwn sojmiz hih guek—Gohgwz caeuq Majgoz couh dwg daiqbiuj sojmiz hih guek—bae hawj gyoengqde bae [9a]mwnq dieg gvangq he doxcomz, [8b]hawj gyoengqde cwnjbiq bae doxhoenx. Gij vunz gyoengqde lai hux lai. [9b]Gyoengqde bae gvaeg gij vunz Cangqdiq soj youq hih yingz, couh dwg aen singz Cangqdiq haenj he. Hoeng, miz feiz daj gwnzmbwn roengz daeuj gyemz dawz gyoengqde, byaeu liux.

Gihduz Hawj Vunz Rox 12:3

Gajlaeng gwnzmbwn caiq miz daixlingh gij gingjdoengh: miz ndaek duz lungz hoengz hunghung he, [4]gij rieng duz de dawz gwnzmbwn sam faenh cih it dih ndaundeiq baet doek roengz lajdoem bae. Gajlaeng duz de caiq ndwn youq dangqnaj boux vunzbaz ijvanh seng lwgngez mwnq, ndwn hwj ij daengj boux vunzbaz mwnq seng lwg okdaeuj le ndaej gw laeq lwgngez de. [3b]Duz de miz caet ndaek raeuj caeuq cib gij gok; caet ndaek raeuj de gyok miz aen guraeuj.

Gihduz Hawj Vunz Rox 9:1

Yiengq daengz daixhaj bouxcai boq, gou couh yawjraen miz aen ndaundeiq daj gwnzmbwn doek roengz lajmbwn bae he. Doek roengzbae le, aen de couh ciep aeu gij seiz aen vaengz he.

Gihduz Hawj Vunz Rox 2:24

Doiq doenghheij youq Deihyajdeihlah lij lw hih mbouj dingq mbouj gaen meh vunz mwnq hih, caemh mbouj hag Sajdanq dih ndaek cungj geizheih hawj vunz hoj rox hih cungj dauhleix mwnq hih vunz, gou naeuz sou ni, gou mbouj hawj faenhsou miz maz law.

Gihduz Hawj Vunz Rox 2:13

Gou rox, gannaeuz mwngz youq mwnq Sajdanq fangzvuengz soj guenjciq hih deixfueng lah, hoeng mwngz vanzlij dwg gyenhciz mbouj yiem gou, mbouj vwt gou, simqciq mwh Anhdizbaq boux sinq ndaej goq neix dih boux cingqyinz gou youq faenhsou mwnq, couh dwg youq Sajdanq soj youq hih deixfueng, ngaiz gaj hih mwhde, mwngz vanzlij gyenhciz sinq gou, mbouj doeknaiq.

Bijdwz It 5:8

Mboujgoq faenhsou ij siujsim, ij daezfuengz dizyinz fangzvuengz faenhsou; de luj duz guk iek maenj humxhumx dauqcawq byaij bae byaij dauq cimh vunz gyan gw he, de caemh dwg cauh baenz hawj vunz miz nanh he.

Gohlimzdoh Ngeih 11:14

Gizsaed, gou naeuz hax, gijn'x mbouj geizheih hih nej, aenvih daiqlienz Sajdanq fangzvuengz cungj caemh rox cang guh bouxcai rongh sagsag Cangqdiq he.

Gohlimzdoh Ngeih 2:11

Gou yienghneix guh dwg vih mbouj hawj Sajdanq fangzvuengz ciemq bienxngeiz, aenvih gyoengqraeuz doiq Sajdanq dih yimhmaeuz cungj rox cingsuj.

Lozmaj Saw 16:18

aenvih cungj vunz neix mbouj swqhaeuh bouxcawj raeuz Gihduz, caenh rox daengz bonjfaenh lah. Gyoengqde cungj dwg gangj doenghgij vah ndeidingq he ma coemx doenghheij vunz lauxsaed he.

Geiq Dwzbaijyienz 26:18

Gou baij mwngz bae laeng gyoengqde mwnq, hawj gyoengqde singqsag hwnjdaeuj, hawj gyoengqde ndaej daj ndaw laep cienq daengz mwnq rongh he, ndaej daj Sajdanq mwnq duet ok gij gaemhanh de, ndaej bae daengz ndaw rumq Cangqdiq mwnq bae, youhcaiq vih sinq gou hwj ndaej mienx coih, ndaej caeuq gij vunz sinq gou he doxdoengz ndaej gaep haeuj guek Cangqdiq.’”

Luqgyah Saw 22:31

De vanzlij caiq naeuz: “Sihmaenz, Sihmaenz, gou naeuz mwngz ni, fangzvuengz Sajdanq gouz Cangqdiq, ij dawz faenhsou ma lad, luj lad haeux yienghmwnq, yawj byawz dwg luj ceh bauz he cixnaeuz luj ceh mbot he.

Gohlimzdoh Ngeih 11:3

Hoeng, gou lau faenhsou ngaiz vunz yaeuh hwj mbouj caiq caensim aiq Gihduz, caemh luj Yaqvah ngaiz duz ngwz yaeuh yienghmwnq,

Luqgyah Saw 22:3

Mwhde, fangzvuengz Sajdanq doz youq gwnz ndang Youzdaq, Gyahloz vunz. (Youzdaq caemh dwg ndaw cibngeih boux lwgsae ndaw de hih boux he.)

Luqgyah Saw 8:12

Doengh ceh doek youq henz roen mwnq, couh dwg naeuz vunz dingq gij vah Cangqdiq le, gajlaeng miz fangzvuengz daeuj daj ndaw sim gyoengqde dued aeu bae, mbouj hawj gyoengqde sinq le ndaej gouq.

Majdaiq Saw 25:41

“Gajlaeng, goengjvuengz caiq doiq gyoengq youq baihswix de naeuz: ‘Deuz, doenghheij ngaiz Cangqdiq mang hih faenhsou hax! Ndaenj haeuj mwnq feiz dawz mbouj rox maet he Cangqdiq cwnjbiq fad fangzvuengz caeuq gyoengq cai de he mwnq bae bax!

Majdaiq Saw 4:10

Yehsuh dingq le, youhcaiq han de naeuz: “Sajdanq, deuz! Ndaw Singqgingh ndaw de caemh sij naeuz: Cangqdiq dwg mwngz dih cwnz; ij baiq ij sax, caenhgag ndaej baiq ndaej sax de, caemh dwg caenhgag ndaej swqhaeuh de.”

Majdaiq Saw 4:8

Fangzvuengz dingq de yienghneix gangj le, cungj mbouj fug, youhcaiq daiq de hwnj aen bya sangsang he bae yinx hawj de yawj, hawj de yawjraen lajmbwn sojmiz hih guek cungj dwg ndei hux ndei he,

Majdaiq Saw 4:5

Gajlaeng, fangzvuengz caiq daiq de bae daengz aen singz Cangqdiq, Yehluqsajlaengj, hawj de ndwn youq gwnz dingj aen laeuz gunghdenq Cangqdiq mwnq ceiq sang he,

Majdaiq Saw 4:1

Miz baez he, Hoenzsaenz Cangqdiq daiq Yehsuh bae daengz rogndoi, hawj de ngaiz Sajdanq duz fangzvuengz neix sawq de,

Lizsij dih Gaihcij 3:13

Yehhozvaz Cangqdiq dingq le, couh cam boux vunzbaz mwnq naeuz: “Mwngz vihmaz ij yienghneix guh nej?” Yiengq boux vunzbaz mwnq doi naeuz: “Dwg duz ngwz yaeuh hawj gou gw lah.”

Gihduz Hawj Vunz Rox 19:20

Hoeng, gajlaeng duz nyaen mwnq engq ngaiz gaemh dawz lo, daiqlienz boux youq dangqnaj duz nyaen mwnq doeng loengh sae loengh hwj coemx vunz, hawj vunz yaenq miz gij yaenq duz nyaen caeuq baiq duz you nyaen hih boux gyaj hih boux cenz gij vah Cangqdiq cungj ngaiz gaemh dawz lo, cungj ngaiz itheij gveng haeuj mwnq liuzvangz dawz feiz mwnq luj aen huz he bae lo.

Gihduz Hawj Vunz Rox 16:14

Doenghheij fangz mwnq rox doeng loengh sae loengh doenghgij geizmiuj he. Gyoengqde ok bae cimh lajmbwn sojmiz hih vuengz, cimh gyoengqde hawj gyoengqde doxcomz hwj cwnjbiq daengz ngoenz akak rengzrengz gaiqgaiq cungj ndaej guh daengz hih Cangqdiq saemjbuenq vunz lajmbwn hih ngoenz dwzbez mwnq doxhoenx.

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Gihduz Hawj Vunz Rox 9:20

Gou vanzlij raen doenghheij vunz mij ngaiz doenghgij neix haih dawz rai hih cungj lij mbouj vih bonjfaenh soj guh hih hwj nginh loek gaijgoq, vanzlij dwg bae baiq fangzfangz gveijgveij, caeuq baiq doenghheij aeu gim, aeu ngaenz, aeu doengz, aeu rin, aeu faex ma dik baenz guhbaenz hih, mij ndaej yawjraen hih, mij ndaej dingqri hih, cixcaemh mij ndaej byaij hih doenghheij you mwnq.

Gihduz Hawj Vunz Rox 3:9

Gou naeuz mwngz ni hax, doenghheij gaep haeuj Sajdanq baij hih doenghheij vunz mwnq gag naeuz bonjfaenh gyoengqde dwg Youzdaiq vunz, gizsaed cungj dwg gyaj hih. Doenghheij vunz neix gou ij hawj gyoengqde daeuj daengz dangqnaj mwngz gvih youq henz din mwngz baiq mwngz sax mwngz, hawj gyoengqde rox gou aiq mwngz hih.

Gihduz Hawj Vunz Rox 2:9

Gou rox mwngz souh nanh caemh gungz, hoeng gizsaed mwngz dwg fouqmiz hih. Gou caemh rox, doenghheij gag naeuz bonjfaenh dwg Youzdaiq vunz hih bangjlaih mwngz—gizsaed gyoengqde gaenhbaenj mbouj dwg Youzdaiq vunz, dauq dwg buek vunz Sajdanq fangzvuengz lah.

Youzdaq Saw 1:9

Hoeng, gou naeuz sou ni hax, Mijgyahlwz bouxcai Cangqdiq daeuzdaeuz neix youq de caeuq fangzvuengz doxceng gij seihaiz Mohsih hih mwhde, de vanzlij mbouj gamj ndaq naeuz de miz coih hwx; de caenhgag naeuz gawq: “Muengh Cangqdiq ndaq mwngz!” gawq neix sat lo.

Hihbwzlaiz Saw 2:14

Yiengq, giqyienz gij lwg Cangqdiq dwg miz lwed miz noh hih vunz, Yehsuh daeuj daengz lajmbwn guh vunz caemh dwg miz lwed miz noh hih. Yienghneix de cij ndaej rai; dunghgoq de rai hwj cij ndaej hawj cangjguenj rai hih Sajdanq fangzvuengz luetgyeuq.

Dizmohdaiq Ngeih 3:13

Hoeng, doenghheij guh doeg guh sieb, coemx vunz hih vunz yied ngoenz yied doeg; gyoengqde yaeuh vunz, caemh ij ngaiz vunz yaeuh gyoengqde.

Dizmohdaiq It 2:14

caemh dwg ngaiz yaeuh hih mbouj dwg Yaqdangh; dwg Yaqvah boux vunzbaz neix ngaiz yaeuh hwj famh coih lah.

Dezsajloznizgyah Ngeih 2:3

Mboujguenj vunz baenzlawz yaeuh faenhsou, faenhsou cungj mbouj ndaej sinq, aenvih ngoenz bouxcawj raeuz dauq daeuj cihsenz gaengjdingq ij miz vunz yiem Cangqdiq, caemh ij miz boux doegdoeg siebsieb, lwg satsoq mwnq ok daeuj.

Hijfuzsoj Saw 4:14

Daengz mwhmwnq, gyoengqraeuz couh mbouj caiq luj lwgngez yienghmwnq mbouj rox faenbied gijmaz hwj dingq daengz doenghgij vunz gyaujvaz he sauqyauz gijmaz couh sinq gijmaz he lo, caemh mbouj caiq sim mbouj dingh hwj luj vunz youq ndaw bohlangq yienghmwnq rumz ci hwj fan foedfoed bae lo.

Gohlimzdoh Ngeih 12:7

Cangqdiq mbouj hawj gou vih ndaej rox gij miqmiz de hwj gyauhngauq, couh hawj gou baenz cungj lujnaeuz miz diuz oen he coeg youq gwnz ndang gou nwih, luj bouxcai Sajdanq yienghmwnq siengzseiz coeg in gou, loengh gou.

Lozmaj Saw 16:20

Nyok bingzan dih Cangqdiq couh ij dawz Sajdanq caij benj youq laj din faenhsou lo. Muengh bouxcawj raeuz Yehsuh Gihduz siengzseiz doiq faenhsou haijliengh!

Geiq Dwzbaijyienz 5:3

Gajlaeng Bijdwz rox le, couh doiq de naeuz: “Yaqnaznizyaq, mwngz vihmaz hawj Sajdanq fangzvuengz cijveih aen sim mwngz, hawj mwngz daeuj coemx Hoenzsaenz Cangqdiq, dawz hai reih ndaej hih ngaenz gag louz mbangj hwnjdaeuj nej?

Yozhanq Saw 16:11

Yiengq, caiq gangj daengz saemjbuenq nej, couh dwg aenvih goengjvuengz lajmbwn, Sajdanq, gaenq ngaiz saemjbuenq lo. Couh vih yienghneix, lajmbwn hih vunz caemh mbouj ndaej deuz ok ngaiz saemjbuenq lo.

Yozhanq Saw 14:30

“Gou mbouj miz geijlwh cizgyenh ndaej caeuq faenhsou gangj haem lo, aenvih aen seiqgyaiq neix hih vuengz couh ij daeuj lo, hoeng, de mij'z gienz guenj gou law.

Luqgyah Saw 13:16

Meh vunzbaz neix dwg Yaqbwzlahhanj dih doengh daih gajlaeng he. De ngaiz Sajdanq hoedheux baenx cibbet bi lo; nanzdauh youq ngoenz ngoenzyietbaeg couh mbouj ndaej bang de, gouq de lo mah?”

Majdaiq Saw 24:24

aenvih daengz mwhmwnq, miz doengh boux gyaj dih Gihduz caeuq doengh boux gyaj dih boux cenz gij vah Cangqdiq daeuj. Gyoengqde loengh doenghgij geizmiuj he daeuj yaeuh vunz, simqciq loengh hawj gij vunz Cangqdiq senj okdaeuj he ceng di he cungj ngaiz sinq hwx; caeklaiq miz Cangqdiq baujhuq hwx.

Majdaiq Saw 13:39

Boux vanq ceh vaeng mwnq dwg ceij fangzvuengz, mwh ndaej sougvej mwnq dwg ceij ciqgyaiq dih ngoenz gatsat. Doengh boux sougvej mwnq dwg ceij bouxcai Cangqdiq.

Gihduz Hawj Vunz Rox 18:2

Boux de roengz daeuj le, couh hemq goggog naeuz: “Satsoq lox! Bahbijlwnz singz hung satsoq lox! Aen de satsoq hwj bienq dieg fangz yak youq hih dieg, bienqbaenz rongz fangzfangz gveijgveij roeg yalw youq he lux,

Gihduz Hawj Vunz Rox 18:23

caemh mbouj caiq miz daeng rongh haem caeuq mbouj caiq miz sing aeu bawx haq sau haem lo. Gaxgonq gij vunz mwngz guh seng'eiq dwg lajmbwn ceiq lek he; lajmbwn sojmiz hih vunz cungj ngaiz gij fap mwngz haeuj liux, moengx liux.

Gihduz Hawj Vunz Rox 12:8

hoeng, hoenx mij ndaej hingz gyoengq cai. Hoenx mij ndaej hingz le, duz de caeuq doenghheij cai de couh mij caiq ndaej youq gwnzmbwn youq haem lo,

Gihduz Hawj Vunz Rox 12:12

Sojhij gwnzmbwn caeuq youq gwnzmbwn hih faenhsou angq bax! Hoeng lajdoem caeuq ndaw haij hih couh ij satsoq lo, aenvih Sajdanq fangzvuengz rox bonjfaenh de dih cizgyenh mbouj geijlai lo, couh aeuqheiq dengxdengx hwj roengz bae daengz faenhsou mwnq lo.”